السيف والسلّه

الله يسعد مساكم ويطيل بقاكم
هذه قصيدة اتمنى ان تنال اعجابكم
وذواقكم .......... بسم الله ابدا .......[poet font="Simplified Arabic,4,indigo,normal,normal" bkcolor="transparent" bkimage="backgrounds/23.gif" border="none,4,gray" type=0 line=200% align=center use=ex length=0 char="" num="0,black" filter=""]
اسمع ( يابو زيد ) بيت الشعر وفطلّه =
هذي بداية قصيدة وانت حللها

الشعر ماهمني زوده ولاقلّه =
تهمني زبدة الهرجه وقايلها

والغز ماهمني نظمه ولاحلّه =
واصحاب الالغاز وافكار(ن) تناقلها

تهمني صبة الفنجال والدلّه =
لا وحلالاه ياروس(ن) تمثلها

ويهمني من يعقد الحبل ويحلّه =
اذا اختلط حابل العالم بنابلها

يداوي الجرح حتى يبري العلّه =
ون مالت ام العبر يقدر يعدلها

راس (ن) على الطيب عاش وصار طبع لّه =
ينقّض احبال والاّ احبال يفتلها

عنده اسلوم الوفاء ماهيب مختلّه =
وانا اترفع بمنزلها ويزهلها

هذاك سود الليالي ماخلفت دلّه =
طبيعته مستحيل انه يبدلها

يحب ربعه ويرفاهم من الخلّه =
يكسب رضا لابته ماهوب يزعلها

انا اشهد اني على الدنيا رفيق لّه =
رفقة وفاء وبيض التاريخ سجلها

ياقشر هم الخيل اللي فقد خلّه =
فقدان الاحباب يامثقل تعاملها

والوصل ماغير راع الوصل ياصلّه =
اقراب الاحباب يامطيّب تواصلها

مالوم عين(ن) تصب الدمع وتهلّه =
من يوم مرت وعدت عن مداهلها

والسيف لولا نصاب السيف والسلّه =
يمنى تسلّه لوالله مايجملها

والحلم والصبر في وقته وفي حلّه =
يرفع ارجال المواقف في منازلها

بعض المواقف يعز الرجل ويذلّه =
والتجربه تقنع العارف دلايلها

الذل من واخذ الصاحب ولامهلّه =
والعز من زلة الصاحب تجاهلها

من مبعد الناس لاوالله ولابلّه =
ومن اقرب الناس لاجات يتقبلها

واللي يواخذ رفيقه باول الزلّه =
لاصارت الثانيه كيف يتحملها




وسلامة الجميع

[/poet]

راس (ن) على الطيب عاش وصار طبع لّه =
ينقّض احبال والاّ احبال يفتلها

عنده اسلوم الوفاء ماهيب مختلّه =
وانا اترفع بمنزلها ويزهلها

هذاك سود الليالي ماخلفت دلّه =
طبيعته مستحيل انه يبدلها

يحب ربعه ويرفاهم من الخلّه =
يكسب رضا لابته ماهوب يزعلها

انا اشهد اني على الدنيا رفيق لّه =
رفقة وفاء وبيض التاريخ سجلها




ابن وحير



ارحب



وعزالله اخترت رفيقك



كفو



وانت ولابتك تحروون بالعلوم الغانمة كلها




شاعر جززززززززززززززززززززل بيض الله وجهك ياسالم




تقبل محبتي وتقديري







يالذيب

الله على الشعر واهله

سالم والله ان لشعرك نكهه خاصه ويتوشج بالابداع والجزاله وتاج الشعر <الحكمه>

الف صح الله السانك ياذيبان



ودام الابداع للمبدعين

انصفت الشعر والمتابع


تفبل اجمل التحايا واجزلها

الغالى .. القريب من القلب .. سالم




أشهد بالله أن الشعر مع شخص مثلك يزيد عمره ويصير له طعم وطراه




هنا درر وجواهر




وكلام شامخ من شخص شامخ





سجل اعجابى القديم





ولك تحياتى

ارحب يامحمد

ارحب ارحب هلا وغلا يشرفني حضورك

ولك مني الف الف الف شكر لاهنت يالغالي.




تقبل
مني
اجمل
واطيب
تحيه

الصديق العزيز/ حسن المسعودي

مرحبا تراحيب المطر شهادة لها اثرها الشخصي

في نفسي واعتزبها من شاعر له مكانته الشعريه

بين شعراء الساحه الشعبيه .


تقبل اجمل تحيايي ..

الاخ العزيز الغالي / خالد الذيابي

مرحبا ومسهلا اسفرت وانورت

ومن طول الغيبات جاب الغنايم

حضورك فالنداوي مهم وانت اسم

غير عادي . الله لايهينك ويطول في عمرك

على الطاعة ..... تقبل اجمل واطيب تحياتي.

الـذل مـن واخـذ الصاحـب ولامهلّـه

والعـز مـن زلـة الصاحـب تجاهلهـا

مـن مبـعـد الـنـاس لاوالله ولابـلّـه

ومـن اقـرب النـاس لاجـات يتقبلـهـا

واللـي يواخـذ رفيقـه بــاول الـزلّـه

لاصـارت الثانـيـه كـيـف يتحملـهـا


ابن وحير

بيض الله وجهك وصح الساااااااانك والله لا يهينك

قصيده من اجزززززل القصائد وشاعرها جزل ووافي


تقبل تحياتي

الاخ سالم ابن وحير

صح لسانك ملايين يالغالي

وعدل كلمة خليل

وسلم لي على مبارك


وتقبل تحياتي

الاستاذ والشاعر ... ابن وحير

صح الله لساانك



وقصيده جززله ومن شاعر جززل



ومني خالص الشكر والاحترام


جراح

الشاعر الفذ سالم وحير
جزلة بحق ومعاني رائعة ..

الشـعـر ماهـمـنـي زوده ولاقـلّــه
--------تهمـنـي زبــدة الهـرجـه وقايلـهـا

لافض فوك

الاستاذ والشاعر ... ابن وحير
صح الله لساانك



وقصيده جزله ومن شاعر جزل
عدل كلمة الخيل الى ( الخليل)



ومني خالص الشكر والاحترام
اخوك / سعد

الـذل مـن واخـذ الصاحـب ولامهلّـه

والعـز مـن زلـة الصاحـب تجاهلهـا

مـن مبـعـد الـنـاس لاوالله ولابـلّـه

ومـن اقـرب النـاس لاجـات يتقبلـهـا

واللـي يواخـذ رفيقـه بــاول الـزلّـه

لاصـارت الثانـيـه كـيـف يتحملـهـا
ياسلام يابن اوحير


عز الله اني لا قريت اسمك دريت اني بقراء قصيدةٍ جزله


صح اللسانك يالسنافي


قصيده اقل مايقال لها رائعه


كتبت وابدعت ياسالم

تحياتي

سالم محمد ابن وحير


صح الله لسانك ولاهنت


شاعر يطربنى اذا كتب


بس فى غلطه مطبعيه فى البيت هذا


مدرى يمديك تعدلها والا راحت


الخيل = الخليل


ياقشـر هـم الخيـل اللـي فقـد خـلّـه

فقـدان الاحـبـاب يامثـقـل تعاملـهـا

سالم بن محمد ابن وحير




صح الله لسانك وبيض الله وجهك على هذه الابيات التي لا اعتبرها الا درر


انت من الشعار اللذين نحرص على متابعه جديدهم


مره اخرى صح السانك


ودعتك الله