ويشره من بغى يشره

بسم الله الرحمن الرحيم
وهذه (يشره من بغى يشره) أمنيتي أن تحوز على رضاكم
[poet font="Simplified Arabic,4,crimson,normal,normal" bkcolor="transparent" bkimage="" border="none,4,darkred" type=0 line=200% align=center use=ex length=0 char="" num="0,black" filter=""]
ذكرت الله وبسم الله نويت اكتب بعض لبيات = أبين للعرب وضعي معك ياباهي النظره
أنا لي صاحب(ن) بعده نسيت الهم والآهات = رزقني به كريم(ن) سيل الوادي من القطره
شكرت الله على فضله ولا بزعل ولو ماجات = لأن الله إذا أعطى واذا ما اعطى وجب شكره
حرم قلبي من اهمومه وعيني كفت العبرات = وطاب الليل بعد الويل وزانت قربها السهره
حور عينه يذكرني بحور العين في الجنات = وعلى بعضي يروعني ليامنه زوى خصره
حبيبي وافي الحكمه بهمسه يقهر الزينات =- بنات الناس بسبابه تنام الليل منقهره
سؤال(ن) يطرحه قلبي وحط النفس في حيرات = حبيبي محتكر للزين والا الزين محتكره
بن آدم باقي بطبعه مرامه يوصل الغايات = وغاياتي وصلتلها معك ياطيب العشره
ترى لو يطلب عيوني ويطلب خافقي بالذات = لقول ابشر ويستاهل ، ولو يبغى العمر : بصره
إذا شفته علي اقبل تذوبني حلا النظرات = أنا المجنون في حبه ، ويشره من بغى يشره
[/poet] عبدالرحمن المعاوي

maawi5@hotmail.com

عبدالرحمن المعاوي .....


شكرت الله على فضله ولا بزعل ولو ماجـات لأن الله إذا أعطى واذا ما اعطى وجب شكـره


صدقت والله

بيت حكمه ... من قصيده اكثر واكثر من رائعه

بالفعل قصيده تستحق الاشاده
وشاعرها متمكن

تقبل تحياتي ..ومتابعتي لك

شكرت الله على فضله ولا بزعل ولو ماجـات لأن الله إذا أعطى واذا ما اعطى وجب شكـره

عبدالرحمن المعاوي

البيت هذا غير

صح السانك على القصيده كلهااااا

وتقبل فائق الاحترام

سؤال(ن) يطرحه قلبي وحط النفس في حيرات
حبيبي محتكـر للزيـن والا الزيـن محتكـره




الله الله ياعبدالرحمن




رائع الى ابعد الحدود




صح لسانك ولا هنت والقادم احلى

إذا شفته علي اقبل تذوبنـي حـلا النظـرات أنا المجنون في حبه ، ويشره من بغى يشـره

الله الله الله الله عليك ياعبد الرحمن

صح الله لسانك يامبدع

قصيده اكثر من رائعه من شاعر اروووع


لاهنت
بيض الله وجهك


تقبل تحياتي
اخووووك
نادر العرجاني