تستاهل اللي يراسلها!!

اخواني الكرام

تابعت يوم الخميس صفحة ( قوافل ) بجريدة الرياضي
العدد الاول
والتي يعدها زميلنا الشاعر ضاوي العصيمي
وكما يعرف الجميع هو شاعر حقيقي وهذا نصر
للشعر الحقيقي وعند ذلك تمثلت ببيتين وتركت
اكمالها لكم

فكل من يمر يكتب بيتين على نفس القافيه والوزن
حتى تكتمل القصيده ولكم كل الشكر الجزيل

[poet font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
كل(ن) بصفحة (قوافل) يعلن أعجابه=اكيد هذا تمّيز من مقدمها
الصفحه اللي تخدم الشعر واصحابه=تستاهل اللي يراسلها ويدعمها
[/poet]


ارجو من الاخوه المشرفين تثبيت الموضوع حتى تكتمل القصيده

صح لسانك يالغالي


قصيده رائعه



ولاهنت

وهذي بيتين مني

وعساها تعجبكم
[poet font="Simplified Arabic,4,crimson,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
صفحة شعر والمحرر شاعر عتابه=ماعندي الاّ عسى ربي يسلمها
الشاعر اللي يبيها يشعب ركابه=ماهيب للواسطه حتى نعممها

تحياتي
[/poet]

مرزوق المقاطي

هلا وغلا

جيت وجبت علوم الطيب لاعدمتك

وابشر بسعدك هذي المشاركه



[poet font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
الشعر وسط الرياضي حط مرقابه=مدام ضاوي له الصفحه تسلمها
على هل الشعر واهل العرف وادابه=جزل القصايد لبن عايض تولمها


وارجوا تثبيت الموضوع
على طلب اخي مرزوق
[/poet]

لاهنت يابو ثامر


حي الخبر يالنداويه ومن جابه...........صفحة قوافل لنا ضاوي يقدمها


الشاعر اللي جزيل الشعر يزهابه....... فرايده عن رخيص السوق حاشمها

شكرا لمن تفاعل من الاخوان وننتظر الباقين
طبعا ضاوي لازم تنشر القصيده عندما تكتمل
والاخوان المشرفين الرجا تثبيت الموضوع

ابشر ياالمقاطي بالثبيت والمشاركه


ابو زياد يستاهل


[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]

ضاوي كما العد يروي كل شرابه = والنفس عن ما توطا دوم عاصمها

رجلٍ ينومس وفعل الطيب يلقابه = المرجله مع دروب الطيب خاتمها
[/poet]

[c][/c]



[c]
الله الله عليكم .... أبيات جزلة وفكرة تستاهل الاعجاب والمشاركه .... كلنا فخر بتولي استاذي الشاعر ضاوي العصيمي هذه المهمه التي بالفعل هو أهلاً لها .... فهنيئاً للشعر هذا الانتصار في زمن كثر فيه ظلم المستشعرين له !!!!




شاعر عَـلَـم والقصيد مكمل نصابه
....... أحلى المعاني له القيفان ترسمها
هذي قوافل لجزل الشعر بوابه
....... وفي داخل اسوارها يبني معالمها





اتمنى ان يختار استاذي مرزوق المقاطي اجزل وافضل الابيات المكتوبه هنا دون زعل لاننا نريد ان تكون القصيده كاملة نصاب وتخلو من الزلل والضعف




حتى لو كان ذلك على حساب ابياتي انا شخصياً فأرجوا من الجميع التعاون وقبول النقد والتحكيم





للجميع تحياتي واحترامي
[/c]



[c][/c]

[ALIGN=CENTER]الاخ العزيز مرزوق المقاطي

بيض الله وجهك على هذه الفكره وابو زياد

يستاهل وفي نفس الوقت نتمنى له التوفيق والنجاح[/ALIGN]

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الراس مرفوع والتقدير يحضابه=واهل المواجيب ماتضعف عزايمها
اللي ليا افتر يم الشعر دولابه=ترومه الطيبه والقرم رايمها
[/poet]

[ALIGN=CENTER]تحياتي [/ALIGN]

يامرحبا يامرزوق المقاطي


موضوع جميل وفكره جميله


وضاوي العصيمي يستاهل كل خير شاعر متمكن شاعر جزل


استلم لا هنت هذي البويتين عساها تجمل ...



اللي فتح للشعر بيبان دولابه ........ بنات فكره على القرطاس ترجمها

الله يرحم ابوه اللي لنا جابه ......... وام وددها سقاه الله يرحمها



وتقبل تحياتي وتقديري

على القوه وانا علي ترتيب البيوت

[poet font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
كل(ن) بصفحة (قوافل) يعلن أعجابه=اكيـد هـذا تمّيـز مـن مقدمـهـا
الصفحه اللي تخدم الشعر واصحابه=تستاهل اللـي يراسلهـا ويدعمهـا
صفحة شعر والمحرر شاعر عتابه=ماعندي الاّ عسى ربـي يسلمهـا
الشاعر اللي يبيها يشعـب ركابـه=ماهيب للواسطـه حتـى نعممهـا
الشعر وسط الرياضي حط مرقابه=مدام ضاوي له الصفحـه تسلمهـا
على هل الشعر واهل العرف وادابه=جزل القصايد لبن عايض تولمهـا
حي الخبر يالنداويه ومن جابه.=صفحة قوافل لنا ضاوي يقدمها
الشاعر اللي جزيل الشعر يزهابه= فرايده عن رخيص السوق حاشمها
ضاوي كما العد يروي كل شرابه =والنفس عن ما توطا دوم عاصمها
رجلٍ ينومس وفعل الطيب يلقابه =المرجله مع دروب الطيب خاتمها
شاعر عَـلَـم والقصيد مكمل نصابه= أحلى المعاني له القيفان ترسمها
هذي قوافل لجزل الشعر بوابه=وفي داخل اسوارها يبني معالمها
الراس مرفوع والتقدير يحضابـه=واهل المواجيب ماتضعف عزايمها
اللي ليا افتر يم الشعـر دولابـه=ترومه الطيبـه والقـرم رايمهـا
اللي فتح للشعر بيبان دولابه = بنات فكره على القرطاس ترجمها
الله يرحم ابوه اللي لنا جابه=وام وددها سقاه الله يرحمها
[/poet]

يعش رجل(ن) طويل الرجم عدابه

**********************والناس ماتكرم الا من يكرمها

وضاوي من اعتيبه اللي تكرم الصحابه

******************واللي على الطيب ملبوسه عمايمها

تقبلو تحيات

خليف الوهيداني

اخواني واخواتي


لا ادري ما ذا اقول

هنا تقزوزم كلمات
الشكر لانكم تستحقون اكثر واكثر واكثر

هنا احترت ماذا اقول لمن غمروني بهذا الاحتفاء

مهما قلت مقصر ثم مقصر ثم مقصر

لكن اسال الله ان يقدرني على ان اكون
عند حسن ظنكم بي

ويقدرني على رد هذا الجميل

ولايحرمني منكم

اخواني النداويه

الف شكر لكل من شارك في هذا الموضوع

وننتظر الاخرين

بودي ان يشارك كل شعراء النداوي

واشكر الجميع


واشكر اخي حمد السحيمي وكل مشرفي ومراقبي
واعضاء وزوار النداوي الكرام ومازلت اطمح في زيادة المشاركات

[poet font="Simplified Arabic,4,darkred,bold,italic" bkcolor="transparent" bkimage="backgrounds/6.gif" border="solid,6,darkblue" type=0 line=200% align=center use=ex length=0 char="" num="0,black" filter=""]

كل(ن) بصفحة (قوافل) يعلن أعجابه=اكيـد هـذا تمّيـز مـن مقدمـهـا
الصفحه اللي تخدم الشعر واصحابه=تستاهل اللـي يراسلهـا ويدعمهـا
صفحة شعر والمحرر شاعر عتابه=ماعندي الاّ عسى ربـي يسلمهـا
الشاعر اللي يبيها يشعـب ركابـه=ماهيب للواسطـه حتـى نعممهـا
الشعر وسط الرياضي حط مرقابه=مدام ضاوي له الصفحـه تسلمهـا
على هل الشعر واهل العرف وادابه=جزل القصايد لبن عايض تولمهـا
حي الخبر يالنداويه ومن جابه.=صفحة قوافل لنا ضاوي يقدمها
الشاعر اللي جزيل الشعر يزهابه= فرايده عن رخيص السوق حاشمها
ضاوي كما العد يروي كل شرابه =والنفس عن ما توطا دوم عاصمها
رجلٍ ينومس وفعل الطيب يلقابه =المرجله مع دروب الطيب خاتمها
شاعر عَـلَـم والقصيد مكمل نصابه= أحلى المعاني له القيفان ترسمها
هذي قوافل لجزل الشعر بوابه=وفي داخل اسوارها يبني معالمها
الراس مرفوع والتقدير يحضابـه=واهل المواجيب ماتضعف عزايمها
اللي ليا افتر يم الشعـر دولابـه=ترومه الطيبـه والقـرم رايمهـا
اللي فتح للشعر بيبان دولابه = بنات فكره على القرطاس ترجمها
الله يرحم ابوه اللي لنا جابه=وام وددها سقاه الله يرحمها
يعش رجل(ن) طويل الرجم عدابه =والناس ماتكرم الا من يكرمها
وضاوي من اعتيبه اللي تكرم اصحابه =واللي على الطيب ملبوسه عمايمها



[/poet]