يا عيـــون الشــّـــعر ؟

ارحب ياسالم نوّرت القصيده بهالطله


تحياتي

[الجارحه]

السلام عليكم ورحمة الله وبركاته

الشاعر ناصر بن دهيم :


صح لسانك اخوي ولاهنت


قصيده جميله وتقبل اعجابي فيها


وتحياتي : اختك الجارحه

السلام عليكم

الاخ الشاعر ناصر بن دهيم


الهديه جزله مثل راعيها

الله لايهينك ياعذب

وبصراحه اسلوبك رايق وعذب وسلس

وعيون الشعر تقول شاعر جزل ماشاء الله عليك


دمت بكل الحب


اخوك
ابوطارق

ارحب





ارحب ياناصر ابن دهيم





الله الله الله عليك كل بيت فيها عن قصيده


صح الله لسانك ولاهنت يامبدع



وافي وجزل ومبدع


تقبل تحياتي وتقديري

يامرحبا والله اني صادق يالوطري


معودنا على التواصل لاهنت وصح بدنك


كل الشكر لك

تحياتي

مرحبا ومسهلا يالاسمير يهمني رايك ومرور مشرف للقصيده



صح بدنك وادام الله هالتواصل


تحياتي لك ومشكور على هالكلام

مرحبـــــا بالاخ ناصر بن دهيــــم




وصح لسانك على القصيدة الجزلة




ولاهنت

الشاعر المبدع / ناصر بن دهيم

ياسلام ياسلام ياسلام
هذا الشعر والا بلاش
قصيدة تستحق الاعجاب
ابدعت وتفوقت يابن دهيم


تقبل خالص تحياتي......

هلا وغلا يابوفهد معودني على التواصل صح بدنك ونوّرت القصيده

بمرورك كل الشكر لشخصك


تحياتي

يا سلام عليك يا ناصر


صح السانك



قصيده جزله من شاعر يستحق المتباعه



لا هنت

وتقبل تحياتي

هي من اولها بدايه او نهايه
هي حقيقه لكن بصورة روايه


اشغلتني لين جنّ العقل منها
يالله اني طالبك درب الهدايه


ودي افكر ولكن ليش افكر
دام تفكير البشر من دون غايه


من صغر سني وانا فكري قصيده
لين صارت سيرتي مثل الحكايه


لابغيت اسج عن همّي اغني
ماحترفت الشعر لكنّه هوايه


كل شخص بهالزمن يبني طموحه
الصعود الصعب يبغى له درايه


النجوم انشوفها منّا قريبه
اثر هقوات النظر اكبر جنايه


اسرفت بي لين حبيت المعالي
كل منجز شي مايروي ضمايه


تنخلق هالناس فالدنيا عطاشا
لو سقوها اليم ماقالت كفايه


بعض هالعالم خلقه الله يعاند
ماكتب حرف ويبي يفك القرايه


الغني من عز نفسه في حياته
مامضت دنياه بأموال وحمايه


الجهات اربع وكلٍ في طريقه
ياطريقٍ صح والا درب تايه


ان خذت دنياي والا ماعطتني
خطوتي بالارض واحلامي سمايه


لي معا اهل العشق دربٍ مانسيته
هو سبب جرحي وهو سبّة شقايه


الجفا ؟ فالحب تصريف الحبايب
والفراق يجيك من كلمة وشايه


ولي مع اهل المرجله شيٍ طرالي
من بغى الامجاد يصبر فالبدايه


اعشق اللي خوّته كسب المراجل
خوّة الطيّب على الدنيا دوايه


ولي مع اهل العلم درسٍ ماكتبته
لكن اني حافظه حفظ الوصايه


يكفي اني عارفٍ هالكون كله
مايساوي من كتاب الله (آيه)


القصيد احزان وعيوني منابر
والعنا مخلوق من سبّة عنايه


لا لمست الورد يبكي من حنيني
ولاسهرت الليل ذكرني غلايه


منهجي واضح ولا احب اتفلسف
واكره اللي حكيهم كذب ودعايه


ياعيون الشعر ابكي واكتبيني
شاعرٍ موهوب كوّن له ولايه


طرفه ابن العبد غنّى في شبابه
لين علق له مع اهل السبع رايه


ان رضوا هالناس والا مارضو بي
الثنى لله والحاسد ورايه


عارفٍ قدري ولي فالناس نظره
بشت فيدي فدوته ميّة عبايه



ناصر ...ابو محمد

الى منك شيبت عسى الله يطول عمرك على طاعته

وسألوك عن اهم القصائد في شبابك..فأنا متأكد انك ستذكر هذه القصيده اضافه الى قصائد اخرى ابدعت فيها كما هي عادتك.

القصيده هذي يا بو محمد...فيها نكهه خاصه أعجبتني جدا...من غير قصور في باقي قصايدك ولكن الناس اذواق



صح لسانك يا فتيلة الشعر مليوووووووون

وتقبل تحياتي وتحيات واسم


حسن

مرحبامرحبا يابن دهيم تراحيب المطر...

النجوم انشوفها منّا قريبه
اثر هقوات النظر اكبر جنايه

تقول وتطول وهقواتك عاليه
وشاعر رائع ياناصر ادامك الله ودام هذا النهر المتدفق بروعة الجمال

وبنتظار رائعه اخرى .

تقبل تحياتي ومتابعتي

[راشد العجمي]

أرحب ياناصر...


يالله حيه..بيض الله وجهك بياض الشاش..

يكفي اني عارفٍ هالكون كله
..........................مايساوي من كتاب الله (آيه)


صدقت والله ياناصر....


نص وافي يالقرم.. صح الله لسانك.. والله لايهينك...



اسلم وسلم...

ارحب يابوعلي الله يطولي بعمرك على الاطراء الكريم


وماهي غريبه منك يامشاري صح بدنك وكل الشكر لك

اهلين ابومهدي مرور مشرف وادام الله هالتواصل


صح بدنك


اشكرك