أخوي ...

بسم الله الرحمن الرحيم
اخوي النداوي وجميع من ينتمي الى هذا الصرح الكبير :
السلام عليكم ورحمة الله وبركاته
المعذرة منكم بسبب الانقطاع ووالله انها الظروف واهديكم هذه القصيدة التي ارجوا ان تنال اعجاب من يقرئها:
ــــــــــــــــــــــــــــــــــــــــــــــــــ ـــــــــ
عجل عليه بالقلم والقراطيس**باستوثق اللي قلت من قبل لاانساه
حديت مثل اللي حدى والع العيس**من وين مايبغن دربه وماطاه
يحبها ويرخي لها غالي الكيس **وهن لالفاهن افرحن يوم لاماه
واقول ياهل العرف بعاد المراميس**يامن يعين لي بها الوقت شرواه
شروى صحيب لااختلفن المقاييس **ودارت بي الدنيا انا اجيه وانصاه
ولالجلجت بالصدر ضيق ومراويس**اشكي له العله ويعطيني دواه
ولاصار للأيام ميل وعواكيس**يازين مزباني لظله ومنخاه
القي لضيق الصدر وسعه وتنفيس**يعالج المضيوم من حر شكواه
يعزني لاجيت وان رحت بلقيس**نفس المعزه ماختلف يوم مبداه
يفداه لاش زل مع طرقة ابليس**خبل عسى البلجيك طراح لشواه
مجالس الخفرات راع الفسافيس**اليا شنا الواحد عرف كيف يشناه
ياعنك ماخذها من العجز تدريس**متفوق فيها ولااحدٍ بيبراه
فيه الصداقه كذب غش وتدليس**المصلحه عنوانها قبل تقراه
مادام له حاجة مزايح وتونيس**مثل العسل طعمه على الكبد ماحلاه
يمشي معك لو رحت لندن وباريس**تقوده الحاجه ولاشك تحداه
واليا قضى المطلوب جاك بتغطريس**وهو منول قصة الذيب والشاة
هالحين ليلي مالها حاجة بقيس**مادام رويانه تبى تحذف رشاه
قوم مانالوا من الشرف لو لواميس**ضعاف النفوس وكل خايب لمرباه
ذولا ماهم ربعي عيال الحراسيس**ذولا فدا من يفرحك عند لقياه
ماكنه الاسهيل لأخوانه يريس**ياحي نجم سهيل وياحي مبداه
باقولها وسجل ياراع القواميس**في مثل هذا اليوم شف ويش حلياه
أخوي لامن امي ولاهو من الديس**اخو عزيز وكل طيب تمناه

مشعل بن عويد الحريص

اخوي مشعل ياهلابك ومسهلا ومعذور يالسنافي..

الله لا يهينك على القصيده الجميله والبيوت المليانه..

وفي انتظار جديدك.

اخوك /حكيم الجامعه

هلا اخوى المشعل

اهلين بعودتك الينا ... والحمد لله على سلامة الوصول

وقصيدتك رائعة

صح لسانك وسلمت يمناك

المزيد المزيد فنحن في الانتظار

حياك الله يامشعل

من طول الغيبات جاب الغنايم

بسم الله الرحمن الرحيم

الله حييه .. اهلا بعودتك