[ALIGN=CENTER]ديوان العرب[/ALIGN][poet font="Arial,4,darkblue,normal,normal" bkcolor="transparent" bkimage="backgrounds/13.gif" border="ridge,4,gray" type=2 line=200% align=center use=ex length=0 char="" num="0,black" filter=""]
الحمد لله ربي الوهاب من فضله وهب=فيني من الشعر افخر الحكمة وصدق الموهبه
اللي رزقني يوم جعت اشهى عناقيد العنب=قافٍ رمى صدر الهموم ومات ذنبٍ يذنبه
ولو كانت دموعي تزيد النار وضلوعي حطب=لكنها خلتني ارقى للقصيد ومرقبه
وما دامت الدنيا قصب فالشعر سكر من قصب=يستخلصه من جرّب الهم وشقر عود قصبه
وانا ادري انه ما يشيلك يالصعب غير الصعب=ولا يفلّك يالحديد الا الحديد ومضربه
لو كانوا العذال واجد والغبن عرض وطلب=لكن عذولي واحمد الله ما تحقق مطلبه
والنهر عذب ولا دمر عذب النهر كفٍ خضب=ولاّ السلوقي لو نحاول ما عدل ميل ذنبه
اليا تغيّبنا تكلم وان تواجهنا عقب=كني من الناس عربيٍّ يتقي شر عربه
اليا رخاها فالدقن واليا رفعها فالشنب=وليا تركها تحرقه ما بين دقنه وشنبه
تبّت يداهم مثل ما تبت يدا ابي لهب=وانا عزايه فالربابه قوسها يوم اسحبه
والعاقل اللي لا عطوه نحاس يعطيهم ذهب=والعاقل اللي ما خلط خسارته في مكسبه
ياعاذلي والشعر نخلٍ عالي عذوقه رطب=وان كان ما تلحق عذوق النخل نعطيك رطبه
الشعر تاريخ الرجال وكل ديوان العرب=والشعر منه الحكمه وطب النفوس المتعبه
والشعر للسامع طرب واحلى مزامير الطرب=حتى الحمام اللي على غصن الموارق يطربه
خلا( رسول الله) يرمي بردته حزّة (كعب=ابن زهير) انشد قصيده والعفو جا يطلبه
والشعرفي هاك الزمن بالذات له حب وطنب=علاّ قبيله مرتبه وارخى قبيله مرتبه
علاّ من (انف الناقه) اللي ما يسوّى بالذنب=يوم( الحطيئه) قالها كلٍ تفاخر بنسبه
والشعر زوّج (للمُحلَّق) ست لعيال النسب=في عام واحد يوم( الأعشى) بالمدايح شلهبه
والشعر مجدٍ من تراب الاندلس حتى حلب=إلى الجزيرة والكنانه والعراق ونكتبه
مثل الصباح اللي ينسّينا مشاوير التعب=علّه يعيد أمجاد وأيامٍ طويلات رقبه
ياعاذلي باعلّمك مادام فالدنيا عتب=مايشبع الحر الأصيل الامشاوك مخلبه
والحمد لله ربي الوهاب من فضله وهب=فيني من الشعر أفخر الحكمه وصدق الموهبه
اللي رزقني يوم جعت اشهى عناقيد العنب=وانته تموت بجوع ذنبٍٍ كل مرّه تذنبه
[/poet]
[/align]
تعليق