Tweet
[poet font="Simplified Arabic,6,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=""]
احد ٍ يرى كلمة كرم مكانها بين الصحون
واحد ٍ يرى كلمة كرم مكانها وقت الخصام
اغضب رفيقك تعرفه لاتجعله مثل الزبون
النار تظهر ماخفى وترد كل شي ٍ لخام
يا صغر بطن الادمي بس ويش يملا هالبطون
لو يملك الدنيا اكلها ثم تطلــّــع للطعام
كل يوم هذا موقفي اسأل عسى فيما يرون
انكان شافوا نجمة ٍ خلت سما ذيك الخيام
جيت الشعر استفزعه قال استريح وفي غضون
ايام نبحث عن قصيده ضايعه بإسم النظام
راحوا مناديبي وصبرك انتظر حتى يجون
او سوق هجسك يمها وتجيبها بالاقتحام
لاهنت يا شعر ٍ عطى ولاهاجس ٍ جابك يهون
لولا التفاهم ما حصل اخذ وعطى بين الكرام
واعدتها قبل الفراق و واعدتني لو يكون
واليوم جت من بعد عشر سنين فرقا بالتمام
جت خايفه جت ثايره من شاعري يامن يكون؟
جت بين لحظة عنفوان الرفض واذعان الغرام
هندامها رث وشعرها منسدل فوق المتون
لكنه مبعثر بفعل الريح دون ادنى اهتمام
في وجهها اجمل براءه في اسرارير السكون
وفي مشيها الطف مرور ٍ مثلما مر الغمام
بعيونها لمعة شعاع الشك واسراب الظنون
وفي قلبها روضة بياض ٍ وسطها نام السلام
من علمك تكتب كذا بين الحماقه والجنون
من لقنك لحن الفنا من قبل تولد يا غلام
قلت ياهلا يالباحثه عن ذاتها بين العيون
شوفي اشارة معصمي تقدمي بين الزحام
قصيدتي حبيبتي ياروح روحي يالفتون
باين على الرحله طويله هاجس ٍ ضمك وهام
خاوي خيالي والوعد اما الفضا والا السجون
ومسرى ليالي غلفت اسرارها ببطن الظلام
عند احتدام الشوق تاخذني تباريح الشجون
وتتعاقب الطعنات في قلب رفض للانهزام
الله على قلب ٍ معك كم جسد القلب الحنون
والله على لحظاتك اللي صمتها اجمل كلام
ان جاز لك جو الطرب ياني مولم لك لحون
وان جاز لك رقص العرب خصص لك العازف مقام
استأثري هالليله بهجسي ومثلك من يمون
قالت تقول استأثري ليله وانا قررت عام
ذبلت ورود جبتها قبل اصلك جيتك بدون
مدري لضى الشمس او لضى شوقي حرقها يا حرام
بعثرت لك ترنيمة الاشعار ما بين الغصون
تمايل الغصن الندي وغرد بها طير الحمام
استئذنك في افتتاح الحفل كم خلفي مزون
ما امطرت عقب الفراق بشعر واثقلها الصيام
......... فهد بن محمد .......
[/poet]
احد ٍ يرى كلمة كرم مكانها بين الصحون
واحد ٍ يرى كلمة كرم مكانها وقت الخصام
اغضب رفيقك تعرفه لاتجعله مثل الزبون
النار تظهر ماخفى وترد كل شي ٍ لخام
يا صغر بطن الادمي بس ويش يملا هالبطون
لو يملك الدنيا اكلها ثم تطلــّــع للطعام
كل يوم هذا موقفي اسأل عسى فيما يرون
انكان شافوا نجمة ٍ خلت سما ذيك الخيام
جيت الشعر استفزعه قال استريح وفي غضون
ايام نبحث عن قصيده ضايعه بإسم النظام
راحوا مناديبي وصبرك انتظر حتى يجون
او سوق هجسك يمها وتجيبها بالاقتحام
لاهنت يا شعر ٍ عطى ولاهاجس ٍ جابك يهون
لولا التفاهم ما حصل اخذ وعطى بين الكرام
واعدتها قبل الفراق و واعدتني لو يكون
واليوم جت من بعد عشر سنين فرقا بالتمام
جت خايفه جت ثايره من شاعري يامن يكون؟
جت بين لحظة عنفوان الرفض واذعان الغرام
هندامها رث وشعرها منسدل فوق المتون
لكنه مبعثر بفعل الريح دون ادنى اهتمام
في وجهها اجمل براءه في اسرارير السكون
وفي مشيها الطف مرور ٍ مثلما مر الغمام
بعيونها لمعة شعاع الشك واسراب الظنون
وفي قلبها روضة بياض ٍ وسطها نام السلام
من علمك تكتب كذا بين الحماقه والجنون
من لقنك لحن الفنا من قبل تولد يا غلام
قلت ياهلا يالباحثه عن ذاتها بين العيون
شوفي اشارة معصمي تقدمي بين الزحام
قصيدتي حبيبتي ياروح روحي يالفتون
باين على الرحله طويله هاجس ٍ ضمك وهام
خاوي خيالي والوعد اما الفضا والا السجون
ومسرى ليالي غلفت اسرارها ببطن الظلام
عند احتدام الشوق تاخذني تباريح الشجون
وتتعاقب الطعنات في قلب رفض للانهزام
الله على قلب ٍ معك كم جسد القلب الحنون
والله على لحظاتك اللي صمتها اجمل كلام
ان جاز لك جو الطرب ياني مولم لك لحون
وان جاز لك رقص العرب خصص لك العازف مقام
استأثري هالليله بهجسي ومثلك من يمون
قالت تقول استأثري ليله وانا قررت عام
ذبلت ورود جبتها قبل اصلك جيتك بدون
مدري لضى الشمس او لضى شوقي حرقها يا حرام
بعثرت لك ترنيمة الاشعار ما بين الغصون
تمايل الغصن الندي وغرد بها طير الحمام
استئذنك في افتتاح الحفل كم خلفي مزون
ما امطرت عقب الفراق بشعر واثقلها الصيام
......... فهد بن محمد .......
[/poet]
تعليق