ياسيدي ندعي لك إجلوس ووقوف

[poet font="MS Sans Serif,4,black,normal,normal" bkcolor="transparent" bkimage="backgrounds/18.gif" border="none,4,gray" type=2 line=200% align=center use=ex length=0 char="" num="0,black" filter=""]
هذه القصيده مهداه الى سمو
سيدي صاحب السمو الملكي الامير/
سلطان بن عبد العزيز ال سعود حفظه
الله ؟بمناسبة نجاح العمليه التي
اجراها سموه؟؟

ماجور ياسلطان من شر وصروف=وقتٍ صروفه ماتعدد كثيره
سلامتك والله بكم نسأل يروف=ويمن ياميرٍ عليكم بخيره
ياسيدي ندعي لك إجلوس ووقوف=وندعي لكم لاجاء للابطال سيره
ونحمد اله الكون ميات وولوف=لوان مايحمد على سوء غيره
سلامتك من بعد المت بك إضروف=أمرٍ مقدر مالنافيه خيره{1}
لشوفتك متعافي الشعب ملهوف=والجيش متلهف لشوفت وزيره
انت الذي في وصفك تحير الاوصوف=حتى الشعر يوقف تأمل وحيره
من جودك وطيبك لك الكل مشغوف=غيث النفوس الممحله والفقيره
كم واحدٍ حافه زمانه غصب حوف=وعند بابك جاء ونوخ بعيره
وفرّجت ياميرٍ همومه من الجوف=وراح يدعي لك بطول المسيره
زبن الدخيل وعز من ساقه الخوف=فتال حلال الامور العسيره
عضيد ابو متعب عمى كل مخفوف=وزير للجيش السعودي وأميره
لاشبت النيره وجا للعدو شوف=بأمر الفهد وامرك نشب الذخيره
فالجو طياره وفالبر قاصوف=والبحر حامينه بسفنٍ خطيره
ماهمنا مارق وفاسق ومشعوف=غاوي عمى يتبع هلايم ضريره
زمرت ظلالٍ لفت إرخوم وإضعوف=اهل الحسد واهل النفوس الحقيره
تَحت شعار الدين تزاحف زحوف=حتى خذو هالدين درع وستيره
والدين دين الحق والعدل معروف=نهج الرسول وصحبه اهل البصيره
دينٍ بَعد تشتيت صرنابه إصفوف=أخوان في الاسلام ربع وعشيره
فيه التنافس بيننا شي مألوف=لكن تفجيرات هذي كبيره
وش ذنب طفلٍ يُُقتل وشيخ مكفوف=وإمٍ تموت وبنت ترضع صغيره
ورجال الامن اللي مراويح ونكوف=من شان الامن يسود ليل وظهيره
راحو ضحايا بين حاذف ومحذوف=بين المخطط والغشم بمصيره
يالمملكه لايزعجك كل ملقوف=حنا عماه ان دق للحرب زيره
علمٍ على وضح النقى صار مكشوف=واللي مكذب يطلق إسبوق طيره
ويشوف فعل اللي لك إدروع وسيوف=اهل الحميه والفعول الشهيره
واختامها عداد من يسعى ويطوف=صلو على بشير ربي نذيره



{1}امرٍ مقدر مالنا فيه خيره؟
اي امر اجباري ليس اختياري!


مع تحيات ابن الوطن وخادمه الشاعر/حسين بن داخل الحارثي{سهيرالليل}
[/poet]

الاخ/حسين بن داخل الحارثي

ارررررررحب ملاييييين ولايكفون

صح لســـــانك وبيض الله وجهك ونطلب لسمو سيدي الشفاء العاجل
ولانملك سوى الدعاء لسموه وجعله طهورا ان شا الله

هذا و تقبل اجمل التحايا
اخوك
ابو
عبدالله

السلام عليكم

الاخ حسين الحارثي


جزله ولاهنت يابعدي


مدحت من هم للمدح اهل وربي


صح لسانك


دمت بكل الود


اخوك
ابوطارق

الشاعر هاجد العتيبي

مرورك شرف لي كبير
وصح بدنك يالغالي

تقبل خالص الشكر والتقدير




اخوك{سهيرالليل}

الشاعر صالح ا شنيف

حياك الله وبياك وجعل الجنة مثوانا ومثواك
صح بدنك يالغالي والله يجزاك بالخير



تقبل تحيات اخوك فالله {سهيرالليل}

الاخ حسين الحارثي


جزله ولاهنت يابعدي


مدحت من هم للمدح اهل وربي


صح لسانك


دمت بكل الود

الشاعر مطر العضياني

مرحبا بمرورك العطر يابن روق

وصح بدنك يالغالي


ولاعليك زود فانت اهلً للمدح والاطراء


تقبل تحياتي{سهيرالليل}

للرفع