الغيره وبصوره غريبه

السلام عليكم ,, انشالله انكم بخير وبصحه وعافيه يالجميع ..

كنت عند واحد من الربع ووردت هالقصه وحبيت اقولها لكم في
المنتدى وموضوعها عن الغير بين ام وبنتها والقصه كالتالي ..
ان رجال خطب بنت من امها لان ابو البنت متوفي والعجوز هي ولية
امر البنت , المراد يوم خطب الرجال البنت من الام , لا الولد
مزيون واصيل .. وش لكم في كثر المميزات واوصاف الرجال المراد
ان العجوز عشقت الولد وتمنت لو ان الولد يخطبها بدال بنتها ,
قامت العجوز وقالت قدامه هالبيت :: تلمح للعريس اللي في
بالها ..
دور لشدادك عرمس تسري به ×× كب الظلام وخل عنك الحاشي
والشداد معروف والحاشي معروف .. المراد البنت سمعت البيت
وحست بالخطر علي زوج المستقبل من امها, فقالت هالبيت تبي
تدافع عن زوج المستقبل ..
خير الشرايا حقة ولقيه ×× والفاطر اقشر ماشرا القماشي
عقب هالبيت .. استحت العجيز علي دمها وانكسحت وزوجت الولد
لبنتها وهي الله والعالم مالها وجه تقابل نسيبها وبنتها عقب
اللي صار ................
تمت


والسلام ختام
اخوكم الهلالي

الله يكفينا شر الغيره وحب الذات



سلمت يالهلالي ولا هنت على هالمشاركه

لا تقاطعنا وانا اخوووك ولاتحرمنا من مشاركاتك الزينه

اخوك // الساهر

ــ الاخ العزيز الهلالي


... مشكور على هذا الاهتمام الرائع منك بالتراث والمواعظه والقصص القديمه التى نتعلم منها وناخذ منها الدروس والعبر

فشكرا لك على هذا الحرص الجميل منك على التراث



:::: اخوك سهيل