يا ليل كم ليل سهرته

رد: يا ليل كم ليل سهرته

باقتباس من مشاركة سالم ابن عزبين السلام عليكم ورحمة الله وبركاته

أخواني الأفاضل,

أشكر لكم تفضلكم بالتجاوب مع نصي هذا في برنامج " أختبار النجوم" وأعتز بكل ما ورد في تعليقاتكم من نقد وإشاده وإنشاء الله نكون عند حسن ظنكم جميعاً..

كما لا أنسى أن أشكر إدارة النداوي ممثلة في
النداوي الأول:حمد السحيمي
والمراقب العام: سعيد الحمالي
وباقي المشرفين وكل نداوي عضو في هذا الصرح العظيم

علي هذه الفكره الرائده وعلي الجهود المبذوله لخدمة الشعر والشعراء والتراث الأصيل ...


وهذا هو النص الذي شاركت به مرة أخري امامكم


أخوكم
سالم ابن عزبين المري






[poet font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياليل كم ليل طويلٍ سهرته = ذي حالتي ياليل قدلي ليالي
وياليل كم دمع غزير نثرته = تكفين يالأيام روفي بحالي
ابكي على وقتٍ مضى لاذكرته = واصفق من الحسره يميني شمالي
عاد أكثر الأصحاب ماطاح كرته = كنت احسب انه لي رفيق موالي
يفشل وانا اللي للشدايد ذخرته = واثر الظروف اللي تحد الرجالي
صكات بقعاء بينت ما غترته = تجاربٍ ماهو كلام يقالي
كم واحد غالي يلامن نظرته = خلاني أمسي فاالشدايد لحالي
الي يلامني عنيت ونحرته = ويرخص لو أنه كان فالقلب غالي
وكم واحد بين العرب ما أعتبرته = ياقف يلا دارت علي المحالي
يقبل لو اني واقف ما انتظرته = ويقوم بالحمله مقام الجمالي
احدٍ ربحته ربح واحدٍ خسرته = وخسارة أصحاب الرخاء راس مالي
ومن لا وقف في لازمي ما عذرته = حتى لو أنه بالظروف اشتكالي
ومن لاتعب في واجبي ما شكرته = حتى لو انه بالكرم ما يبالي
ومن لا نفعني بالرضاء ما جبرته = حتى لو أنه واحدٍ من عيالي
ومن لا ستره الله فانا ما سترته = الستر عند الله عزيز الجلالي
وسيفي بوجه أدنى العرب ما شهرته = ولاني على لدنى سريع انفعالي
ومن جارني من جور الايام جرته = يشرب من الصافي قراح زلالي
ومن حطني فوق العرب ما حقرته = منزله في عيني بروس العوالي
ومن لاعطاني غايته ما استشرته = ماني مشاور واحدٍ ما يمالي
ومن زارني فسلوم الأجواد زرته = ومن لايقدر عنوتي ما عنالي
ومن صد عني مقفي ما سبرته = القى بديل له ويلقى بدالي
أموت وانا واصل ماهجرته = الا بشيء ما عليه احتمالي
أغلى البشر عودٍ بكفي قبرته = عودٍ علينا مارضى بالميالي
ومن قبل لاحطه بقبره شبرته = آخاف لا تدخل عليه الرمالي
والوقت بحر عادني ماعبرته = والموج يلعب بي على كل جالي
ودرب مشوه عيال الأجواد سرته = اتعب على العليا وكسب المعالي
وأكسب من علوم الوفاء ما قدرته = وأسوق في كسب المراجل حلالي
والطيب كلّه لو قدرت احتكرته = ولاعاد يبقى لاخر الطيب تالي
لاكن يضل قصور لوما قصرته = الكامل اللي يستحق الكمالي
هذا كلامي والكلام اختصرته = وارجو السموحه ياكرام السبالي


[/poet]

ارحب يابو عزبين



القصيدة والله انها جزله وقد قلت من اول انها لرجل حكيم









صح الله لسانك وبدنك





ابراهيم القحطاني

الاخ محمد الدهيمي

الاخ سعود الدهيمي

الاخ سعد براك

الاخ حسن الوطري

الاخ محمد العاطفي

الاخ محمد الجلبان

اخواني الكرام اسف على التاخير لظروفي الخاصه

واشكر لكم مرورك على متصفحي وانه لاكبر شرف لرؤية اسماء هولاء العمالقه يشيدون بقصيدتي
ولا اقدر اقول الا صح ابدانكم ولا هنتم على مرورك

اسف مره اخرى على التاخير


تقبلو تحياتي
اخوك سالم ابن عزبين

الاخ فالح ابن قشعم

الاخ ناصر الزعبي

الاخ عبدالرحمن المعاوي

اخواني الكرام لايسعني الا ان اتقدم لكم بجزيل الشكر على موجدته من حسن ردودكم التي تزيدني شرف

وبيض الله وجيهكم وصح الله ابدانكم

وتقبلوا تحيات اخوكم
سالم

الاخ بشير العوام

الله يصح بدنك ولاهنت على كلامك الطيب

وتقبل تحيات اخوك

الاخ محمد بن حمد

وبك البقا وصح الله بدنك

والشرف لنا على معرفة الرجال اللي مثلك وشرواك

والبركه في النداوي اللي عرفنا على بعض

وتقبل تحياتي

الاخ الشاعر محمد ابن مشيط

صح بدنك مليااااااااااااااااااار

والمرحب يبقا ولاعليك زود

وشهاده افتخر فيها من شاعر كبير غني عن التعريف

والله يسلمك من كل شر

وتقبل تحياتي اخوك/ سالم بن عزبين

الاخ شبيب

الله يصح بدنك ولاعليك زود

والجايات اكثر والله يقدرنا على رضاكم

وتقبل تحياتي

الاخ حكيم الجامعه

الله يصح بدنك ويرفع مقدارك ولا عليك زود

وان روعة القصيدة من ذوقك والله لايهينك وشهاده اعتز فيها

وتقبل تحياتي

الاخ ابراهيم القحطاني

وبك البقا يابومرحبا

وشهادتك تزيدني شرف يامحلفي

والله يصح بدنك ولاهنت على مرورك


تقبل تحياتي

الاخ الشاعر الكبير


سالم ابن عزبين


صح الله لسانك اشهد بالله انك ابدعت فعلا


قصيده ماتطيع الا لشاعر مثلك موهبه


من قراها اشبعت ذائقته وانا والله من اللي اعجب جدا جدا بذا القصيده وبوجودك اولا


حياك الله يابن العم


وجودك بيننا شرف


تحياتي والى الامام

سااالم مرحبا بك ومسهلا



والقصيده عرفت راايي فيها قبل اعرف انك شااعرها



جعل ابيك في الجنه



واشهد بالله انك مبدع



قلتها واقووولها مره ثانيه



صح الله السااانك يالذيب



وودعتك الله

الاخ جابرالحنزاب
يامرحبا وصح الله بدنك
شهادة نفتخر فيها وهذا
من ذوقك
والشرف لي بوجودي بينكم
وتقبل تحياتي

أخي الغالي / سالم بن عزبين المري ..

صح لسانك ودام توهجك

قصيدة شامخة بشموووخك

شكرا ً لك من الأعماق على هذا الامتاع

وتقبل خالص تحياتي

أخوك / قديم الشوق

قصيدة غيررر
فيها الكثير الكثير من المعاني الغزيرة

يطول الشرح لو تطرقنا وعددنا مزاياها
جزالة بحد ذاتها

صح لسانك ولاهنت
دمت ودام بوحك
تحياتي لك وتقديري