رسالة الشعر السامية ....

[ALIGN=CENTER][/ALIGN]

[poet font="Simplified Arabic,5,white,normal,normal" bkcolor="sienna" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
اذا من الشعر ما ترجم الاحساس وش لي به = واذا الشاعر تجاهل حسّ غيره ما يصير انسان
همـوم الـوقت تجبرنا نوضّح كيف الاعيبه = وليش الناس رغم القهر تستانس على النسيان
قصيد الحب ملينـا ولـو نطرب لاسـاليبه = بعضنا صـادقٍ بالبوح يكتب شعره الحرمان
وبعضٍ صفصفة هرجٍ تعـرفه من تراكيبه = يبي ينقـال يكتب شعر وشاعر يعجب النسوان
وقصيـد المـدح ياكثره ويكشف عن اكاذيبه = نفـاق وهلس في الغالب لتـاجر يبغي الاثمان
ابي شاعر يقـول الحق ما يجهـل مواجيبه = ولكن دايمـاً بالعقـل ولـو هو بالقهر مليان
ولا يوجّـه تهم لانسان مهما بان من عيبه = يلـوم الوقت فالشيهـان يفهم شـارة الشيهان
يوعّي الناس بالاخطار وضميرٍ عاش تغريبه = ويوقظ في النفوس الدين ويشرح هجمة الصلبان
ويصحّي من تورط في المخدر وانسرق جيبه= وعقلـه راح ، لا حـي ولاميت ، يعيش جنـان
يبيع العرض أو يسرق ولا يدري من صحيبه= غـدا عبـد المخـدر راضخٍ لامـره بلاعصيـان
وينبّه بنت ما تـدري بشباب صـاع والخيبه= يطـارد في بنـات الناس وطعمه يغري الجوعان
واذا منه خلص منها رمـاها وتفقـد الهيبه = تصير بضـاعة للسوق أو تقضي العمر باحزان
ترى شعرٍ بلا اهـداف ولـو أعجبك ترتيبه = مصيره سلّة الاهمـال ولـو من قـاله فـلانان

[/poet]

ارحب ارحب يا عثمان

وجزل كعادتك لا عدمتك

حضور مشرف من شاعر متمكن و بكل جداره

لاخلا و لا عدم

اخوك فيصل العاصمي

عثمان العبدالله

صح لسانك

قصيدة معبره

وجزله من راس جزل


وهنت على هاالبوح الجميل

تقبل تحيات

خليف الوهيداني

اخوي عثمان


صدقت والله يعطيك العافيه


فعلاً الشعر رساله يجب ان تحمل هموم المجتمع


وتساهم في توعيته

ترى شعرٍ بلا اهداف ولـو أعجبـك ترتيبـه
مصيره سلّة الاهمال ولو مـن قالـه فلانـان

صح لسانك
وكلامك كله صح......

تحياتي

عثمان العبدالله


وقصيدة من السهل الممتنع,ومن العيار الثقيل ايضا..

(ابي شاعر يقول الحق مـا يجهـل مواجيبـه
.................................................ولكن دايماً بالعقل ولـو هـو بالقهـر مليـان
ولا يوجّه تهم لانسان مهما بـان مـن عيبـه
.............................................يلوم الوقت فالشيهـان يفهـم شـارة الشيهـان
يوعّي الناس بالاخطار وضميرٍ عاش تغريبـه
.........................................ويوقظ في النفوس الدين ويشرح هجمة الصلبان
ويصحّي من تورط في المخدر وانسرق جيبـه
.............................................وعقله راح ، لا حي ولاميت ، يعيـش جنـان)


ونحن ايضا يعجبنا الشعر الإجتماعي ايها الطائر المهاجر..


تحياتي لشاعريتك..