Tweet
السلام عليكم
هذي المشاركه الثانيه
ارجو ان تسمو الى اعجبابكم وان تتطاول الى علو ذائقتكم
....
إنت. . . ياللي تخلى عن غرامٍ قديم
............... قلب يرتد عنّا اليوم قتله مباح
باقتل الشوق واترك لك هوانا يتيم
............... دامك تخون عهدك يوم تتبع سجاح
شوفها كم تهاوى حولها من غشيم
............... خانته يوم شافت مالها به صلاح
تستلذ التباهي بالجمال السقيم
............... من تعلاّ تذلّه بالهوا لين .. طاح
حاربتني وحبّك لي سوات الغريم
............... وانت صرت بيديها ضدّي اقوى سلاح
صرت سلعه رخيصه في حروب الحريم
............... وارخصك قلبي اللي من هواك استراح
(حية التبن ) لو هي غرّتك بالنعيم
............... ماتحصّل وراها والله الاّ جراح
وان بدا الجرح منها جيتني مستضيم
............... ترتجيني وقلبي ترتجيه السماح
لكن اليوم خذها كلمةٍ في الصميم
............... دوك فرقاي ليلٍ ما يجي له صباح
بكره احذر تجيني دام قال الحكيم
............... عيب( تطرد مقفّي يوم قفّا وراح )
........
تعليق