(( قصيده اللكــــــــــــزس))

((اللكــــــــــــزس)) الاهداءلسمو الامير الشاعر ((خالد بن يزيد ))ال سعود







[poet font="Simplified Arabic,5,darkblue,bold,italic" bkcolor="transparent" bkimage="backgrounds/24.gif" border="none,4,gray" type=2 line=200% align=center use=sp length=0 char="" num="0,black" filter=""]




البارحـة ما مسيت كـني على نــــار=
لين النجـوم المرقبــات ادبحنــــا

كفــي على خدي هواجيس وافكـار=
تقبل و تقفيبي علــى كيفهنــــا

قمـت اتفـكر في الليالــي و الاقـدار=
اشقى وغيري في زمانه تهنـــا

وجبـت الدلال وكيفها بن وبهار=
وسويت لي فنجال هيل وبنا
فنجـال كيف مـطـعـم فيه مســمــار =
اشعل كما كف الهنوف المحنــا

وقمت اتمـثل بالقـصـايد و الاشـعـار=
وسيست لي خمسين بيت تبنا

بنـات فـكـر صـغتـها تـوهــا ابــكــــار=
عـسفـتها قـدام لا يــعــسفنـــا

خـــواطـر جـتنـي مـن يمين ويســار =
تلفي علي من شامنا لا يمنـــا

اقـطـف بشفـي من زماليـق الازهار =
نــوادر من روضـهــا لــيرقـــنــــا

اكتب على ذوقي من الشعر واختار =
واصخر معاني القاف لاينقدنــــا

غـــديـــت بـحــار يــدور لـــمـــحـــار=
يسطي بغبات البحور وتعـــنـــا

دونه يحـول الموج و تحول الاخـطار =
ولا يدركـــة رجل عظامــة تثنـــا

الشعر فن و ذوق و احساس شعار=
والكل شاعر يا هل العرف فنـــا

وانــا مـقـول اني مـعـلـم و بيطـــار =
لاشك لي همسات شعر تغنــــا

ولي مع اهل العرف مورد و مصدار=
وحيـــام فكــري بالـنقــا ياردنـــا

قـــم يا نديبـي لا تـحـيـر وتحتـار =
من فـــوق جيــب للــوازم يعنــــا

لكـسـز تويوتا جـيـب ماهو فكسـار=
اضخم صــناعات التويوتا وصلنــــا

بالكـمبيوتر يـشـتـغل توه اصفـــــار=
يحن من ممشــــاه و الله يحنــــا

فـخـامـه و هيبه ولافت للانظــــــار =
وجنسه قليل ولا كثر في وطنــــا

ما يملـكــونه غيـر بزنــس وتجــــار=
والا الفقارى ما عرفوا وصفـــهنــا

عــذاب حــدب البيد سهاج الاقفــار =
مافــيـــه لا شكــه ولافيــه لنــــا

يدهك هشاش الارض ويبيد القــار =
حطــه عــلــى يمـنـاك منا و منـــا

ماعوضوا له في الغرابي بشنكــار =
امواصـــفـــاته كاملــه حين جنــــا

يشبـه لـحـر هـد من كـف صقـــــار=
جــل الحبـــارى منــوتــه لا تمنــــا

وكنه على روس المشاريف سبـار =
يهوم هومــات تــصحــى المجنــــا

ومساره الايسر على الخط لا سـار =
كــن الجيــوب انطافهــا مخالفنــــا

يـــبـعـدك عـن دار ويـقــرب ديـــــار=
اتشوفـــه مــن بـعـدهــا يقـربنــــا

لاقبل مثل بسكال في ليل سمـــار =
اعيــــــونـهـم من غيــهــا يبهرنــــا

وشبكه مثل مبسم كلودا وتذكــــار =
ودك تطــالــع فــيــه مــنـا و مـنــــا

ولا اقفى كما ليلى تغــنــج بالادوار =
احلــى الصـبايا عـنـدهـا يحقرنــــا

ومن داخله ميزات وضيــع الابـصـار=
يصعب علي اجيد في وصفهنــــــا

وانـــــواره بلــيــــزر و هــزازه زرار=
كنه هنوف في فرحـــــهـا تثنــــا

ونـوره مثــل بـــرق تلالا بالاقــطــار =
لا لاح قلت البرق من وين عنـــــــا

وفرامله كهرب وما مون الاسفـــــار =
مــنــوت بعيد الدار لا مــن تمنــــــا

انصي الامير ولا تــعــذر بــالاعـــذار=
واخــــــذ الكتـاب وصــله لا تونـــــا

وسلم على عمك بحمشه و مــقدار=
خــالــد ابن يزيــد واخــبــره عنـــــا

شيخ سما للعز في ســر وجـــهـــار=
شـــاعــــر واديب وللثقافة تبنــــــا

سموه اللي يكرم الضيـف والــجـــار=
نسل الشيوخ اسيادنا في وطنــــا

آل سعود وشبرهم فــوق الاشبـــار =
عدوهــم مـن حيـفـهـم مـــا تهنــــا

ريف الضعيف اللي على الغبن صبار=
عز الخــوي وامتعبــت كــل دنــــــا

وقله يا امير الوقت خـــايــن و غــدار=
وسود الليالي لا خذت ما عطنـــــا

وقله ترى حظي وقتي على جـــــار =
ولا كل واحـد يدرك اللــي تمنـــــــا

ذقت الحلاوة في زماني و الامـــــرار =
وعز الله ان سوى الدهر ممتحنـــا

واشرح له ظروفي طويلات وقصــــار=
اللي يقول ابشـر دخيـل و زبنــــــا

وان احصـلتلي خوته خـــير ما صــــار =
ما كنـــــي الا غـــازي مــع مهنــــا

اشفق على خـوة طويلين الاعـمــــار =
واخــص ابو يزيد زبــن المجنــــــا

وهذي يا امير بـيـوت قافــي ولاخبـــار =
يا الله عساها عندكم جملنـــا

والخــاتمــه صــلـو على سيــد الابــرار=
اللي بعثه الله لانس وجنـــــا

اعــــداد ما هـلـت هـمــا ليل الامطـــار=
واعداد ما طير بلـحنـه تغنــــا






[/poet]

الشاعر المبدع : محمد العاطفي

قصيده رااا ئعه وجميله

بوح ونزف


الامير الشاعر ((خالد بن يزيد ))ال سعود يستاهل كثير من القصائد


اطيب التحيه

محمد العاطفي

يا سلالالامي عليك يا محمد العاطفي


جزله من راس قرناس لا عدمنااك


صح الله الساانك ولالالاهنت


وفقك الله اخيــك


العجمـــ بـــدر ــــي......@@

الشاعر محمد





صح الله لسانك


قصيده في قمة الروووعه



والامير خالد يستاهل كل علم طيب



تحياتي لك يالغالي

ضحية صمت



هلا وغلا


ومرحبتين


وحياك

صحت يمينك يامحمد

ابدعت يالقرم

قصيده تستحق القراءه والتواجد

اعجابي لك

لاهنت

محمد العاطفي


صح السانك ولاهنت


وبيض الله وجهك

كتبت واجدت

قصيده ماعليها كلام


لك تحياتي

الشاعر محمد





صح الله لسانك


قصيده في قمة الروووعه



والامير خالد يستاهل كل علم طيب



تحياتي لك يالغالي

وجبت الدلال وكيفها بن وبهار

وسويت لي فنجال هيل وبنا
فنجال كيف مطعم فيه مسمار

اشعل كما كف الهنوف المحنا


اصالة الكيف تتمثل في اصالة الكلمة




رائع يامحمد



شكرا

ما يملكونه غير بزنس وتجار

والا الفقارى ما عرفوا وصفهنا



عزالله قصيده وافيه




صح السانك




ولاهنت




وفي انتظار الجديد





تقبل تحياتي

الشاعر الجزل محمد العاطفي


صح لسانك ولا هنت



تحياتي لك

بدر العجمي


صح بدنك وهلا وغلا


ولاهان راسك


وتسلم

ناصر بن لقرع


صح بدنك


وهلا وغلا


ومرحبابك

مانع اليامي

هلا وغلا

وصح بدنك ولا هنت


تسلم

غديت بحار يدور لمحار

يسطي بغبات البحور وتعنا



شاعرنا العذب والجزل محمد العاطفي


صح السانك مليووون ولايكفوون


وسمو الامير يستاهل

تقبل تحياتي