( ( خيمة بدو ) )

الاخ الشاعر \ محمد بن حمد


صح لسانك يابو حمد


ولاهنت يالغالي


قصيدة رائعه من شاعر رائع

صح لسانك


وتقبل تحياتي


اخوك \ فهد بن محسن

الاخ العزيز


عادل بن مطرود


حياك الله وصح بدنك ولاهنت


مرورك اسعدني


تحياتي لك

ليه المسا عوق الشقـاوي وطبّـه؟
وليه الهبوب تصحي القلب لا بـات؟
وليه القمر يدعـي جريـح المحبّـه؟
ويقول له يا هيه..ما فات ..ما مـات
جرحك ظهر لو قلـت للوجـه خبّـه
وللحزن في ضحكك رسوم وعلامات
وليه المطر بالذات ريحـه.. وصبّـه
كنّه رسول بيـن الاحبـاب بالـذات؟
اشتـاق فيـه لشوفـتـك واتنـبّـه
للي نسيته مـن مواقـف ونظـرات
لا استانس الخافق ذكر مـن يحبّـه
ورجع يراجع فالوناسـات مـا فـات
يا مرتـع القلـب الحزيـن ومربّـه
يزيين بك مثل الذهب صدر الابيـات
هيهات ينسى القلب شخـص ٍ لعبّـه
وهيات يدله خاطري منـك هيهـات
سبك مديح ومـدح غيـرك مسبّـه
تقول واذني صوتها تقول لك هـات
ونبع الغلا عنـدك وعنـدي مصبّـه
ومن الولا .. في خافقي لك ..ولاياات
وطيفك حطب عيني..وعيني مشبّـه
والشوق برد ٍ ما انقطع لو للحظـات
ومكانك الصدر ولـك القلـب شبّـه
بين الظلوع اللـي فردهـا التنهـات
ولك بيـرق ٍ فالقلـب حبـك يهبّـه
شامخ ولا هزه من العـذل غـارات
محبتـك فالوقـت ذا مــا تشـبّـه
الا بخيمـة بـدو بيـن العـمـارات
ان شفتني ضايق واهوجس واسبّـه
اخاف غدر الوقت.. والوقـت دورات
لا تحسب ان دمعي نـزل دون سبّـه
ابكي من الفرقا وهـي مابعـد جـات
الـيـوم كــل امورنا..مستتـبّـه
وبكره ماندري وش معه من مسرّات
اربّ قلبـك مثـل قلـبـي اربّــه
ما يخلفه شور العـرب والمسافـات


...

والله يامحمد اني ابي اختار بيت واحد ولاعرفت اختار كل بيت احلا من الثاني

يعلم الله اني من اشد المعجبين بقصايدك وطرقك في القصيد

شااعر مبدع وسلس ومتمكن بمعنى الكلمه

صح اللسانك

اسلم وسلم

اخيك ,

الاخ العزيز

فهد العرجاني


يا مرحبا بك والله

وصح بدنك ولاهنت على المرور

ما عرضتها الا ابغيها تجوز لك ولشرواك


لاهنت


تحياتي لك

الاخ العزيز


حمد بن دريب


يا مرحبا بك

مرورك يكفي ولو ما اخترت شي


ومتابعتك شرف وتسعدني


لاهنت على الاطلاع


تقبل


تحياتي

صح لسانك ولا هنت يالقرم .. قصيدة تليق بمستواك

الاخ العزيز


صلاح العرجاني

يا مرحبا بك

لاهنت على المرور

شاكر لك تواجدك الكريم


تحياتي لك