فالبدايه لك سلامي والتحيه

اخواني اعضاء المنتدى والزوار اشارك بهذه القصيده بعد انقطاع

وارجو ان تحوز على استحسانكم

فالبدايه لك سـلامي والـتحيه
&&&&&&&&&&& &&فيك يالمجمول ستطرت التحـايا

كـل حرفِ من لـساني لك هـديه
&&&&&&&&&&& &&اقـبليهن لاتردين الـهـدايا

اسـمعيني يالـهنوف الغـشمريه
&&&&&&&&&&& &&واسـمعي يابنت منظوم الحـكايا

والله انـي مانويت الّ كم بنيه
&&&&&&&&&&& &&والله اللي عالمِ كـل النوايا

والخـطيه كان بالموقف خـطيه
&&&&&&&&&&& && الخـطيه مـنك يادمـث الشـفايا

ذا جزايه يوم بينت القضيه
&&&&&&&&&&& &&والله اني ماهقيت ان ذا جزايا

ما الومك لو لحقك الشك فيه
&&&&&&&&&&& &&ما الومك واجد اللي به خطايا

وكم هنوفِ عند اهلها مهتنيه
&&&&&&&&&&& &&تحسب ان الستر في لبس العبايا

مير انا يابنت مالي مـقدريه
&&&&&&&&&&& &&كـثرت التفـكير بذت لي خـفـايا

والخوي يابنت ما يترك خويه
&&&&&&&&&&& &&كـان طـاح رداك لبـسـتك ردايا


وقـــــــــاد

الاخ الشاعر وقاد ....

والخوي يابنت ما يترك خويه
&&&&&&&&&&& &&كـان طـاح رداك لبـسـتك ردايا


قصيده رائعه جدا يا وقاد ....

صح لسانك ياغالي وتسلم يمينك ..


اخوك :
امرىء القيس

كـل حرفِ من لـساني لك هـديه
.... اقـبليهن لاتردين الـهـدايا



الف شكر يا وقاد قصيدتك تتوقد بالجمال وتشع بالروعه
تقبل تحياتي

الاخ العزيز امرىء القيس

شكرا لك على التواصل والزياره والله يعزك يابن الاجواد

وصح بدنك يالغالي

لك تحياتي

اخوك وقـــــاد

بسم اللله الرحمن الرحيم

اهلا بعودتك ياوقاد ...

وبهذه القصيده الطيبه ..

اخي العزيز فتى القرائن

صح بدنك

وشكرا لك على تواصلك والجمال هو شعورك الطيب

لك خالص شكري فتى القرائن

اخوك وقـــــاد

الاخت هيفاء

شكرا لك على هذه المشاعر الطيبه


اخوك وقــــاد

صح لسانك ياوقاد ومن طول الغيبات جاب الغنايم


لاهنت على هالقصيده الحلوه وترانا طماعين ونطمح

بالجديد لا تبخل علينا تقبل تحيات اخوك المهند .

فالبدايه لك سـلامي والـتحيه
_____________
المبدع/ وقاد

صح الله لسانك

قصيدة في غاية الروعه


وش رايك في التوقيع
بعد أذنك ... طبعاً

سجل اعجابي
وتقبل تحياتي
اخوك/ ماجد بن محمد

الاخ ماجد بن محمد

صح بدنك

وشكرا لك على الاطراء وانا سعيد بزيارتك

اما التوقيع فانت تستاهل اكثر وانا كلي لك


تحياتي لك اخوك وقـــــاد

الاخ المهند

صح بدنك اشكر على الكلمات الطيبه


سعد ت بزيارتك يالمهند وعسى ان اكون عند حسن الظن


تحياتي لك اخوك وقــــــــاد

صح لســانك اخوي وقاد .. ولا هنــت ..
"
"
قصيـــده جميله.
"بس في بيت ابقــوله لك ومادري
اذا انت سمعته من قبــل والا ماسمعــته ( وهــذا اللي اتمناه انك ماسمعته )
"
"
"
كــل جرحٍ فات لــي منّـــك هــديه
.................. وش بــــلاك اتخــــاف من رد الهـــدايا
( بدر بن عبالمحــسن )
"
طبعــاٍ انت فكـــرت بيتك تخــتلف ولكــن تشــارت
مع هالبـــيت في وزن وقافــيه ومطــلع ( مطـلـع البيت )
وكأنك ترد على البيت او القصـــيده .
"
"
وهالـــشي مايعــيب اي انسان ابدا دام ان التوظيف صح .
"
"
وصح لسانك ..

الاخ العزيز عبد الله الملحم

السلام عليكم ورحمة الله وبركاته

صح بدنك

العذر والسموحه اخي العزيز على الاطاله بالرد عليك وبالمشاركه في

المنتدى وذلك لظروفي الخاصه.

سعدت بزيارتك وباطراءك الجميل وهذا من طيبك

امابالنسبه لملاحظتك كتبة هذه القصيده بظروف ولم يكن لي قصد

بالكتابه على وزن و قافيه سمو الامير بدر بن عبد المحسن ولاكن اتت

عفويه حتى البيت ماعلمت عنه الا بعد قراتي لكتابتك .

اخي عبد الله تقبل تحياتي ولا تحرمنا من زياراتك


تقبل تحياتي اخوك وقـــــاد