Tweet
سلام من الله عليكم ورحمة وبركة
كما يقال ( من جا ما ابطأ )
احبابي أهل الندواي بعد طول غياب
اضع بين أيديكم هذه المتواضعة لعلها تنال بعض إعجابكم
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
مرت أول ليل في ذهني مرورٍ عادي=مشيها عادي ونظرتها بعد عادية
ورجعت بكره بنفس الوقت والميعادي=لكن النيه على ما شفت غير النية
خطوها موجات نهر وهي محيطٍ هادي=زهدتني في مياه الكوره الأرضية
نسمةٍ هبت بعطر أدناه ورد وكادي=وآخره نفحه بروعة عطر باريسية
شيٍ اكبر من عمل محطة الأرصادي=لورصد غير نظام النشره الجوية
شعر وجداني نقي يروي غليل الصادي=ما وضع له وصف فـ المدارس النقدية
من بدابه بيت بيت استجهل النقادي=وصار من ديوان يدخل لـ امسيه شعرية
فتنةٍ تقول سيحوا في ربوع بلادي=جسدت فيها شروط الدوله العصرية
كل شي يقول رايه منفرد وينادي=يطرح اراءه جهار بمنتهى الحرية
فلسفه تجعل رموز الكفر والإلحادي=يدركون ان الطبيعه ما اوجدت هاذية
ارّخت للزين بالهجري وبالميلادي=وهي مقاييس الجمال لموضة الألفية
كل عنصر حسن ثبت في طرفها اوتادي=واصبحت معرض صور وفنون تشكيلية
البها والحسن ذا رايح وهاذا غادي=ولو يزيد شوي صارت ظاهره كونية
تشغل العالم ويخشاها البسيط العادي=جا قمر وانضم للمجموعه الشمسية
حسنها خارج عن المألوف والمعتادي=من عجايب معطيات الطفره الجينية
استحلت كل تفكيري ونبض فوادي=وصرت فيض احساس كلّه نزعه انسانية
وكتبتني شعر بالكوفي وبالبغدادي=واخرجتني من قيود الوزن والقافية
لخبطت دفتر حساباتي جُمَل وافرادي=وضع تبلش به نُظم وزارة المالية
خانة الألآف جت في خانةالآحادي=وانفتح للمنتقد عليّ شارع مية
عقلي وتاريخي الناصع وغرّ امجادي=كلها في حِلّ لو انّي صبرت شوية
حين قالت شي خدمه قلت ملح وزادي=قالت افصح قلت اقول العرضه النجدية
ضعت مدري وين مصداري ولا ميرادي=وكانت اول مرحله فـ الصدمه النفسية
اتّزاني راح في وادي وانا في وادي= بيني وبينه على الأرجح سنه ضوئية
ولجّ في صدري دفوف ومهرجان اعيادي=واعتراني شي مثل الدبكه السورية
ثم دخلت بمرحلة عزله وسجن افرادي=وقبلها ما للشعور حدود جغرافية
شيٍ اربكني وفي طيّه بذور اسعادي=لو تطور كان سبب ضجّه اعلامية
اوقفه قبل يتمادى صوت احد حسادي=قال صح النوم وانس احلامك الوردية
قوم عش واقعك يا سيّد عليك منادي=قلت ما ابغى اشوف احد فـ الفتره الحالية
هي كذا والاّ كذا ما عندي استعدادي=حلم والاّ علم والاّ افكار رومانسية
يأخي مالك ومالي لو يطول رقادي= لاني بسارق ولا انت بجهه أمنية
روح شف لك شغل غيري تو ليلك بادي=وخابرك مفتون بالبرامج الشعبية
اترك التوجيه لـ اهل الوعظ والإرشادي=صوتك أكبر منكرات العطله الصيفية
ثرت واستولى الغضب على زمام قيادي=وصرت من غيظي بحاله نصف هستيرية
ما لها غير الوضو والذكر والأورادي=واسألوا من جرب الطريقه الشرعية
وبعد ما زال الغضب واخذت وضع حيادي=رحت اقلب في سجل السيره الذاتية
اربط احلامي بتاريخي واقيس ابعادي=وصار هاذا البحث شيخ ابحاثي العلمية
اكتشفت ان المُحب المغرم استبدادي=وان لذات الهوى فـ النقله النوعية
واكتشفت إن المحبه وضع لا ارادي=لو بغيت اقاومه ما عندي امكانية
سيل وادي دق به وادي وسال بوادي=اغرق الديره وشلّ البنيه التحتية
شيٍ اكبر من عمل محطة الأرصادي= لو رصد غير نظام النشره الجويه
[/poet]ولكم مني خالص الود
أخوكم
تركي الغنامي ( صايد الفوايد )
كما يقال ( من جا ما ابطأ )
احبابي أهل الندواي بعد طول غياب
اضع بين أيديكم هذه المتواضعة لعلها تنال بعض إعجابكم
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
مرت أول ليل في ذهني مرورٍ عادي=مشيها عادي ونظرتها بعد عادية
ورجعت بكره بنفس الوقت والميعادي=لكن النيه على ما شفت غير النية
خطوها موجات نهر وهي محيطٍ هادي=زهدتني في مياه الكوره الأرضية
نسمةٍ هبت بعطر أدناه ورد وكادي=وآخره نفحه بروعة عطر باريسية
شيٍ اكبر من عمل محطة الأرصادي=لورصد غير نظام النشره الجوية
شعر وجداني نقي يروي غليل الصادي=ما وضع له وصف فـ المدارس النقدية
من بدابه بيت بيت استجهل النقادي=وصار من ديوان يدخل لـ امسيه شعرية
فتنةٍ تقول سيحوا في ربوع بلادي=جسدت فيها شروط الدوله العصرية
كل شي يقول رايه منفرد وينادي=يطرح اراءه جهار بمنتهى الحرية
فلسفه تجعل رموز الكفر والإلحادي=يدركون ان الطبيعه ما اوجدت هاذية
ارّخت للزين بالهجري وبالميلادي=وهي مقاييس الجمال لموضة الألفية
كل عنصر حسن ثبت في طرفها اوتادي=واصبحت معرض صور وفنون تشكيلية
البها والحسن ذا رايح وهاذا غادي=ولو يزيد شوي صارت ظاهره كونية
تشغل العالم ويخشاها البسيط العادي=جا قمر وانضم للمجموعه الشمسية
حسنها خارج عن المألوف والمعتادي=من عجايب معطيات الطفره الجينية
استحلت كل تفكيري ونبض فوادي=وصرت فيض احساس كلّه نزعه انسانية
وكتبتني شعر بالكوفي وبالبغدادي=واخرجتني من قيود الوزن والقافية
لخبطت دفتر حساباتي جُمَل وافرادي=وضع تبلش به نُظم وزارة المالية
خانة الألآف جت في خانةالآحادي=وانفتح للمنتقد عليّ شارع مية
عقلي وتاريخي الناصع وغرّ امجادي=كلها في حِلّ لو انّي صبرت شوية
حين قالت شي خدمه قلت ملح وزادي=قالت افصح قلت اقول العرضه النجدية
ضعت مدري وين مصداري ولا ميرادي=وكانت اول مرحله فـ الصدمه النفسية
اتّزاني راح في وادي وانا في وادي= بيني وبينه على الأرجح سنه ضوئية
ولجّ في صدري دفوف ومهرجان اعيادي=واعتراني شي مثل الدبكه السورية
ثم دخلت بمرحلة عزله وسجن افرادي=وقبلها ما للشعور حدود جغرافية
شيٍ اربكني وفي طيّه بذور اسعادي=لو تطور كان سبب ضجّه اعلامية
اوقفه قبل يتمادى صوت احد حسادي=قال صح النوم وانس احلامك الوردية
قوم عش واقعك يا سيّد عليك منادي=قلت ما ابغى اشوف احد فـ الفتره الحالية
هي كذا والاّ كذا ما عندي استعدادي=حلم والاّ علم والاّ افكار رومانسية
يأخي مالك ومالي لو يطول رقادي= لاني بسارق ولا انت بجهه أمنية
روح شف لك شغل غيري تو ليلك بادي=وخابرك مفتون بالبرامج الشعبية
اترك التوجيه لـ اهل الوعظ والإرشادي=صوتك أكبر منكرات العطله الصيفية
ثرت واستولى الغضب على زمام قيادي=وصرت من غيظي بحاله نصف هستيرية
ما لها غير الوضو والذكر والأورادي=واسألوا من جرب الطريقه الشرعية
وبعد ما زال الغضب واخذت وضع حيادي=رحت اقلب في سجل السيره الذاتية
اربط احلامي بتاريخي واقيس ابعادي=وصار هاذا البحث شيخ ابحاثي العلمية
اكتشفت ان المُحب المغرم استبدادي=وان لذات الهوى فـ النقله النوعية
واكتشفت إن المحبه وضع لا ارادي=لو بغيت اقاومه ما عندي امكانية
سيل وادي دق به وادي وسال بوادي=اغرق الديره وشلّ البنيه التحتية
شيٍ اكبر من عمل محطة الأرصادي= لو رصد غير نظام النشره الجويه
[/poet]ولكم مني خالص الود
أخوكم
تركي الغنامي ( صايد الفوايد )
[/align]
تعليق