Tweet
يعتبر الشاعر / ضيدان بن صبحان العجمي ، والشعر سعد بن حسين الهتلاني العجمي . الذين شكلا ثنائي فريد من نوعه من اشهر شعراء العصر الحالي . لقد كانت بينهما رديات ظريفه اخترنا لكم هذه الرديات على أمل أن تحوز على رضاكم
[poet font="Simplified Arabic,4,black,normal,normal" bkcolor="skyblue" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
قال سعد
يا راكب من عندنـا فـوق سمبـوك
متوجـه صـوب المنامـة بشايـب
مع البحر كنك علـى القـار فبيـوك
يلحـق وفهـق مسرعـات الهبايـب
وأن طحت في خفر السواحل وردوك
دارك على عود من الحـزن ذايـب
وإن باركوا لـك بالسلامـة وهنـوك
لك في الدلالة يابـن الاجـواد نايـب
ترى خويك كان مـن قبـل صعلـوك
ويـدل حتـى موحشـات الخرايـب
وصحيح لو تنشد هل الـدار دلـوك
واهل الوفا ما عابهـم ربـع عايـب
"ويا مقدرين الضيف لو ما معه" بوك
باخلاقكـم صـارت ثمـان العجايـب
وابـن ادم بالديـن والعلـم وملـوك
والطيب من جـزل العطايـا وهايـب
وارجوك انا يا صاحبي وارجع ارجوك
لياك تنسـى انـك مـودي وجايـب
فالي تقهوي شايبـك وانـت غـدوك
مقعادكـم يوميـن مالـه سبـايـب
رجع لنا خريـج بومبـي وبانكـوك
وخلك على الزلـة بعيـد الحضايـب
رد ضيدان
أخطوا عليك اللي بها الإسم سمـوك
إسمك سعد وانت السعد منـك غايـب
والظاهران أن اهلك على العنف ربوك
وطلعت تبحـث للنشـب والطلايـب
وظلمت حظك ، ما اشين الظلم يا بوك
وهجيت عود من هـل الغـي تايـب
ما تدري اني صرت هادي ومبـروك
وعلـى تثنـي عمتـي والنسـايـب
وإن شفت ديواني على طول مصكوك
أطـرد ورا حــظ ورزق نهـايـب
وحتى انت تنغزنا مع الحكي بالشـوك
! يا هي علينـا مـن كبـار العقايـب
قال سعد
ما يشبع إلا في الولايـم والأفـراح
ذا المسلم اللي صار بطنه فضيحـة
والاشباح ومدري معاه الجـن تاكـل
والا … شفاح أهل الكبود الصحيحة؟
ويحضر عند الناس والقدر ما فـاح
لين العشـا عنـه الستـارة نزيحـه
وما همته نسبـة دسمهـا والأمـلاح
وعيى من الدكتـور يقبـل نصيحـة
والمشكلة ما هو ب للضـان ذبـاح
إستادكـم ياللـي السنتكـم فصيحـة
ولا دل من راية ، ولا سمع نصـاح
جعله يطيـح وينثبـر فـي مطيحـه
رد ضيدان
أبـو حميـد بيتعشـى ويـرتـاح
وما كل ليـل عنـد ربعـه دبيحـة
في بيت من هو للمواجيـب نطـاح
محمـد منصـى الوجيـه الفليحـة
والحر .. ياتي به من البعد ملـواح
والعود يجذبنا مـن البعـد ريحـه
ودنياك يا بن حسين ما جات به راح
وعزي لكم يا هل النفوس الشحيحة
واضحك وانا فيدي زقارة ومسبـاح
وخل الزعل لاهل الوجيه الكبيحـة
والعود يطرح له ثمانين مـا طـاح
ما هو ب مثلك عاجز في نطيحـه
ويغشني غـش البريكـات مـزاح
الله لا يـثـري ثــراه ويبيـحـه
قال ضيدان
البارحة قمت اتمشى على القادر
حفيان والحفيـان محـد يشيلـه
كله سبايب صاحبي طافي النـار
اللي لا واعد صاحبه ما يجي له
حلو اللسان وقلبه انجس من الفار
واروغ من اللي يسبقه راس ذيله
ولا يقدر الشايب ولا يكرم الجار
واللي يبي منه الفرج عزتي لـه
رد سعد
يالربع انا ضيدان خلانـي احتـار
والله مدري ، ويني با غـدي لـه
فاحيان يبلشني مع سبق الاصـرار
واحيان ياتي بالف حيلـة وحيلـة
ودايم معي يعمل شعابيث وشجـار
ضيع دليلـي ، ضيـع الله دليلـه
وأبغي شهادة من محبين الاشعـار
إنها مشت بـه للمشاكـل رجيلـه
وبارد .. رد يعتبره آخـر إنـذار
وبامزح معه ذا الليل مزحه ثقيلـة
وأما عبر ما يلتفت سبع الابحـار
والا .. قعد من دون هاف وفنيلـة
يا ابو حميد النار ما تأكـل النـار
والرجال ودك ما يعذرب زميلـه
والله عليـم بالخفايـا والأسـرار
مهما تكـون كثـار والا .. قليلـة
ويا طول ماني حاشمك وانت هذار
واقول يا نفس اصبري وامهلي له
والنـاس فيهـم مسلميـن وكفـار
ولا .. انت حزبك ثالث تنتمي له ؟
ويا راجل قد دمي من الظلم فوار
وترى باحط من القصيرة .. طويلة
ولا زيد ينفعـك النـدم والتعـذار
لا .. لاس المشخاط راس القتيلـة
قال ضيدان
جاك المسير ما لقى منك ترحيـب
لا جبت له قهوة ولا مـن قدوعـي
يا ليتنـي دورت غيـرك معازيـت
جيتك جويع ورحت منك بجوعـي
الظاهر انك ما تعـرف المواجيـب
لاشك طبعك يختلف عـن طبوعـي
حنا لا جانا الضيف ننفض له الجيب
ونجيب له من كل شكـل ونوعـي
عاداتنا والرزق من عالـم الغيـب
هذا وانا ابخل واحد مـن ربوعـي
رد سعد
إقدع ، عسى يقدع على راسك الذيب
في خايع مابه مـن النـاس دوعـي
متعطـل فـي البـر قبلـي تناقيـب
من ليلـة الجمعـة ليـوم الربـوع
ومروك ناس غايب عنهـم الطيـب
وخلوك وحدك في مكـان يروعـي
ثم جاك ذين ذيب ما سنونه بتركيـب
ذيب ولذ ذيـب وشـرس قطوعـي
سوى بك سواة على غيـر ترتيـب
يجزع لها قلب الشجـاع البتوعـي
مرحو يا عود كسار راسه الشيـب
هنديتـه تـذرف عليـه الدموعـي
قال ضيدان
ياليتني تاجر وبيتـي علـى الطـاش
ومساهم فـي نفـط بحـر الشمالـي
واشترى من اللي تنطح السحب بالكاش
ما همني لو قالـوا : السعـر غالـي
واحجج اللي كـاده العسـر ببـلاش
وادفـع ملايـيـن زكــاة لمـالـي
وعندي سعد يعمل مقهـوي وفـراش
والى بغيت امشـى يطـرف نعالـي
رجل نعرفه زين مـا هـو بغشـاش
واللـي طلبـه حـاجـه جابهـالـي
والرجال لا جاوز ثمانين مـا عـاش
وأن عاش من عقـب الثمانيـن بالـي
رد سعد
البارحة فكري من الهـم منـداش
من واحد طرش كتابـه وجالـي
والله مالي خلق نمزح مع الـلاش
اللي تمنى الخير له والعنا .. لي
وقد قلت له : دعواك بترد بهواش
وارسل مكاتيبك على احد بدالـي
واما اعتذر ما دام الاوضاع تناش
والا .. قلبنـا الاولات التوالـي
ويا صعب فهامك وتفهيم الادباش
وبين عليك انك تكـت الدحالـي
واليوم مثرت التمني على مـاش
يا زين رضخك بالعصا والعقالي
وربعك يعرفونك : كميخ وعماش
وجهك كهوب من الوجيه الطوالي
يوم انت لا جو المسايير تنحـاش
مثل الثعل من رافعـات الذيالـي
[/poet]
أخوكم/ مهدي بن دبسه
[poet font="Simplified Arabic,4,black,normal,normal" bkcolor="skyblue" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
قال سعد
يا راكب من عندنـا فـوق سمبـوك
متوجـه صـوب المنامـة بشايـب
مع البحر كنك علـى القـار فبيـوك
يلحـق وفهـق مسرعـات الهبايـب
وأن طحت في خفر السواحل وردوك
دارك على عود من الحـزن ذايـب
وإن باركوا لـك بالسلامـة وهنـوك
لك في الدلالة يابـن الاجـواد نايـب
ترى خويك كان مـن قبـل صعلـوك
ويـدل حتـى موحشـات الخرايـب
وصحيح لو تنشد هل الـدار دلـوك
واهل الوفا ما عابهـم ربـع عايـب
"ويا مقدرين الضيف لو ما معه" بوك
باخلاقكـم صـارت ثمـان العجايـب
وابـن ادم بالديـن والعلـم وملـوك
والطيب من جـزل العطايـا وهايـب
وارجوك انا يا صاحبي وارجع ارجوك
لياك تنسـى انـك مـودي وجايـب
فالي تقهوي شايبـك وانـت غـدوك
مقعادكـم يوميـن مالـه سبـايـب
رجع لنا خريـج بومبـي وبانكـوك
وخلك على الزلـة بعيـد الحضايـب
رد ضيدان
أخطوا عليك اللي بها الإسم سمـوك
إسمك سعد وانت السعد منـك غايـب
والظاهران أن اهلك على العنف ربوك
وطلعت تبحـث للنشـب والطلايـب
وظلمت حظك ، ما اشين الظلم يا بوك
وهجيت عود من هـل الغـي تايـب
ما تدري اني صرت هادي ومبـروك
وعلـى تثنـي عمتـي والنسـايـب
وإن شفت ديواني على طول مصكوك
أطـرد ورا حــظ ورزق نهـايـب
وحتى انت تنغزنا مع الحكي بالشـوك
! يا هي علينـا مـن كبـار العقايـب
قال سعد
ما يشبع إلا في الولايـم والأفـراح
ذا المسلم اللي صار بطنه فضيحـة
والاشباح ومدري معاه الجـن تاكـل
والا … شفاح أهل الكبود الصحيحة؟
ويحضر عند الناس والقدر ما فـاح
لين العشـا عنـه الستـارة نزيحـه
وما همته نسبـة دسمهـا والأمـلاح
وعيى من الدكتـور يقبـل نصيحـة
والمشكلة ما هو ب للضـان ذبـاح
إستادكـم ياللـي السنتكـم فصيحـة
ولا دل من راية ، ولا سمع نصـاح
جعله يطيـح وينثبـر فـي مطيحـه
رد ضيدان
أبـو حميـد بيتعشـى ويـرتـاح
وما كل ليـل عنـد ربعـه دبيحـة
في بيت من هو للمواجيـب نطـاح
محمـد منصـى الوجيـه الفليحـة
والحر .. ياتي به من البعد ملـواح
والعود يجذبنا مـن البعـد ريحـه
ودنياك يا بن حسين ما جات به راح
وعزي لكم يا هل النفوس الشحيحة
واضحك وانا فيدي زقارة ومسبـاح
وخل الزعل لاهل الوجيه الكبيحـة
والعود يطرح له ثمانين مـا طـاح
ما هو ب مثلك عاجز في نطيحـه
ويغشني غـش البريكـات مـزاح
الله لا يـثـري ثــراه ويبيـحـه
قال ضيدان
البارحة قمت اتمشى على القادر
حفيان والحفيـان محـد يشيلـه
كله سبايب صاحبي طافي النـار
اللي لا واعد صاحبه ما يجي له
حلو اللسان وقلبه انجس من الفار
واروغ من اللي يسبقه راس ذيله
ولا يقدر الشايب ولا يكرم الجار
واللي يبي منه الفرج عزتي لـه
رد سعد
يالربع انا ضيدان خلانـي احتـار
والله مدري ، ويني با غـدي لـه
فاحيان يبلشني مع سبق الاصـرار
واحيان ياتي بالف حيلـة وحيلـة
ودايم معي يعمل شعابيث وشجـار
ضيع دليلـي ، ضيـع الله دليلـه
وأبغي شهادة من محبين الاشعـار
إنها مشت بـه للمشاكـل رجيلـه
وبارد .. رد يعتبره آخـر إنـذار
وبامزح معه ذا الليل مزحه ثقيلـة
وأما عبر ما يلتفت سبع الابحـار
والا .. قعد من دون هاف وفنيلـة
يا ابو حميد النار ما تأكـل النـار
والرجال ودك ما يعذرب زميلـه
والله عليـم بالخفايـا والأسـرار
مهما تكـون كثـار والا .. قليلـة
ويا طول ماني حاشمك وانت هذار
واقول يا نفس اصبري وامهلي له
والنـاس فيهـم مسلميـن وكفـار
ولا .. انت حزبك ثالث تنتمي له ؟
ويا راجل قد دمي من الظلم فوار
وترى باحط من القصيرة .. طويلة
ولا زيد ينفعـك النـدم والتعـذار
لا .. لاس المشخاط راس القتيلـة
قال ضيدان
جاك المسير ما لقى منك ترحيـب
لا جبت له قهوة ولا مـن قدوعـي
يا ليتنـي دورت غيـرك معازيـت
جيتك جويع ورحت منك بجوعـي
الظاهر انك ما تعـرف المواجيـب
لاشك طبعك يختلف عـن طبوعـي
حنا لا جانا الضيف ننفض له الجيب
ونجيب له من كل شكـل ونوعـي
عاداتنا والرزق من عالـم الغيـب
هذا وانا ابخل واحد مـن ربوعـي
رد سعد
إقدع ، عسى يقدع على راسك الذيب
في خايع مابه مـن النـاس دوعـي
متعطـل فـي البـر قبلـي تناقيـب
من ليلـة الجمعـة ليـوم الربـوع
ومروك ناس غايب عنهـم الطيـب
وخلوك وحدك في مكـان يروعـي
ثم جاك ذين ذيب ما سنونه بتركيـب
ذيب ولذ ذيـب وشـرس قطوعـي
سوى بك سواة على غيـر ترتيـب
يجزع لها قلب الشجـاع البتوعـي
مرحو يا عود كسار راسه الشيـب
هنديتـه تـذرف عليـه الدموعـي
قال ضيدان
ياليتني تاجر وبيتـي علـى الطـاش
ومساهم فـي نفـط بحـر الشمالـي
واشترى من اللي تنطح السحب بالكاش
ما همني لو قالـوا : السعـر غالـي
واحجج اللي كـاده العسـر ببـلاش
وادفـع ملايـيـن زكــاة لمـالـي
وعندي سعد يعمل مقهـوي وفـراش
والى بغيت امشـى يطـرف نعالـي
رجل نعرفه زين مـا هـو بغشـاش
واللـي طلبـه حـاجـه جابهـالـي
والرجال لا جاوز ثمانين مـا عـاش
وأن عاش من عقـب الثمانيـن بالـي
رد سعد
البارحة فكري من الهـم منـداش
من واحد طرش كتابـه وجالـي
والله مالي خلق نمزح مع الـلاش
اللي تمنى الخير له والعنا .. لي
وقد قلت له : دعواك بترد بهواش
وارسل مكاتيبك على احد بدالـي
واما اعتذر ما دام الاوضاع تناش
والا .. قلبنـا الاولات التوالـي
ويا صعب فهامك وتفهيم الادباش
وبين عليك انك تكـت الدحالـي
واليوم مثرت التمني على مـاش
يا زين رضخك بالعصا والعقالي
وربعك يعرفونك : كميخ وعماش
وجهك كهوب من الوجيه الطوالي
يوم انت لا جو المسايير تنحـاش
مثل الثعل من رافعـات الذيالـي
[/poet]
أخوكم/ مهدي بن دبسه
تعليق