صفر الدلال الي بها بن وبهار !!

ارجوا ان تتقبلوا مني هذه المشاركه المتواضعه..

ان بدوي رابي على شبت النار

...............ما هين نفسي للعلوم الرديه

وليا كتبت الشعر والله مختار

...............كود العلوم الطيبه والنقيه

عوايدن يفرح بها الضيف والجار

............ويفرح بها الطرقي وراعي الحميه

صفر الدلال الي بها بن وبهار

.............تبري جروحن فا الضماير خفيه

في مجلس ارجالن به الطيب يندار

................محدن بقلبه غلتن من خويه

وليا فزعت افزع على كيف ما صار

.................ما همني كبر الخطر والمنيه

اطلب ولي العرش في وقت الاسحار

...................جنات عدن الي ذكرها نبيه



[تم تعديل الموضوع من قبل ابو سلطان بتاريخ 03-17-2001 الساعة 10:04 PM]

احسنت ياابن الاجواد

احسنت ياابن الاجواد والله لايهينك
قصيده طيبه من شاعر طيب
توجد ملاحظه املائيه
في مجلس ارجالن به الطيب يندار

................محدن بقلبه غلتن من خويه

وصح اعتقدوالله اعلم.
في مجلس ارجالاً به الطيب يندار

................محداً بقلبه غلتن من خويه

والله يعطيك العافيه

طلال الاحمدي
جــده

كفو يبو سلطان

اخوي العزيز ابو سلطان ....

صح الله لسانك ولاهنت .......

يعجبني اللي يتمسك بالاصاله بشعره ...


تسلم يمناك ولا عدمناك ....

تقبل كل اعجابي ...

اخوك:
امرىء القيس

هلا وغلا اخوي الاحمدي ..مشكور على التوضيح يا رجال حاولت ادور التنوين في الكيبورد ما حصلته ...قلت المهم المعني ياصل ...

هلا با الغالي امرىء القيس نعم وانا اخوك الي ماله ماضي ماله حاضر ولا مستقبل....مشكور على تشريف الموضوع

بسم الله الرحمن الرحيم

ياسسلام .. وش حلوها القصيده ..

شكرا هيفاء هذا من طيبك تقبلي تحياتي

صح الله لسانك يا ابو سلطان..........كفو ياراعي الدلال المبهرات والعلوم الغانمة.


اخوك/عبدالله الهاجري

الاخ ابو سلطان


تحيه طيبه
اذ اردت التنوين في الاعلى اضغط على شفت وحرف الصاد سوى
اذ اردت التنوين في الاسفل اضغط على شفت وحرف السين سوى
ولك مني اطيب تحيه

طلال الاحمدي
جــده

الله الله

صح لسانك يابو سلطان

هذا الكلام الي يشرف راعيه والله




خوي المطاليق

هلا اخوي الواثق ما عليك زود ..هذا من طيب اصلك يا الغالي

الاحمدي شكرٍ على هذه المعلومه والله اني كنت ادور عليها منذو مبطي...

خوي المطاليق الله يشرف مقدارك ويرحم والديك...

[كحيلان]

والله ونعم والف ونعم بابوسلطان
الله مير يحييك
وفييت وكفيت
رايتك بيضاء وانا اخوك والقوافي طوع شرواك اتزهوى
تشرفت بالاطلاع على قصيدتك الجميله
اتمنى رؤية المزيد ولااظنك بباخل علينا بذلك
تحيه اخويه صادقه
كحيلان

[عاشق الغرياف]

يا مال الغنيمه



يا بوسلطان


وش هالقصيده اللى تفوح



بريح الهيل والبن


وطعم المسمار والزنجبيل




وعطر النواااار والبخترى



وطيب جدان راعى القصيده



الله لا يهينك ويثبتك على سلوووم الاجواد





يا الاجودى




يا بو سلطان









اخوك : عاشق الغرياف

الاخ الغالي / ابو سلطان

لماذا لانتقبلها منك وانت الذي تقول

في مجلس ارجالن به الطيب يندار

................محدن بقلبه غلتن من خويه

شكراً لك علي هذا الكلام الطيب والذي لايصدر الا من طيب
واتمني لك التوفيق ..... والي الامام


أخوك / بحـــــــــر

الاخ كحيلان ما عليك زود .....واعتبر كلامك الجميل هذا وسام على صدري الف شكرا

اخوي عاشق الغرياف....الله يرفع مقدارك ويبارك في ايامك يا بن الاجواد ..تحياتي

الاخ بحر ..ما عليك زود وانا اخوك .....هذا من طيبك.......مشكور