[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
سم يا قلبي ولا تشغلك ليلي العامريه = واذكر الله كل ما هبت شمال وحل طاري
لاتضيق من الجروح ولا تحمّل للخطيه = لا تمايل للهموم ولا تكسّر للعباري
شد عزمك لا تراوي كل درب وله مطيه = وكل ليل ٍ لو يطول يقربه ليل المساري
والليالي وان جفت بك عدها في المهميه = والقلوب أليا التوت لك حطها في وجه ذاري
طيبه يالقلب لا من صارت عزومك قويه = واطيب اطيب لا وقفت بسوقها بايع وشاري
وان تمنت عشقتك هكا الهنوف العسوجيه = لا توريها غلاها لين تتعبها الطواري
لين تاخذ من جنون العشق رشفة شاذليه = تستفيق ولا تفيق الا عقب شوف العزاري
ويا حمام الدوح ياللي لك لحون ٍ سامريه = مرحبابك يا حمام الدوح والمسحوب ساري
خلها تناجي هواها بالليال الخرمسيه = يا حمام الدوح وامسح دمعها والعمر جاري
يا حمام الدوح ترجم للقلوب العاطفيه = خذ معك كل المحبه خذ معك كل اعتذاري
[/poet]
[/align]
تعليق