[poet font="Simplified Arabic,4,white,normal,normal" bkcolor="transparent" bkimage="backgrounds/21.gif" border="outset,6,white" type=0 line=200% align=center use=ex length=0 char="" num="0,black" filter=""]
اي والله اني ضايق وخاطري شين=حتى زرار الثوب قده يحديني
والدمعه اللي تدرج العين من حين=باهلها لو قيل لي ياعويني
لاضقة ولديت نظري يسار ويمين=كني احسب وش بقى من سنيني
ضيقة بريٍ حط بين المساجين= من عقب ماهو حر قد هو سجيني
ادخله وسط السجن كيد الملاعين= ولا له على ثبت البراءه عويني
وجدي وجوده يوم جروه ببزين=وقالوا عليك اعدام وارج المعيني
ويصيح تكفون اجلو الحكم بعدين=خلو حدى عيال القتيل يحكيني
وعطوني القرآن واحلف له بدين=اني بريٍ يمكن انه يعفيني
وياضيق صدري كلما قلت بيتين=وياوجد حالي كلما الد عيني
واصبحت فالشدات ضمن المخلين=والى ارتخت الايام متحاوليني
وانا الى اقفى صاحبي دون ثنتين=ماني مصوت له وهو لا يجيني
يشرح لي اسباب الهجر بالبراهين=والثانيه يسمع جوابي بحيني
وانتي نويتي دون علمي تقفين=ومن راح دون رضاي ماهو يبيني
بسألش انا وردي لي العلم ذلحين=وامانتش ياغايبه جاوبيني
ان كنت مخطي قولي اللي تودين=واللي علي اقول لش سامحيني
انا عطيتش كل ماتستحــقين=والى استحقيت المحبه عطيني
كانش على خبر فلا بد تعطين= اللي قبل عامين كان بيميني
قلبٍ سكنتي فيه بين الشرايين=من يوم رحتي صار مايشتهيني
ان كان ودش بي فلا بد تاتين=والا الى قفيت لا ترتجيني
مثلي الى اخطى تاب وانتي تعذرين=وكانه خطاش اعفيت وانتي اعذريني
يعني كذا لا اخطي ولا عاد تخطين= لن الخطا من سبتش يكتويني
عشرت عمر من عام تسعه وتسعين=وانتي هنيا بين روحي وبيني
ياليت لي من بدت الناس قلبين=وانتي على كيفش بها خيريني
الاول معي لامن نويتي تصدين=والاخر خذيه ومن وفاه اعشقيني
عشان الى منش بغيتي تغيبين=ماقول بسباب الهجر علميني
ياغايبه لوغبتي شهور وسنين=غلاش ماينقص ولا له وزيني
لكن امانه لابغيتي تسجين=سجي من همومش معي واذكريني
وكانش نويتي دون رجعه تروحين=روحي ولكن قبلها وادعيني
[/poet]
اي والله اني ضايق وخاطري شين=حتى زرار الثوب قده يحديني
والدمعه اللي تدرج العين من حين=باهلها لو قيل لي ياعويني
لاضقة ولديت نظري يسار ويمين=كني احسب وش بقى من سنيني
ضيقة بريٍ حط بين المساجين= من عقب ماهو حر قد هو سجيني
ادخله وسط السجن كيد الملاعين= ولا له على ثبت البراءه عويني
وجدي وجوده يوم جروه ببزين=وقالوا عليك اعدام وارج المعيني
ويصيح تكفون اجلو الحكم بعدين=خلو حدى عيال القتيل يحكيني
وعطوني القرآن واحلف له بدين=اني بريٍ يمكن انه يعفيني
وياضيق صدري كلما قلت بيتين=وياوجد حالي كلما الد عيني
واصبحت فالشدات ضمن المخلين=والى ارتخت الايام متحاوليني
وانا الى اقفى صاحبي دون ثنتين=ماني مصوت له وهو لا يجيني
يشرح لي اسباب الهجر بالبراهين=والثانيه يسمع جوابي بحيني
وانتي نويتي دون علمي تقفين=ومن راح دون رضاي ماهو يبيني
بسألش انا وردي لي العلم ذلحين=وامانتش ياغايبه جاوبيني
ان كنت مخطي قولي اللي تودين=واللي علي اقول لش سامحيني
انا عطيتش كل ماتستحــقين=والى استحقيت المحبه عطيني
كانش على خبر فلا بد تعطين= اللي قبل عامين كان بيميني
قلبٍ سكنتي فيه بين الشرايين=من يوم رحتي صار مايشتهيني
ان كان ودش بي فلا بد تاتين=والا الى قفيت لا ترتجيني
مثلي الى اخطى تاب وانتي تعذرين=وكانه خطاش اعفيت وانتي اعذريني
يعني كذا لا اخطي ولا عاد تخطين= لن الخطا من سبتش يكتويني
عشرت عمر من عام تسعه وتسعين=وانتي هنيا بين روحي وبيني
ياليت لي من بدت الناس قلبين=وانتي على كيفش بها خيريني
الاول معي لامن نويتي تصدين=والاخر خذيه ومن وفاه اعشقيني
عشان الى منش بغيتي تغيبين=ماقول بسباب الهجر علميني
ياغايبه لوغبتي شهور وسنين=غلاش ماينقص ولا له وزيني
لكن امانه لابغيتي تسجين=سجي من همومش معي واذكريني
وكانش نويتي دون رجعه تروحين=روحي ولكن قبلها وادعيني
[/poet]
[/align]
تعليق