يابو خالد ..بارك الله بالزياره
،،،،،،شفت لي وحده لها قلبي تهيا
كل نجمٍ لا مشي يسلك ... مساره
،،،،،،الا بنتك لا مشت تشمي ... هنيا
هي بوسط القلب دارت في مداره
،،،،،،وقدرها ماله شبيه الا ... " الثريا "
خشمها هيبه ... ومبسمها اماره
،،،،،،والشعر كاليل ... والصبح المحيا
والعيون السود " تاريخ وحضاره "
،،،،،،بعينها فزعات واصل والحميــا
طفلة ٍ ردت علي الزين اعتباره
،،،،،،وابتسم لعيون " سارونه " وحيا
لو عطت هالشمس باصبعها اشاره
،،،،،،السموم تروح ... والكل يتفيا
كل ماقلته قليل بحق " ساره "
،،،،،،حتي شعري قال : صعب اوصف ... وعيا
* ساره بنت صديقي العزيز فيحان المطيري
الصوره من مجلة اليقظه
[/align]
تعليق