ان ركد بركان همه ما ركد زلزاله

صباح الخير على الكل ... جديده واتمنى تعجبكم:




ول يا قلب صواديف الدهر دارت به
........................وكسرت صبره وطاح المتقي باماله

ويش عذر اللي خذته وطولت ماجت به
...................... ان نسته بعلته والا عثت في حاله

والله انها قدم عيني شلته واقفت به
...................... ليتها شلت معاه الحظ هو واشكاله

مدرســـه حـزن وخرجته باّعلى رتبه
................... يا حزن يعقوب يوم انه احزنوه عياله

الليالي السود لامنها سرت وامست به
.................. سـاقته الين نجـمات السـما تبرا له

مابرحت اقرا كتابه بس زادت كتبه
.................... ان ركد بركان همه ما ركد زلزاله

يوم عدى الف عتبه طاح باخر عتبه
..................... ليت ياللي له تعزز تسعفه عزا له

السرايا من جهاته لاربعه صكت به
.................. ويوم شاف الصدق طوح رمحه وسرباله

ماله الا الله الامن ضيقته ضاقت به
.................. والا عمره ضاع بين انزاله وترحاله

يعتليه الهم وصدوف الدهر دارت به
..................... وكسرت صبره وطاح المتقي باماله


امرىء القيس

[نديم]

يوم عدى الف عتبه طاح باخر عتبه
..................... ليت ياللي له تعزز تسعفه عزا له
اصبر شوي وتشوف الحظ ويخدمك
تسلم على هالرائعة
وبيض الله وجهك
تحياتي

اخوي الغالي نديم ... يا هلا والله وغلا والظاهر انك سهران مثلي

شكرا لك على اطرائك ويعطيك العافيه..

اخوك:
امرىء القيس

طحت على هوى ولدعبس ياأمريء القيس

صــــــــــــــــــــــــــــــــــــــــــــــــــــــح
لســـــــــــــــــــــــــــــــــــــــــــــــــــامك
صــــــــــــــــــــــــــــــــــــــــــــــــــــــح
لســـــــــــــــــــــــــــــــــــــــــــــــــــامك
صــــــــــــــــــــــــــــــــــــــــــــــــــــــح
لســـــــــــــــــــــــــــــــــــــــــــــــــــامك
صــــــــــــــــــــــــــــــــــــــــــــــــــــــح
لســـــــــــــــــــــــــــــــــــــــــــــــــــامك
صــــــــــــــــــــــــــــــــــــــــــــــــــــــح
لســـــــــــــــــــــــــــــــــــــــــــــــــــامك

تحية أعجاب الله لايهينك...

ولدعبس

هلا والله وغلا بولد عبس حبيبي ..

الظاهر انت بعد سهران زينا انا ونديم ..

صح بدنك ياغالي ... وزيارتك ترفعني فوق ..

لاهنت طال عمرك ..

اخوك:
امرىء القيس

كنت جالس مبسوط ورايق اشرب قهوه في هذا الصباح الذي يدعو للتفاؤل .. اقول كنت عرفت كنت يعني ايش يعني قبل هالقصيده

وش سويييت يارجل وش سوووييت

يوم عدى الف عتبه طاح بآخر عتبه


طاح بآآخر عتبه
طاح بآآخر عتبه

طاح

بآخر

عتبه



اقسم بالله ... او بلاش

تسلم يديك ويسلم جديدك يا امرئ القيس

ومشكور يالغالي

هلا والله وغلا بشمعه المنتدى ... فهد المساعد..

ياخي والله لو ادري انها بتضيق صدرك مانزلتها ...

على العموم حبيبي ولا يهمك الجاي بيكون فرايحي

شكرا على تواصلك..

اخوك:
امرىء القيس
......................................................

الغالي فتى القرائن ..

فتى الشعر,,,, الانسان العذب ..

يكفيني طلتك ياغالي ..

الف شكر لك ولاهنت ....

اخوك:
امرىء القيس

صح الله لسانك
ياابوراشد
____________
ويلي ياقصيدي

ارحب يا ماجد

اخوي العزيز ماجد بن محمد العتيبي ...

ياويلي ياردي بعد ردك

لاهنت لاهنت يابو محمد ...

اخوك:
امرىء القيس

[كحيلان]

امرىءالقيس
عايض بن راشد
قريت وتمعنت
ورحت ادور للكلام
وجيت ياوجه السلام
مالقيت الا النشيد


لارحم حي المشاعر ولارحم حي الحنايا
لارحم حي المكابر ولارحم حي الزلايب
افهقو عني الروابع واسرجو طلق المطايا
الفكر وش لي ولي به لى انثنى دون الركايب
وين اروغ الساق وانهج ومن يسوي ذا السوايا
وقدم عيني كل حرف حاضر عن الف غايب
قاف ابو راشد وعايض لى عطا جزل العطايا
وين اعاين وين اخايل والظما للعد ذايب
انثبر ياجرح وادرج عايض جروحه سرايا
اظهر الحشمه وعين خير خل الشوف طايب
ارحبي ياذا القوافي من تباريح النيايا
خافقن زمك ولمك ماتزلزله النوايب
شبي شموع الشلي شابت رموش الخطايا
من شقا عمره تباهي في ذرى روضه نجايب

الله ماأجمل هذا البحرياشاعري..الذي لايجيد الغوص فيه الا القله وأنت أحدهم أن لم تكن أفضلهم.... ولكن البيت الرابع زعّلني شوي

آآآآآآآآآآآآآآآآآآآآآآآآآآآآآآآآآآآآآه



آآآآآآآآآآآآآآآآآآآآآآآآآآآآآآآآآآآآه





يا ابو راشد والله انها جات على اللي في الخاطر



الله يسامحك بس ؟؟؟؟؟؟؟؟؟؟؟؟؟؟؟؟؟؟؟؟

وصح لسااااااااااااااااااااااااااااااانك

هلا والله وغلا بخوي الغالي فالح بن صقر الدوسري ...
والله انك حديتني على اقصاي لاكن عساني اقوم ولو بربع حقك يابو صقر .... ومني لك طال عمرك :



وانت يافالح كذا تغرقني بحلو الهدايا
.................... ياغدير عذب تجمع حولك قلوب الحبايب

يالسنافي والشعر ما يتجه صوب الرزايا
.................... والله انه سيف واضرب به طوابير الكتايب

الشعر يابو صقر منزال قلب له تهايا
..................... ماشعاه عيون غض الطرف وجنان الذوايب

ماخذ درس الزمان الصلف معدوم السجايا
...................... والله ان كنه يراكضني على حر اللهايب

لين جنت فكرتي وانجن حرفي في غنايا
................. احسب اني قد شربت البحر واشعلت الهبايب

لين غنا فالح الزيزوم حماي الونايا
.................... وصار مابيني وبين الشعر لعنات وطلايب

مرحبا باللي كلامه حدني لامنتهايا
............... مرحبا باللي ينومس قربه اكثر مـ القرايب

ياللي تطوف المجره فيه نجم في سمايا
.................... نجم ساطع لو يظاهيه البدر بيعود خايب

ذاك فالح بن صقر.. يمنى الكرم شوق الصبايا
...................... قولّه عايض يرحب بك عدد وبل السحايب


وسامحني على القصور ..

اخوك:
امرىء القيس

اخوي الغالي حامد مناور ....

ماعاش من يزعلك يالغالي ...

لو تبيني احذف القصيده من عيوني الثنتين بس.........

ابيك تعلمني وش اللي مزعلك ترا مهو هين علي زعلك يابو مناور..

والبيت الرابع ياحامد بيت شعر ..
وانا عارف انك تدخل بين السطور وتدور في متاهات الحروف وتستكشف خبايا محد يدركها الا انت ..
وهذا من زود فيضك والله ثم والله ان شهادتي فيك ماتسواك لانك عظيم بعد الله ...

ياعلي لاجيت يمه قله
........... لو يخلي هالقصيد اشوا له ...

هذا بلا ابوك ياعقاب ... والله انها بين عيوني يا حامد ..

وانت من الناس اللي يهمني رايهم ..

على ايه حال ..

الف شكر لك على اطرائك وعلى زيارتك لقصيدتي المتواضعه ..

اخوك:
امرىء القيس