للعيد فرحه وانت بعيون مغليك

اهنئكم بحلول عيد الأضحى ( بغيت اكتب عيد الفطر ) وكل عام وانتم بألف خير اهديكم هذه القصيدة الجميله للشاعر الوافي راجيا ان تنال اعجابكم
-------

هنيت نفسي فيك من قبل اهنيك
..... بالعيد ياأجمل عيد من قبل عيدي
للعيد فرحه وانت بعيون مغليك
..... منك أجمل ايام الفرح تستزيدي
هذا انت .. هاذي روح مغليك بيديك
..... هذا الخفوق .. وبرضه انت الوحيدي
اهديك والا وش بقى مني أهديك
..... وانتي خيالي .. نبض روحي .. قصيدي
أسمى المعاني كلها تجتمع فيك
..... يحتار بأقربها .. الخيال البعيدي
اليا وقف معنى البهاء مع معانيك
..... يضيع بين أربع معناي .. وجيدي
خصر.. ونحر ..وعيون تشفي مداريك
..... ومن دافي الذبل يذوب الجليدي
استغفر الله لو من الحور أسميك
.....في روضة فيها نعيم الشهيدي
بالعيد جيت بصادق الشوق اهنيك
.....واقول لك ياعل عيدك سعيدي
----------
محمد الابراهيم ( الوافي )

صح لسانك يا فتى القرائن ..

وكل عام وانت بخير

اخوك:
امرىء القيس

اخي فتى القرائن


كل عام انت بخير


وصح الله لسانك


اخوك وقـــــاد

اخوي الغالي امرئ القيس : وانت بخير و شكرا على مشاعرك الطيبة ... والوعد قدام ( وش دخلها )
--
اخوي وقاد: وانت بخير يالغالي وردك يعتبر وقود ( من وقاد ) لي لتقديم المزيد

[زايد القلادي]

هلا والله وغلا

فتى القرائن
----------
اخي العزيز دائما تأسرني كلماتك الطيبة الله يقدرني على رد الجمبل .
القصيدة روعة وجمال وشاعرها فتى القرائن
نعرفة ونفتخبر بقافة وبمعرفتة اللي ترفع الراس الله يديمك اخو وعزيز على قلبي دائما العيد عليك مبارك وسلملي على الاخوان والجماعة
الله يسعد كل لحضاتك يالغالي
اخوك الصغير
القلادي


[تم تعديل الموضوع من قبل القلادي بتاريخ 03-03-2001 الساعة 05:09 AM]