Tweet
[poem=font="Simplified Arabic,5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ثياب اللوم كسوة كل جافي=وقدر الدون منزل كل هافي
ورجل ينهزع لاما نصيته=على شاربه يسفن السوافي
ورجل نيته ما هيب جرزه= على فقده تنوح ام الغدافي
ورجل يكفح وجيه حشيمه=لابده يتبع وجيه مقافي
ورجل ما يعز اعيال عمه=يخلونه بني عمه عيافي
ولو هو في نظرهم ضلع شامخ=يعود نوره الوقاد طافي
طراة الرجل في الدنيا المسرة=على العليا يكيل المد وافي
سواة الثلب يبرك في المهمه=وينهض بالثقال وبالخفافي
رفيقي من يشاركني همومي=وطرفي لاسهر مابات غافي
ويخفظ لي جناح الذل حشمه=ولا يبحث بسدي كل خافي
لا صار اليا اعتزى يطلق حجاجي=ويلبسني جميل منه ظافي
اماري به واعزه واعتزي به= واحطه مثل عيني والحفافي
واذا ما سرني وابرى جروحي=ماليبه في المحافل والملافي
تعبنا من ملمعة الهياكل=ملحفة النوايا باللحافي
ظواهرها السماحه و البشاشه=ووسط كبودها السم الزعافي
لحاك الله يا دنيا المصالح=جعلتي في المفاهيم اختلافي
طويل الباع شباب المنارة=يحارب بالسيوف وبالشلافي
وقصير الباع مقبوح الصلايب=فرشتي له فراش الود دافي
وانا ادري يابدو تبغون راعي=مطيع في رضا حم الشعافي
لاقلتوا الدرب منا قال منا=بكل شروطكم يوفي ويافي
ما يقطع رزق من رزقه على الله=ولا يلحق منيحتكم خلافي
ولكن عقبها لاغار غاير=فصيحوا في منقشة الكوافي
صقور الجو شامت للنوايف= ولاترجون منها الانحرافي
وشق الثوب لوانه ينومس=لا اشقه شق ما يرفاه رافي
ولكن ردنا عما نوينا= شهامة روس وقلوب صخافي
مع ان دنيا العنا حطت بقلبي=حروق ماتطفيها المطافي
ولكن درس والدنيا تجارب=وعيني قدم ما ترجع خلافي
والا يا لايمي جنب طريقي=لعلك تلحق الرعيان حافي
وانا ما اقول ضاع الشرق الاوسط =عوافي كلبوا الدعوى عوافي
ولكن حلم ليل مر عابر=وفسرته بمنظوم القوافي[/poem]
ثياب اللوم كسوة كل جافي=وقدر الدون منزل كل هافي
ورجل ينهزع لاما نصيته=على شاربه يسفن السوافي
ورجل نيته ما هيب جرزه= على فقده تنوح ام الغدافي
ورجل يكفح وجيه حشيمه=لابده يتبع وجيه مقافي
ورجل ما يعز اعيال عمه=يخلونه بني عمه عيافي
ولو هو في نظرهم ضلع شامخ=يعود نوره الوقاد طافي
طراة الرجل في الدنيا المسرة=على العليا يكيل المد وافي
سواة الثلب يبرك في المهمه=وينهض بالثقال وبالخفافي
رفيقي من يشاركني همومي=وطرفي لاسهر مابات غافي
ويخفظ لي جناح الذل حشمه=ولا يبحث بسدي كل خافي
لا صار اليا اعتزى يطلق حجاجي=ويلبسني جميل منه ظافي
اماري به واعزه واعتزي به= واحطه مثل عيني والحفافي
واذا ما سرني وابرى جروحي=ماليبه في المحافل والملافي
تعبنا من ملمعة الهياكل=ملحفة النوايا باللحافي
ظواهرها السماحه و البشاشه=ووسط كبودها السم الزعافي
لحاك الله يا دنيا المصالح=جعلتي في المفاهيم اختلافي
طويل الباع شباب المنارة=يحارب بالسيوف وبالشلافي
وقصير الباع مقبوح الصلايب=فرشتي له فراش الود دافي
وانا ادري يابدو تبغون راعي=مطيع في رضا حم الشعافي
لاقلتوا الدرب منا قال منا=بكل شروطكم يوفي ويافي
ما يقطع رزق من رزقه على الله=ولا يلحق منيحتكم خلافي
ولكن عقبها لاغار غاير=فصيحوا في منقشة الكوافي
صقور الجو شامت للنوايف= ولاترجون منها الانحرافي
وشق الثوب لوانه ينومس=لا اشقه شق ما يرفاه رافي
ولكن ردنا عما نوينا= شهامة روس وقلوب صخافي
مع ان دنيا العنا حطت بقلبي=حروق ماتطفيها المطافي
ولكن درس والدنيا تجارب=وعيني قدم ما ترجع خلافي
والا يا لايمي جنب طريقي=لعلك تلحق الرعيان حافي
وانا ما اقول ضاع الشرق الاوسط =عوافي كلبوا الدعوى عوافي
ولكن حلم ليل مر عابر=وفسرته بمنظوم القوافي[/poem]
تعليق