[poet font="Simplified Arabic,14,darkblue,normal,normal" bkcolor="burlywood" bkimage="" border="double,2,gray" type=2 line=200% align=center use=sp char="" num="0,black"]
باروا بي عيال الحلال .. وفرحوا عيال الحرام=الأصوات غير اصوات اهلنا والصور غير الصور
ألحق مشاهيب المناره .. نار عود من الثمام=وياما على وجه البسيطه للمعنى من عبر
اعاتبك ياراعي الهيبه والحقك الملام=والوعل ابوقرنين مايطرح من النايف حجر
اللي يوصي ميت الذمه ويبغى له مقام=انشهد انه خاشر المجنون فـ " جنون البقر"
عيا سناد الراس ..لايمسي على ريش النعام=بينه وبين مصافح السجه دواليب ودهر
يا صاحبٍ ماتقلط الا في مقاليط الكرام=وصلك غناة العبد لله .. والجفا موتٍ حمر
لاتنشد اللي ماعرف كسر الخواطر والعظام=كسرٍ يجبر .. بس كسرٍ لو يجبر ماجبر
والعلم غابي ... ماتعايوا به مسوقة العلام=فصدورنا كن الخوافي " فص ملحٍ في بحر"
وان قلت سولف لي عن اللوعه وجاوبتك شمام=ما قلت لك غيرالرضى " بماقضى الله وقدر "
ياحيلة الله من هواجيسي ومن ظلم الغرام= عليك بسم الله ياقلبي وياعين السهر
لاقلت نامت عيت القشرا وحاربها المنام=ولاقلت سج القلب جاله فالعنا " لدة نظر"
ماكني الا مرقبٍ للصبح في ليل الظلام=الليل كله خوف والغدرا مساريها خطر
اذوب من بعض الهوى واهيم من بعض الهيام=واعيّد لشوف الحبايب وآتحرا للخبر
ولولا حياي من العرب واخاف تفسير الحلام=نقشت حرفين اسمك الأولى قلاده للنحر
الله كتبني لك على ظلمك ورديت السلام=على عيون اهل الهوى.. وقلوب عشاق البشر
ماعاد عقبك للغلا في مارثة " حوا " مرام=واللي سواتي لاعشق مثلك غدا " دمه هدر"
انا شريف اهل الهوى .. وانت الحشيم من الحشام=لا سيف ابوطالب على متني...ولا حربة عمر
كنت الصعب بين الحبايب .. لاشداد ولامسام=الين بركت لمهابتك الثقيله .. والميه صارت عشر
صبرٍ جميل وجعل راسك مايهون ولايظام=لكن أباذكرك .. لاعل الهواوي لا ذكر...!!
صوتك ندى روحي وفي نبرتك من طبع العظام=وهرج الأكابر في قلوب اهل الموده معتبر
لانامت العالم وناح من التباريح الحمام=سبع المثاني ..رقية العاشق وسبع من السور
يمكن تهون العله اللي قدلها عامٍ وعام=يبعد ثرا العاشق وتيبس بالجفا خضر الشجر
ودي ولاودي واخاف من القفيا والكلام=والناس لاهل الهلال تعرف مطلاع الشهر
ان قلت احبك لحقوني فيك منقود وملام=وان قلت ما حبك حرام اني لأموت من القهر
يابن الحلال احذر تصدق واحدٍ ولدة حرام=يجيك بالوحده ويلقحها .. وتحسبها عشر
[/poet]
باروا بي عيال الحلال .. وفرحوا عيال الحرام=الأصوات غير اصوات اهلنا والصور غير الصور
ألحق مشاهيب المناره .. نار عود من الثمام=وياما على وجه البسيطه للمعنى من عبر
اعاتبك ياراعي الهيبه والحقك الملام=والوعل ابوقرنين مايطرح من النايف حجر
اللي يوصي ميت الذمه ويبغى له مقام=انشهد انه خاشر المجنون فـ " جنون البقر"
عيا سناد الراس ..لايمسي على ريش النعام=بينه وبين مصافح السجه دواليب ودهر
يا صاحبٍ ماتقلط الا في مقاليط الكرام=وصلك غناة العبد لله .. والجفا موتٍ حمر
لاتنشد اللي ماعرف كسر الخواطر والعظام=كسرٍ يجبر .. بس كسرٍ لو يجبر ماجبر
والعلم غابي ... ماتعايوا به مسوقة العلام=فصدورنا كن الخوافي " فص ملحٍ في بحر"
وان قلت سولف لي عن اللوعه وجاوبتك شمام=ما قلت لك غيرالرضى " بماقضى الله وقدر "
ياحيلة الله من هواجيسي ومن ظلم الغرام= عليك بسم الله ياقلبي وياعين السهر
لاقلت نامت عيت القشرا وحاربها المنام=ولاقلت سج القلب جاله فالعنا " لدة نظر"
ماكني الا مرقبٍ للصبح في ليل الظلام=الليل كله خوف والغدرا مساريها خطر
اذوب من بعض الهوى واهيم من بعض الهيام=واعيّد لشوف الحبايب وآتحرا للخبر
ولولا حياي من العرب واخاف تفسير الحلام=نقشت حرفين اسمك الأولى قلاده للنحر
الله كتبني لك على ظلمك ورديت السلام=على عيون اهل الهوى.. وقلوب عشاق البشر
ماعاد عقبك للغلا في مارثة " حوا " مرام=واللي سواتي لاعشق مثلك غدا " دمه هدر"
انا شريف اهل الهوى .. وانت الحشيم من الحشام=لا سيف ابوطالب على متني...ولا حربة عمر
كنت الصعب بين الحبايب .. لاشداد ولامسام=الين بركت لمهابتك الثقيله .. والميه صارت عشر
صبرٍ جميل وجعل راسك مايهون ولايظام=لكن أباذكرك .. لاعل الهواوي لا ذكر...!!
صوتك ندى روحي وفي نبرتك من طبع العظام=وهرج الأكابر في قلوب اهل الموده معتبر
لانامت العالم وناح من التباريح الحمام=سبع المثاني ..رقية العاشق وسبع من السور
يمكن تهون العله اللي قدلها عامٍ وعام=يبعد ثرا العاشق وتيبس بالجفا خضر الشجر
ودي ولاودي واخاف من القفيا والكلام=والناس لاهل الهلال تعرف مطلاع الشهر
ان قلت احبك لحقوني فيك منقود وملام=وان قلت ما حبك حرام اني لأموت من القهر
يابن الحلال احذر تصدق واحدٍ ولدة حرام=يجيك بالوحده ويلقحها .. وتحسبها عشر
[/poet]
تعليق