((( الكـــــــــــــــــــــ والزود ـــــــــــــــــــــــــبر )))

لي صاحب قفا به الكبر والزود ... مدري غلا والا بغـــيري مورا



عليه اسايل نجد وأوصي الـنود ... ابطيت في رجواه وانا أتحرا



يامن يسلم لي على لين العـود ... كانه على كسر المهابه تجرا



يخفض جناحه لي من الود ويعود ... ماني على هجر الحبايب مضرا



آخاف أجي وآحصل الباب مــردود ... وأجوز من ثوب الحيا وآتبرا



لاعاد الله ضيقة الزين ياسعــود ... كنّي على قوس المجرّه مســرا



الليل روّح عالم مالــــه حدود ... والصبر عقب مفارقه مايـطرا



ياسعود وآشيبي من عيونه الـسود... مسمومة منها العقارب تدرا



زين العذارى من سجاياه مولــود ... مستور واليامن تخطى تـعرا



خد وقد وساق وردوف ونــــــهود ... عجايب كنه عليها مــــقرا



لامن فقدته صرت ضايع ومــــفقود ... كن الحشا من داخل الجوف برا



لابد مايرجع وانا معه مــــوعود ... أما بكل الخير والا بـــشرا



مشهور الخيّّال

اخوي العزيز مشهور ...

صح لسانك والله لا يهينك ..

قمه في الابداع ..

زين العذارى من سجاياه مولــود ... مستور واليامن تخطى تـعرا



اسجل اعجابي وكلي ثقه بشاعريتك الفذه ..

اخوك:
امرىء القيس

ارررررررررحب

من طول الغيبات جاب المعلقات

موعود بخير موعود بخير في رجعته

صح لساااااااااانك

في المملكه مهد الذهب وفي المنتدا مهد القصيد(مشهور)




خوي المطاليق

الا ماعلمتني يامشهور

انت من الي ادرك الدعوا؟

حسب توقعي ما يطوفك شي

ارحب ارحب ارحب يالعاني ...

طولت الغيبه وجبت معك درر من ذهب ورائعة من الروائع صح الله لسانك يامشهور ..

آخاف أجي وآحصل الباب مــردود ... وأجوز من ثوب الحيا وآتبرا

ابداع لكن ماهو غريب على مثلك..

تقبل تحيات تلميذك / حكيم الجامعه

[زايد القلادي]

حتى قيام الساعة

مشهور صح السانك والحقيقة انت مثل الاكسجين اللي مانستغني عنة وقصيدتك هاذي روعة وابداع لان لمساتك بحد ذاتها ابداع وروعة وتالق تحياتي لك من هنا حتى تقوم الساعة ..
على هالقصيدة اللي أثبتت ان الشعر لازال بخير مادام هناك مبدعين من امثال مشهور الخيال...
تقبل تحياتي
-------------

صحيح تغيب لاكنك ليامن جيت جيت

مراحب يابو خيال ...... ولاهنت علي هذه الدره ويامال العافيه
وكل سنه وانت طيب ياعـــــــــــــــــــــــــــــــــــــــــــم


أخوك / بحـــــــــــــــــــــر

الاخ العزيز مشهــــــــــــور

صح لسانك سجل اعجاب جديد واضفه الى اعجابي بباقي قصايدك ..
ترا اعجابى بما تكتب صار DEFAULT


تحياتي لك ويامرحبا يامطول الغيبه ولا يقرا مكاتيبه

اخوك شقران

مشهور _______________________ وش اقول وش اخلي

صح الله لسانك يالأجودي

مشهور الخيّال

اسم اذا رايه عرفت أنه شاعر بمعنى الكلمة.

لاهنت لاهنت لاهنت

صباحكم الله بالخير
&*&*&*&*&*&*&*&*

صح لسانك يا مشهوووووووووووووووووووووور ولد الخيال
سلمت يمينك والله

يامن يسلم لي على لين العـود ... كانه على كسر المهابه تجرا



يخفض جناحه لي من الود ويعود ... ماني على هجر الحبايب مضرا



آخاف أجي وآحصل الباب مــردود ... وأجوز من ثوب الحيا وآتبرا



لاعاد الله ضيقة الزين ياسعــود ... كنّي على قوس المجرّه مســرا



الليل روّح عالم مالــــه حدود ... والصبر عقب مفارقه مايـطرا



طيب طيب

العنيــــــــــــــــــد

مرحبا الف اخوي مشهور

هلا بخيال النداوي

يامن يسلم لي على لين العـود ... كانه على كسر المهابه تجرا



يخفض جناحه لي من الود ويعود ... ماني على هجر الحبايب مضرا



آخاف أجي وآحصل الباب مــردود ... وأجوز من ثوب الحيا وآتبرا



كم احس بجمالية هذه الأبيات تعطر جوانب هذا المنتدى العذب

لك فائق شكري وتقديري



[تم تعديل الموضوع من قبل فتى القرائن بتاريخ 03-16-2001 الساعة 05:33 AM]

امرئ القيس
خوي المطاليق
حكيم الجامعه
القلادي
بحر
شقران
الطير
الولهان
العنيد
فتى القرائن

الشكر للجميع وكان بودي ارد على كل واحد لحاله ولكن ضيق الوقت
وثقتي في معرفتكم بشعوري نحو الجميع0

شكرا مره اخرى

مشهور الخيّال

تشرفت بالاطلاع عليها ونسخها والاحتفاظ بها في مكتبي الخاص لك استمتع بقرأتها بين حين واخر .......لله درك ياالخيال المشهور

علم من اعلامه وسيد من ساداته....لك نهج مختلف عن الاخرين.

تقبل تحياتي

اخوك الصغير/عبدالله الهاجري

الواثق

العين مانعلا غلى الحاجب يابو فلاح, تشرفني دايم بمداخلاتك الغاليه

شكرا يابو فلاح

مشهور الخيّال