(الجــــــمــــس)

[poet font="Simplified Arabic,4,red,bold,normal" bkcolor="transparent" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=""]
راكب اللي لشتغل هز شكمانه=جمس حمر لنتل تعجبك تلاته
لامرجيش يقوم الجيش باركانه=كلا مشكك في مسيره ونياته
مبرقع بتقول ذا فرخ شيهانه=ومرهم تسعين ومجدد طرمباته
مكينته شد البلد ماحد صانه=اليا استوى خطه بعيد بشطاته
سبير مابين الستت خلف كردانه=وسبير فوق متين فيه تياته
كن الرفارف ترقص فيه طربانه=متناغم صوتها مع صوت رزاته
كن الكويل يناجي السلف باحزانه=وكن البلوف توقع فيه (شواته)
وكن المرواح تشتكي فوق صيجانه=والليل لسود ينكس له ثرياته
والتروس تغنى ميجنافي لدن دانه=كنها تعزف جروح قلبي ولجاته
يسري مع الليل قبل والفجر واذانه=هبود ليل يخلف السمار غراته
حنين الرعود وصادق البرق بامزانه=وصوت البرد تسمع على الكبوت زخاته
تحت الكشن رشاش من الشباب مخزانه=من وارد الروس تخلع صوت طخاته
وقت الرحيل وسايقه صك بيبانه=والجمس معطي للمدينه مقفاته
مفلل يطفح من البنزين خزانه=يطوي الطريق ولاتهمه محطاته
بدر الغريب بتالي الليل فنانه=مر الغريب ومر ميحد بشلاته
وياحي بن دوغان لاجر دندانه=وصوت يجاوب لبن حرسون وناته
أمن الطرق من سرعه فيه عجزانه=كن العريف يقول (ويل ام)فزاته
راعيه في الصندوق دافوره وميعانه=الهيل كرتونه جديد بحباته
تالي الطريق وروس الاجواد خرمانه=حدر طريق ماتهمه مطباته
يشرب من البن اليماني برسلانه=والنجر تسمع في حجا البر دناته
يسوقه اللي ينثني دون صدقانه=لمابدا اللازم كما الصقر هداته
من نسل عود يرحم الله شيبانه=قرم كريم الكف ياطيب مداته
طبع الشجاعه جابها ورث جدانه=يوم الزمن يخلف مسيره بصكاته
خويه عيونه لاادبر الليل سهرانه=خوي درب ومسنده في مهماته
معصب راسه وعذب الشعر بلسانه=كم هوشه يبلغك عنها تفلاته
الجمس مطيور واللي فيه بطرانه=حرابهم من عبرته زاد حراته
يمسك طريق الخرج والبلجيك مليانه=يمره مرور كرام ويساوي ملفاته
ومر السليل وخوف بعض ورعانه=واهل الدداسن تقزه في تلفاته
ووادي الدواسر لاوصل دون وديانه=حي الهبوب اللي من الوديان هباته
وان عرضه للبدو كل البدو هيمانه=خط الحصينيه يحيي فيه حناته
مامر من سوبر تلفت فيه نسوانه=والورع يشر ويزهم بسم عماته
كم من هنوف على السواق شفقانه=وتشر على الجمس وتجر التنهاته
من قبل يفتح سوق نجران دكاته=ومن قبل سوق الذهب يفتح محلاته
سلم على ربع قروم وشجعانه=واصفط لي الجمس عند ركون فياته
[/poet]

ارحب يا يامي

صح لسانك بمعنى صح لسانك



حي ذا العين من ذا القصيد



أمن الطرق من سرعه فيـه عجزانـه كن العريـف يقـول (ويـل ام)فزاتـه



تقبل مودتي .. مشاري المري

اليامي


صح لسانك


وقصيده جزله من جزل


تحياتي

أمن الطرق من سرعه فيـه عجزانـه كن العريـف يقـول (ويـل ام)فزاتـه

ياسلام يا صالح

قصيدة رائعه وجزله من شاعر رائع وجزل


لاهنت ولا هان غاليك

اخوك فيصل العاصمي

ارحب ارحب يامشاري المري ،،صح بدنك وبك البقاء طال عمرك

مرورك اسعدني والله لايهينك


تحياتي،،،،،،،،،،

هلا وغلا يامطر العضياني مرحبابك

اشكرك على مرروك ،،وتقبل تحياتي،،،،،

هلا وغلا يافيصل العاصمي

اشكرك على المرور الذي اسعدني واشكرك على الكلام الطيب


تحياتي،،،،،،،،