معـــوّض خيـــر

[poet font="Simplified Arabic,4,darkred,bold,normal" bkcolor="white" bkimage="" border="double,7,darkred" type=0 line=200% align=center use=ex length=0 char="" num="0,black" filter=""]
~{ معوّض خير }~

معوّض خير ياحيٍ تهقوى في الزمان ومال=سنينك لو رقيت بعدلها يطرحك مايلها
تعلّم وإعرف إن الدرب قدامك سهل وجبال=جبال تطولها وجبال بعيونك تخايلها
ومعوّض خير ياحيٍ وردت الماء بدون حبال=يطول بك الوقوف وشربة الماء ماتحصّلها
وقوفك عند راس البير مايسقيك لو فنجال=ولاينفعك شوف الجمه اللي منت طايلها
ومعوّض خير ياحيٍ خدعك من الرجال أشكال=تشوف أشكالها وتحطها أرفع من منازلها
تعلّم من زمانك لاتصير من أجهل الجهال=ترى في كل يوم تجيك عبره لاتجاهلها
إذا ربي وهب لك عقل تلقى في الرجال رجال=تعرف اللي يطلّع قيمتك واللي ينزلها
ترى من بعض مايندي الجبين ويحرج الرجال=لياساق الميانه في نفوسٍ ماتقبّلها
ومهما شفت في صاحبك من نخوه وطيبة فال=ترى بعض السجايا كثرة الإلحاح يقتلها
معاريف الرجال ديون وديون الرجال ثقال=لياصرت متعافي ليش تغرق في جمايلها
رصيدك في حياتك سمعتك مع طيبين الفال=رجال الطيب والمعروف بالمعروف عاملها
ولاتبدي بجاهك في مقامٍ مايسر الحال=ولاتشفع لناسٍ ماتنومسك بفعايلها
لياجاتك تعذّرها مدام العذر له مدخال=ووقت الجد قول لها الصحيح ولاتجاملها
وخذ مني نصيحه لاتصدق كل ماينقال=يجرك للنميمه لين يطرحك بحبايلها
يجيلك ناقل النمّات بهروجٍ تغث البال=سوالف في قفاك وحظك أطيب يوم تجهلها
يبرر بالحميه والصداقه شينة الأفعال=يجمّل صورته بعلومه اللي ماتجمّلها
ولو كانت حميه فيك رد المخطيه في الحال=ولاكان إستمعها في قفاك وجاك شايلها
ترى من جاب لك ودّى وهذي عادة النقال=يحاول يقتنص من فمك كلمه لأجل ينقلها
ومثل ماقال عندك راح عنك وعند غيرك قال= وزوّد عشر فوق الكلمه اللي كنت قايلها
تجنّب مجلسه لاتجلس إلا مع كريم خصال=تحمّل ميلته وإن ملت ميلتك يتحمّلها
ولاتصبر على الجار الردي لوهي ثلاث ليال=تضرك جيرته لوكان بيبانك تقفلها
وبيع الدار بأول سومةٍ تعرض على الدلال=ورزقك عند ربٍ كاتب اللقمه وكافلها
وبنتك لاتزوجها الردي لوهو كثير المال=تربيها على الطالات وتشوّه سلايلها
وكم من لاش يرمي خيبة إبنه فوق راس الخال=لوإن الخال من روس الرجال ومن دلايلها
ليامنك عرفت تميّز الطيّب من البطال=وفادتك التجارب في الحياة وفي مسايلها
وكشفت الفرق مابين الصحيح وحيلة المحتال=وتعلمت الفراسه في الوجيه اللي تقابلها
بعد هذي ترى مالك غنى عن صحبة العقّال=يدلونك برايٍ ينقض الدعوه ويفتلها
يقولون الرجال اللي سوالفهم حِكم وأمثال=ليامن ضاعت الحيله يدل القوم عاقلها
نصيحة واحدٍ جرّب وشاف من الزمان اهوال=يقدّم لك خلاصة هجرةٍ جرّب هوايلها

عبدالله الطلحي

.
[/poet]

عبد الله الطلحي




صح الله لسانك على هذا الابداع



قصيده وافيه من وافي


اتمنى لك دوام الابداع


تحياتي

عبد الله الطلحي




صح الله لسانك على هذا الابداع



قصيده وافيه من وافي


اتمنى لك دوام الابداع


تحياتي

الشاعر

عبدالله الطلحي صح لسانك ملييييييييييييار

على هاالقصيدة المعبرة بمافيها من الحكم

والنصح لاعدمناك

ابيض وجه

تحيات مغليييك

الله اكبر الله اكبر الله اكبر

لو يقولون وش تمنى قلت اتمنة ماينزل فالنداوي الا مثل هالقصيده
ولايسجل فالنداوي الا مثل هالشاعر

ابو ناصر شاعر الحكمه وشاعر الابداع

يخجل الشاعر من قصايده عند رؤية قصايدك

لله درك وطلبي ان لاتطيل غيابك عن النداوي..

صح لسااااااااااااااااااااااااااااااااانك...

عبد الله الطلحي




صح الله لسانك على هذا الابداع



قصيده وافيه من وافي


اتمنى لك دوام الابداع

تركي الديحاني

الشاعر عبدالله الطلحي

شاعر قمه بل كارثه من كوارث الشعر الشعبي

رااااااااائع ياعبدالله

قصيده رمز ومعلقه من معلقات هذا الوقت

حكم- امثال -صور- الفاظ -معاني- فن- حبك -سبك-جنون

صح لسانك

تقبل كل الود والاحترام لمقامك

الغالى : عبد الله




هلا وغلا




ومرحبا





صح الله لسانك





قلت وطلت وأبدعت





لك تحياتى

متعب سعيد اليامي


شكراً لمرورك يالغالي


تسلم والله




.

الله الله الله يا الطلحي





صح الله لسااانك مليوووووووون




قصيده جزله من راس شاعر جزل





أبدعت أخوي عبدالله بيض الله وجهك





لاهنت يالغالي




تقبل خالص تحياتي


اخوك
ابراهيم الشمراني

عبدالله الطلحي

صح السانك ولاهنت الى ماله نهايه

وبيض الله وجهك

قصيده مهما كتبت عنها لن اوفيها حقها


لله درك من شاعر



لك تحياتي

عبدالله









سلمت على هذا الابداع











فلم اقراء من زمن مايطرب مثل هذا اللي قرأته هنا










فلقد قرأت معلقه شعريه





يجب العوده اليها في كل الاوقات











سلمت لأخيك

فازع الرشيدي


لك شكري وتقديري

على هذا التواصل الرائع




لاهنت يالغالي



.

عبد الله الطلحي




صح الله لسانك على هذا الابداع



قصيده جزله من راس جزل

تحياتي لك

طلال بن سعيد

مضواح بن جابر


تسلم والله يالغالي


أفتخر بكلماتك الرائعه


وأتقلدها وسام شرف


شكراً ولاهنت



.