السلام عليكم ومساكم الله بالخير
اعتذر عن انقطاعي بالفتره السابقه
وان شاء الله نعوضكم بالجايات
وهذي قصيده عساها تنال اعجابكم
[poet font="Simplified Arabic,4,crimson,normal,normal" bkcolor="transparent" bkimage="" border="none,4,gray" type=2 line=200% align=center use=sp length=0 char="" num="0,black" filter=""]
حبك اللي جرى مع دم شرياني=لو كتمته بقلبي بان في عيني
ما يزول الغلا والحب يا اخواني=كود اقطّع من اسبابه شراييني
ازعل الروح من شانك ومن شاني=لجل ترضى وما يرضيك يرضيني
بس احاول رضاك بقدر الامكاني=لجل تعرف غلاك وما تخليني
لو نثرت الغلا في وسط ميزاني=ارجحت كل كفّات الموازيني
صوبك القلب يامرني وينهاني=وكل دربٍ على بيتك يوديني
صرت اردد حروف اسمك على الساني=من غلا اسمك كتبته في دواويني
في حروفي وفي شعري وديواني=درةٍ تغني الاقصى والادنيني
من ملكها يعيش بعالمٍ ثاني=ظنتي ما يناظر بالمزاييني
مير والله يا ربعي وصدقاني=ما يغبط الجواهر والملاييني
المشاعر واحاسيسي ووجداني=ترسل اشواق بين الحين والحيني
ثاير الشوق عنّيته وعنّاني=يوم تطري عليّ سجيت رجليني
شوف وين الغلا والحب وداني=الله يلوم من لام المحبيني
التعابير تكتبني وتمحاني=والمقادير تبعدني وتدنيني
دونك الونس عزيته وعزاني=مد حبل المواصل بينك وبيني
ليت انته وانا يا سيد خلاني=قلب واحد على استعمال شخصيني
ماخبر واحدن بالعمر شقّاني=غير نسمة هواي وبسمة سنيني
وان لفحني هوى الترف وتغشّاني=ضعت كلي ما بين البين والبيني
فالثغر والنحر وبسود الاعياني=وليله اللي يضيّعني عناويني
لا رفعه انتثر من فوق الامتاني=فاح ريحٍ مثل ريح البساتيني
وفي عيونه يصيب القلب من داني=ويتعمّد يموتني ويحييني
وان تبسّم تدورني ما تلقاني=كل الاحزان فالبسمه تعزيني
شفت في بسمته لولو ومرجاني=صفها كافل الارزاق صفيني
وان تكلّم كلامه سحر واجناني=وان سكت كنه يامرني وينهيني
وكل ما اقفى يا دين الله وش جاني=اعترض له واقول آمر تناديني
ويبتسم من كلامي ويتهجاني=ربع ساعه ويحط ايديه بيديني
قال تقدر على بعدي وهجراني=قلت ما اقدر على فرقاك يوميني
قال بعدين تذكرني وتنساني=قلت ما عاش مخلوقٍ ينسيني
قال وان غبت عنك ايام تسلاني=قلت طيفك على يسراي ويميني
قال تقوى شماميتي وعدواني=قلت دونك اشوف العشر ثنتيني
واقفٍ مثل لورنس ابن شعلاني=يدحم القوم ويخوض المياديني
ابتسم لجل يقهرني وخلاّني=وكل خطوه وخطوه يلتفت فيني
قلت وشلون يقفي ويتعدّاني=واستدارت على راسي شياطيني
يا طبيب الهوى وقف على شاني=كيف تقدر دواي ولا تداويني
كنت احسب انه يعشقني ويهواني=واثر زود الغلا .. خلاه يغليني
مير جاري غلاه بوسط شرياني=وكان زاد الغلا بقطع شراييني
سلامتكم
..
[/poet]
اعتذر عن انقطاعي بالفتره السابقه
وان شاء الله نعوضكم بالجايات
وهذي قصيده عساها تنال اعجابكم
[poet font="Simplified Arabic,4,crimson,normal,normal" bkcolor="transparent" bkimage="" border="none,4,gray" type=2 line=200% align=center use=sp length=0 char="" num="0,black" filter=""]
حبك اللي جرى مع دم شرياني=لو كتمته بقلبي بان في عيني
ما يزول الغلا والحب يا اخواني=كود اقطّع من اسبابه شراييني
ازعل الروح من شانك ومن شاني=لجل ترضى وما يرضيك يرضيني
بس احاول رضاك بقدر الامكاني=لجل تعرف غلاك وما تخليني
لو نثرت الغلا في وسط ميزاني=ارجحت كل كفّات الموازيني
صوبك القلب يامرني وينهاني=وكل دربٍ على بيتك يوديني
صرت اردد حروف اسمك على الساني=من غلا اسمك كتبته في دواويني
في حروفي وفي شعري وديواني=درةٍ تغني الاقصى والادنيني
من ملكها يعيش بعالمٍ ثاني=ظنتي ما يناظر بالمزاييني
مير والله يا ربعي وصدقاني=ما يغبط الجواهر والملاييني
المشاعر واحاسيسي ووجداني=ترسل اشواق بين الحين والحيني
ثاير الشوق عنّيته وعنّاني=يوم تطري عليّ سجيت رجليني
شوف وين الغلا والحب وداني=الله يلوم من لام المحبيني
التعابير تكتبني وتمحاني=والمقادير تبعدني وتدنيني
دونك الونس عزيته وعزاني=مد حبل المواصل بينك وبيني
ليت انته وانا يا سيد خلاني=قلب واحد على استعمال شخصيني
ماخبر واحدن بالعمر شقّاني=غير نسمة هواي وبسمة سنيني
وان لفحني هوى الترف وتغشّاني=ضعت كلي ما بين البين والبيني
فالثغر والنحر وبسود الاعياني=وليله اللي يضيّعني عناويني
لا رفعه انتثر من فوق الامتاني=فاح ريحٍ مثل ريح البساتيني
وفي عيونه يصيب القلب من داني=ويتعمّد يموتني ويحييني
وان تبسّم تدورني ما تلقاني=كل الاحزان فالبسمه تعزيني
شفت في بسمته لولو ومرجاني=صفها كافل الارزاق صفيني
وان تكلّم كلامه سحر واجناني=وان سكت كنه يامرني وينهيني
وكل ما اقفى يا دين الله وش جاني=اعترض له واقول آمر تناديني
ويبتسم من كلامي ويتهجاني=ربع ساعه ويحط ايديه بيديني
قال تقدر على بعدي وهجراني=قلت ما اقدر على فرقاك يوميني
قال بعدين تذكرني وتنساني=قلت ما عاش مخلوقٍ ينسيني
قال وان غبت عنك ايام تسلاني=قلت طيفك على يسراي ويميني
قال تقوى شماميتي وعدواني=قلت دونك اشوف العشر ثنتيني
واقفٍ مثل لورنس ابن شعلاني=يدحم القوم ويخوض المياديني
ابتسم لجل يقهرني وخلاّني=وكل خطوه وخطوه يلتفت فيني
قلت وشلون يقفي ويتعدّاني=واستدارت على راسي شياطيني
يا طبيب الهوى وقف على شاني=كيف تقدر دواي ولا تداويني
كنت احسب انه يعشقني ويهواني=واثر زود الغلا .. خلاه يغليني
مير جاري غلاه بوسط شرياني=وكان زاد الغلا بقطع شراييني
سلامتكم
..
[/poet]
تعليق