اعزائي النداوية اخواني واخواتي الزوار الكرام اليكم هذه القصيدة المتواضعة التي اتمنى من الله العلي القدير ان تنال قبول ذائقتكم الأدبية
[poet font="Arial,5,indigo,normal,normal" bkcolor="transparent" bkimage="backgrounds/20.gif" border="inset,4,indigo" type=2 line=200% align=center use=ex length=0 char="" num="0,black" filter=""]
الهبايب مرّت اوراق الشجر في كل ديره=والقلوب اللي تواري برقها يفضح رعدها
لاتعذّر يازمن بان الهوى والحب عيره=والمشاعر آدميّه لو جحدها من جحدها
سيرة العشْق ودروب العشْق والعشاق سيره=مادرى العاشق وش اللي قبلها واللي بعدها
والهوى ما يبخس الرجّال قدره في ضميره=لو لحقْه من المشاريه الكثيره في عددها
والصبايا فتنة الما لا شكا الضامي غديره=وآآآه يالما في عروق الضامي اللي ما وردها
لن بغاها مغفره هبّت لهايب زمهريره=وان بغاها ذنب في باقي ذنوبه ما وجدها
حيرةٍ صارت حياتي كلها من عقب حيره=لين جتني بنت ابوها والملا كلٍ نقدها
استثارتني شعور وقلبي ادنى ما يثيره=ولا بغيت اهج عنها طمّعتني في رغدها
كنّها ورد وحَرمه الوقت مبداه وعبيره=لين جيت وكنّي اجمع روحها وانثر جسدها
ويوم جتني وسْجدت كل الجباه المستخيره=استخرت الله بين فراقها ولا وعدها
ودلّني قلبي على درب الوصال وقلت خيره=فرصةٍ وامسح دموع احزانها وارسم سعدها
بعد ما هي تشتكي لي من ردى علّه خطيره=خطوةٍ تاقف بدنياها وخطوه في لحدها
والحقيقه ما قدرت اعقل من الخافق بعيره=كن وقتي ما تمكّن فالحبال اللي عقدها
حدّني عمر العطش والليل وهمومٍ كثيره=فالثياب الضافيات وفالزمان اللي حردها
ضاقت اعشابي على اصحابي وربعي والعشيره=كن ما لاعشابي الخضرا مكان الا بلدها
واستلذيت بهواها لذّة نعاس الظهيره=والظهيره ما يجيب علومها الا من رقدها
وحدّني جفنٍ يداعب طرفها رقة حريره=والعقيق اللي فقد عقله على خَمرة شهدها
من حلاها لو يصب الماي ما تسمع خريره=واخسارة كل طفلٍ ما شرب غالي نهدها
كنها بنت الكواكب والملا قامت تنيره=امها القمرا وابوها الشمس والغيمة مهدها
والله انّا لاتلاقينا بعد فتره قصيره=كنها بنتي من الفرحه وانا كنّي ولدها
والخفوق اللي تولع في هواها وش يضيره=غير لا نكّد عليه البعد واسرف في نكدها
يشهد الله فاضت انفاس القصايد للغريره=واشهد انه ما يجمّلني قصيدي لن فقدها
ولا عليّ من الهبايب دامها في كل ديره=والقلوب اللي تواري برقها يفضح رعدها
وسلامتكم
[/poet]
[poet font="Arial,5,indigo,normal,normal" bkcolor="transparent" bkimage="backgrounds/20.gif" border="inset,4,indigo" type=2 line=200% align=center use=ex length=0 char="" num="0,black" filter=""]
الهبايب مرّت اوراق الشجر في كل ديره=والقلوب اللي تواري برقها يفضح رعدها
لاتعذّر يازمن بان الهوى والحب عيره=والمشاعر آدميّه لو جحدها من جحدها
سيرة العشْق ودروب العشْق والعشاق سيره=مادرى العاشق وش اللي قبلها واللي بعدها
والهوى ما يبخس الرجّال قدره في ضميره=لو لحقْه من المشاريه الكثيره في عددها
والصبايا فتنة الما لا شكا الضامي غديره=وآآآه يالما في عروق الضامي اللي ما وردها
لن بغاها مغفره هبّت لهايب زمهريره=وان بغاها ذنب في باقي ذنوبه ما وجدها
حيرةٍ صارت حياتي كلها من عقب حيره=لين جتني بنت ابوها والملا كلٍ نقدها
استثارتني شعور وقلبي ادنى ما يثيره=ولا بغيت اهج عنها طمّعتني في رغدها
كنّها ورد وحَرمه الوقت مبداه وعبيره=لين جيت وكنّي اجمع روحها وانثر جسدها
ويوم جتني وسْجدت كل الجباه المستخيره=استخرت الله بين فراقها ولا وعدها
ودلّني قلبي على درب الوصال وقلت خيره=فرصةٍ وامسح دموع احزانها وارسم سعدها
بعد ما هي تشتكي لي من ردى علّه خطيره=خطوةٍ تاقف بدنياها وخطوه في لحدها
والحقيقه ما قدرت اعقل من الخافق بعيره=كن وقتي ما تمكّن فالحبال اللي عقدها
حدّني عمر العطش والليل وهمومٍ كثيره=فالثياب الضافيات وفالزمان اللي حردها
ضاقت اعشابي على اصحابي وربعي والعشيره=كن ما لاعشابي الخضرا مكان الا بلدها
واستلذيت بهواها لذّة نعاس الظهيره=والظهيره ما يجيب علومها الا من رقدها
وحدّني جفنٍ يداعب طرفها رقة حريره=والعقيق اللي فقد عقله على خَمرة شهدها
من حلاها لو يصب الماي ما تسمع خريره=واخسارة كل طفلٍ ما شرب غالي نهدها
كنها بنت الكواكب والملا قامت تنيره=امها القمرا وابوها الشمس والغيمة مهدها
والله انّا لاتلاقينا بعد فتره قصيره=كنها بنتي من الفرحه وانا كنّي ولدها
والخفوق اللي تولع في هواها وش يضيره=غير لا نكّد عليه البعد واسرف في نكدها
يشهد الله فاضت انفاس القصايد للغريره=واشهد انه ما يجمّلني قصيدي لن فقدها
ولا عليّ من الهبايب دامها في كل ديره=والقلوب اللي تواري برقها يفضح رعدها
وسلامتكم
[/poet]
[/align]
تعليق