رحــلـــــة قـنـــص !!

اخي الغالي

حسن المسعودي


لاهنت على هذا المرور الكريم



اخوك / صالح دخيل الله

[poet font="Simplified Arabic,3,crimson,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يالله يـالــلــي بــيـــدك الـخــيــر والــخــيــره=ومـــن جـــود كـفــك يـجــود الـضـفـر والـخـبـه
يـامـشـرع ابـــواب رزقـــه مـــن نـــداء خـيــره=مـاقــفــل الـــــرزق بـالـمـفـتـاح والــضــبــه
يــــوم الــــردي صّــــر فالـبـقـشـه دنـانـيــره=عــبـــاد لــلــوجــه والــديــنــار والــقــبــه
ولا اتــعــب ورى الـطـيــب والـطـالــه مــداويــره=مـغـيـر يـشـعــب حـمـيــره ويــحــرش ضــبــه
وصـخــر لـــه الله حـمـيـرٍ جـــت عـلــى بـيــره=مـــن يـكـرهـه تـكـرهـه وتـحــب مـــن حــبــه
وفـــي مجـلـسـه مــــاش لا خــيــره ولا ســيــره=مـغـيــر يـشـتــال فــــي كــفـــه ويـضــربــه
شـفـي مـــع اهـــل الـصـخـا والـطـيـب والـغـيـره=الـلـي لـهـم مـــع نـبــوب اهـــل الـوفــاء نـبــه
الـلــي لـيــا شــافــو الــبــراق لــــه نــيــره=خــطــرٍ حــداهــم تـقـطّــع كــبـــده الــذبـــه
فــــي مـدلـهــم رســــى وانــشــت مـزابـيــره=ودّنـــت رعــــوده وســيــف الــبــرق عـقـربــه
ومـــن يــــوم غــطــت مجـاهـيـمـه مـغـاتـيـره=ارخـــت هـدبـهــا هــلــول الــــودق مـنـصـبـه
وقـامــت تـسـوقــه هــبــوب الــريــح وتــديــره=والــريــح بــأمــر الــولــي يــذريــه ويـهـبــه
وجـالــه مــــع الــريــح تــدويــره وتصفيره=وكــنــه يـبـاشــر رغــــاب الــقــاع بـالـحـبـه
وعــجـــن دفــوفـــه ومـدهــوجــه عـثـامـيــره=وقــضــض حــزومــه ودك الــعـــرق والــربـــه
وهـجــال وبـلــه يـطــم الـقــاع مـــن صــيــره=وتمـشـي سـهـوب الـحـيـاء فـــالارض مـــن غـبــه
مـــن عــقــب مـاسـاقــت الـكـنــه مـعـاصـيـره=ومــــن صـنـقـريـره تــشــوف الارض مـشـتـبــه
لـبـســت ثــيــاب الـحـيــاء فــأخــر مـقـازيــره=ولـبـســت الارض جــــوخ ولـبــســت الـجــبــه
ورويــــا غـصــونــه وزاهــيـــةٍ مـخـاضـيــره=وتـخـالــط الـعـشــب فــيــه وجـايـلــه كــبـــه
وعّــجــت وروده بــعـــد عّــجـــت نــواويـــره=وشــكّــل نـبـاتــه وقــــام الــريـــح يـلـعـبــه
وهـجــرس حـمـامـه بــعــد غــنــت عـصـافـيـره=فــــي روضــــةٍ مـاتـبــي وصّــــاف ومـشـبــه
وجــــاء لـربـلــه وشـيـحــه فــيــه تـخـمـيــره=خـمــار عـــود يـفــوح الـطـيـب مــــن لــبــه
والـيــوم قّـفــا نـهــاره فـــي حــــرى غــيــره=فـــي حـــروة الـلـيـل يـلـبـس ثــــوب ويــذبــه
والــنــار قِــــرب حـطـبـهـا مــــع جـذامـيــره=نـــارٍ حطـبـهـا يـنـومـس مـــن يـبــاء الـشـبــه
وجـمّــر حـطـبـهـا شــقــار وحــيــز تـجـمـيـره=والـكــيــف قّـــــرب مـعـامـيـلــه وذربــــــه
والـبــن الاشـقــر عــلــى الـمـحـمـاس تـوجـيــره=لــيــن يـقـمــش بـثـوبــه ويــعـــرق حــبـــه
ودقــــة بـنـجــرٍ لــيــا دنــــت زعـاجــيــره=ذيــــبٍ يـزعـجــر بـصـوتــه يــــوم يـقـنـبــه
وقٍـــــــرب دلالٍِ مـبــرقــعــةٍ مــنــاقــيــره=مـبـرقـعـاتٍ مــــن الـمـقـضـب الــــى الـلـبــه
ولـقــم بـهــا الـبــن الاشـقــر عـقــب تـنـحـيـره=والـكـيــف مــــن زود حــمــوٍ فــيــه يـقـلـبــه
وزلّـــت بـصـفــراً صــهــاة الــلــون تـبـهـيـره=ابـهــارهــا الـهــيــل والـمـسـمــار يـعـطــبــه
وتـاخـذ عـلــى الـنــار عـقــب الـكـيـف تـاخـيـره=وخـنـيــن هـيـلــه إمــديــر الـكـيــف يـعـجـبـه
وفـنـجـالـهـا فــيـــه لـلـضـرمــان تــخــديــره=ويـصـبـغ بـلـونـه عـلــى الفـنـجـال مـــن ربــــه
وجـــات الـسـوالــف لــهــا مــيــزه وتـوقـيــره=ومـاهــو كـمــا الـلــي يـخــم الـعـلــم ويـكـبــه
والـصـبــح صــلــو وهــلــو عــقــب تـبـكـيـره=وجـالـهــم مــــع لـجـالـيـج الــخــلاء عــبـــه
والـكــل مـنــا عـلــى كــفــه نــقــل طــيــره=يــبـــاء يـــمـــاري بــطــيــره ويـتـشـبـبــه
بـالاشـقـر الــلــي يــبــاء يـعـجــب صـقـاقـيـره=نــانـــس بـشــوفــه ومـقـنـاصــه ونــطــربــه
الـزوكــر أبـلــج عـلـيـه مـــن الـذهــب نــيــره=وظـهــره خـشـيـب الـعـديـم الـمــزر ابـــو حـبــه
ان حـقــق الـطـلـع يـشـعــى الــجــول بـمـغـيـره=وان واســــق اطـيــارهــا فـالــجــوء يـشـعـبــه
ويـلـحـم عـلــى الــخــرب مـخـلابــه بتـسـمـيـره=ومــــن الـخـضـيـرا الــيــا الــرقــه ايشـقـلـبـه
وريـــش الـثـنــادي مــــع الـجـيّــان مـعـصـيـره=مـثــل الـفــراش إن قــصــب لـلـريــح واقـتـبــه
وان كــــان درب الــونــس سـيـقــت مـظـاهـيــره=هــــذا الــونــس يـامـلــب الـقـنــص ومـحـبــه
بــخـــوة رفــيـــقٍ تـنـشـطـنــا تـبـاشــيــره=الـصــاحــب الــلـــي نـفـاخـربــه ونـنـصـبــه
ســـــوات حــمـــاد راع الـطــيــب والـجــيــره=الــلــي لـسـبــل الـنـشـامـا وفــقـــه ربـــــه
نــبـــاء كــلامـــه وتـحـلـيـلــه وتــقــريــره=مــادامـــت الــقـــاف هـــلابـــه ورحـــبـــه

[/poet]

[ALIGN=CENTER]صالح دخيل الله


هلا ياصالح هذي والله القصيده


بيض الله وجهك



تقبل تحياتي[/ALIGN]

الغالي/ خالد المطيري

لاهنت على هذا المرور الكريم

والظاهر انك راعي طير يابو مطير

مايشتاق للامور الجزله الاجزل

تقبل تحياتي

اخوك / صالح دخيل الله

الغالي / سعود الدهيمي

يامرحبا والله يابو مشاري


وحياك وحيا مرورك الكريم


ولاهنت على هذا المرور الشامخ


ودمت بخير



اخوك المخلص / صالح دخيل الله

الشاعر صالح المطرفي

صح السانك يالقرم
قصيده بالصوت
والصوره تعبير
رائع وبلييغ الوصف
وفقك الله ولاعدمنا تواجدك

وصل سلامي ابو حامد ؟اخوك فالله الشاعر {سهيرالليل}

اخي الغالي

مرزوق الصواغ

لاهنت ياالغالي على هذا المرور الكريم

ولك اجزل التحيات

واصدق المشاعر

ودمت بخير


اخوك / صالح دخيل الله

الشاعر الرائع / صالح دخيل الله

صح السانك
قصيده اكثر من رائعه

وكبر من الكلام ولاطراء

كتبت واجدت وابدعت ..دمت ودام هذا الابداع الغير مستغرب من هو اهل للابداع..

تحياتي وتقديري لك

صــــالــــح دخــــيــــل الله

حضور الجزاله والشعر الصادق

ابو دخيل الله يعلم الله اني من المعجبين والمتعلمين من ابداعاتك

ادامك الله وسلمك

تقبل التقدير

يالله ياللـي بيـدك الخيـر والخـيـره ومن جود كفك يجود الضفـر والخبـه
يامشرع ابواب رزقه من نـداء خيـره ماقفـل الـرزق بالمفتـاح والضـبـه
يوم الـردي صّـر فالبقشـه دنانيـره عبـاد للوجـه والديـنـار والقـبـه
ولا اتعب ورى الطيب والطاله مداويره مغير يشعب حميـره ويحـرش ضبـه
وصخر له الله حميرٍ جت علـى بيـره من يكرهه تكرهه وتحـب مـن حبـه
وفي مجلسه ماش لا خيره ولا سيـره مغيـر يشتـال فـي كفـه ويضربـه
شفي مع اهل الصخا والطيب والغيـره اللي لهم مع نبوب اهـل الوفـاء نبـه
اللي ليـا شافـو البـراق لـه نيـره خطـرٍ حداهـم تقطّـع كبـده الذبـه
في مدلهم رسـى وانشـت مزابيـره ودّنت رعوده وسيف البـرق عقربـه
ومن يوم غطـت مجاهيمـه مغاتيـره ارخت هدبها هلـول الـودق منصبـه
وقامت تسوقه هبوب الريـح وتديـره والريح بأمـر الولـي يذريـه ويهبـه
وجاله مع الريـح تدويـره وتصفيـره وكنه يباشـر رغـاب القـاع بالحبـه
وعجن دفوفـه ومدهوجـه عثاميـره وقضض حزومه ودك العـرق والربـه
وهجال وبله يطم القـاع مـن صيـره وتمشي سهوب الحياء فالارض من غبه
من عقب ماساقـت الكنـه معاصيـره ومن صنقريره تشوف الارض مشتبـه
لبست ثيـاب الحيـاء فأخـر مقازيـره ولبست الارض جوخ ولبسـت الجبـه
ورويا غصونـه وزاهيـةٍ مخاضيـره وتخالط العشـب فيـه وجايلـه كبـه
وعّجت وروده بعـد عّجـت نواويـره وشكّـل نباتـه وقـام الريـح يلعبـه
وهجرس حمامه بعد غنـت عصافيـره في روضةٍ ماتبـي وصّـاف ومشبـه
وجاء لربلـه وشيحـه فيـه تخميـره خمار عود يفـوح الطيـب مـن لبـه
واليوم قّفا نهاره فـي حـرى غيـره في حروة الليل يلبـس ثـوب ويذبـه
والنار قِـرب حطبهـا مـع جذاميـره نارٍ حطبها ينومس مـن يبـاء الشبـه
وجمّر حطبها شقـار وحيـز تجميـره والكيـف قّـرب معاميـلـه وذربــه
والبن الاشقر على المحماس توجيـره ليـن يقمـش بثوبـه ويعـرق حبـه
ودقـة بنجـرٍ ليـا دنـت زعاجيـره ذيـبٍ يزعجـر بصوتـه يـوم يقنبـه
وقٍــرب دلالٍِ مبرقـعـةٍ مناقـيـره مبرقعاتٍ مـن المقضـب الـى اللبـه
ولقم بها البن الاشقـر عقـب تنحيـره والكيف مـن زود حمـوٍ فيـه يقلبـه
وزلّت بصفراً صهـاة اللـون تبهيـره ابهارهـا الهيـل والمسمـار يعطبـه
وتاخذ على النار عقب الكيـف تاخيـره وخنين هيلـه إمديـر الكيـف يعجبـه
وفنجالهـا فيـه للضرمـان تخديـره ويصبغ بلونه على الفنجال مـن ربـه
وجات السوالف لهـا ميـزه وتوقيـره وماهو كما اللـي يخـم العلـم ويكبـه
والصبح صلو وهلـو عقـب تبكيـره وجالهم مـع لجاليـج الخـلاء عبـه
والكل منـا علـى كفـه نقـل طيـره يبـاء يمـاري بطـيـره ويتشبـبـه
بالاشقر اللي يبـاء يعجـب صقاقيـره نانـس بشوفـه ومقناصـه ونطربـه
الزوكر أبلج عليه مـن الذهـب نيـره وظهره خشيب العديم المزر ابو حبـه
ان حقق الطلع يشعى الجـول بمغيـره وان واسق اطيارها فالجـوء يشعبـه
ويلحم على الخرب مخلابـه بتسميـره ومن الخضيـرا اليـا الرقـه ايشقلبـه
وريش الثنادي مع الجيّـان معصيـره مثل الفراش إن قصب للريـح واقتبـه
وان كان درب الونس سيقت مظاهيـره هذا الونس ياملـب القنـص ومحبـه
بخـوة رفيـقٍ تنشطـنـا تباشـيـره الصاحـب اللـي نفاخربـه وننصبـه
سوات حمـاد راع الطيـب والجيـره اللـي لسبـل النشامـا وفقـه ربــه
نبـاء كلامـه وتحليـلـه وتقـريـره مادامـت القـاف هـلابـه ورحـبـه



بيض الله وجهك يا صالح


قصيدة مفعمة باللغة الشعرية الأصيلة التي أفتقدناها عند كثير من شعراء النت

صح لسانك ولا هنت



لك تحياتي


أخوك


صايد الفوايد