المشاركه ( 3 )

[ هذه القصيده تابعه لسابقتها ولكن بقافيه أخرى وهي حول غدر الصديق لمن تابع القصيده في مشاركتي الثانيه:

[poet font="Simplified Arabic,4,black,normal,normal" bkcolor="transparent" bkimage="backgrounds/6.gif" border="none,4,gray" type=0 line=200% align=center use=ex length=0 char="" num="0,black" filter=""]
طول عمري ما كرهتك وانت عارف وش غلاك=
كنت لي مثل (السيامي) لو قدرت آمثلك
كنت بعيوني معاني للإخوه من صباك =
كنت فيها ياحلاك وكنت فيها مااجملك
كم كرهت الناس لجلك كم كرهني ذا وذاك=
والسبب واضح لأني أوصفك كنك ملك
وكل ما اذكر كيف اعز اللي يعزك واشتراك=
وافتخر بك عند ناس تعرفك أوتجهلك
وكل ما اذكر كيف اداري سمعتك عند اقرباك=
وكيف ازيدك مدح لو غيري مدحك وجاملك
وكل ما اذكر فرحتي لاجا بعد غيبه لقاك=
كنت احسب اللي بصدرك مثلما بالصدر لك
واثرها دنيا غريبه، ليه ياخي وش بلاك؟ =
تطعن اللي قد تخير صحبتك بدة هلك
غررت بك مادريت انه بيوصلني خطاك! =
ما اشين الطعنه من اللي ماتظنه يقتلك
الخطا جاني وكنك تنقله بيدك معاك=
وقتها ما شفت دهشة ناظر قد دللك!
مابقالك عندي الا كلمة تملا سماك=
كلمة من سبعة احرف توصفك :ماأنذلك.
[/poet]
عبدالرحمن المعاوي maawi5@hotmail.com

الأخ العزيز : عبدالرحمن المعاوى


صح الله لسانك ,,,, ولاهنت


وتشرفت أخي الكريم بالمرور عليها



وعسى الله يوفقك ,,, ووفقك من يسمع





تحياتي

الاخ عبدالرحمن المعاوي



صح لسانك وسلمت يمناك


قصيده ذات موضوع قوي ومشكله اجتماعيه نجدها تحدث كثيرا في مجتمعاتنا بشكل غريب


تقبل تحياتي وتقديري

الاستاذ الشاعر




عبدالرحمن المعاوي








صح لسانك وسلم بنانك00







قصيده جميله ، لاهنت









تحياتي

الاخ العزيز/ عبدالرحمن المعاوي


صح لسانك مبدع ووافي


جزله من راس جزل


بيض الله وجهك



تقبل تحياتي


فهد بن دلباح