نهــــــــــار العيــــــــد

[poet font="Simplified Arabic,4,white,normal,normal" bkcolor="transparent" bkimage="backgrounds/22.gif" border="groove,4,red" type=0 line=200% align=center use=ex length=0 char="" num="0,black" filter=""]
[الاخوه الكرام
كل عام وانتم بخير
واليكم هذه المتواضعه

كل (ن) نهار العيد عيّد بعيده "="وانا نهار العيد هليت دمعي
اهل دمع العين والدمع ازيده "="دم(ن) على دمع(ن) له الجفن ينعي
كني يتيم (ن) يمسح الدمع بيده "="ولا حد(ن) نشدني كيف لوني (و) وقعي
واصبحت صبح العيد فاقد فقيده "="ماشفت زول ابوي من بين ربعي
ماشفت زول العود بين البديده "="فديته بروحي وشوفي وسمعي
هاذي معاميله وناره وحيده "="وهاذي دلاله وسطها البن نقعي
وهذا مكانه من ليال (ن) مديده "="اقفا وخلاها مع الوقت وجعي
وياوقت ماهو حق تعلن شديده "="وياصدع راسي من غثا الوقت صدعي
العام معنا في حياة (ن) سعيده "="واليوم وسط القبر مصروع صرعي
واصبحت مثل اللي حياته وحيده "="لين اختلف لوني وشكلي وطبعي
ماله طعم عيدي وروحي زهيده "="ماله حلا دونه ولا فيه طمعي
وش فايدة عيد (ن) بليا الوليده "="وياويش مقدوري وياويش وسعي
واقبل علي الحزن يرعد رعيده "="وتفجرن انهار حزني ونبعي
ثم ولعت بالقلب نار(ن) وقيده "="تحرق لسان القلب من نار ضلعي
واصبح وزاد الهم داخل وريده "="يرقع جروح الوقت بالهم رقعي
واليا بغى يضحك يجاوب نهيده "="يبكي ألم والضحك ممنوع منعي
حتى النهار اسود يروّع سويده "="واطفى علي انوار فرحي وشمعي
ومن عقبكم يابوي حالي نكيده "="واضرب بكف الهم واعض صبعي
تايه مع دنيا (ن) تشقلب عنيده "="قامت تقلبني وانا شان وضعي
ما عاد فيها من علوم(ن) جديده "="واليا رمعت اضيع ويضيع رمعي
ولاعاد اميز والقريبه بعيده "="وماعاد افرّق بين تسعي وسبعي
وقمت اتخطب بين زيده وعيده "="واخلط بحور الضرب في بحر جمعي
ويالله عساه بجنة الخلد سيده "="في جنة الفردوس يمرح ويسعي
مع حور عين (ن) في جنان مجيده "="وانهار تجري للمطيعين تدعي
ومن رحمتك ياوالي الناس زيده "="تضفي عليه العفو بضع (ن) وبضعي
ويالله ياللي له صفات (ن) عديده "="ياجامع(ن) خلقه بيوم الحشر جمعي
يالواحد المعبود معطي عبيده "="تقبل دعاء عبد(ن) لك اليوم يدعي
وهذا ماقاله هاجسي يوم عيده "=" وهاذي علومي يوم عيدي وبدعي

وسلامتكم

جازع الخنفري
************************************


يالله يالمعبــود رب الملبيــن "="ياجامعاً خلقـه بيـوم القيامـه
ياواحد معبـود ماغيره اثنيـن "="وياباعثاً عبده ومحيي اعظامـه
ويخالق الانسان نطفه من الطيـن "="وياموجداً الشيئ حيث انعدامــه
ويامدبر الاكوان حيناً بعد حيــن "="ويامشرقاً شمسه وجالي ظلامـه
ويامقسم الارزاق بين المساكيـن "="ويوامرً سحبـه تهل الغمامــه
ويامنزل القرآن بالكـاف والعيـن "="قانـون لدنيـا وفيهـا نظامـه
رحماك للي ماذكر غير بالزين "="رحماك للي موتته في منامه
جاته ملوك الحق والناس ممسين "="والصبح حضّر له من الشاش خامه
يوم الثلوث اللي ورى يوم الاثنين "="بيدي غسلته وقلبي هشامه
الوجه منور يظهر النور ويبين "="حتى وهو ميت تشوف ابتسامه
وحطوه في قبراً متر ضرب مترين "="واقفو عنه واصبح وحيد الاقامه
وعودت للديره الى المجلس الزين "="وعزيت انا المجلس ودمعه غمامه
وبكا لي المجلس وفي صدره اونين "="ومن الحزن يلبس وشاحً وهامه
ثم قال انا فاقد صتيمة صتيمين "="اللي على صدري معلق وسامه
فقدت انا مدهل ومنصى العزيزين "="امبعد الانذال واهل الندامه
مايدهله غير الرجال الشريفين "="اهل الشرف واهل الوفا والكرامه
منصى الشيوخ اللي تجيب البراهين "="واليا حظر مشكل يفك الخصامه
فيه المراجل كاش ماتقبل الدين "="والراس قرم وفيه طبع القرامه
وراعي دلالًَ صفر للحيل سكين "="وعلى بيوت العزّ ينصب خيامه
والعود الازرق للضيوف الحشيمين "="ومن المراجل ماخذ اعلى علامـه
وبكيت انا وياه قدم المعزين "="ومن دمع عيني صار بالخد شامه
ثم قلت يامجلس عسى ربك ايعين "="الله يعينك فرقته وانحطامه
راعي علوم الطيب بالعسر واللين "="راع الوفا اللي ماتجيه الملامه
عز الرفيق وعز كل الموالين "="عزيز نفس ومن يخاويه رامه
القلب طيب ماقرب للحسودين "="ما يتبع النمات واهل النمامــه
وياحـافظ الثنتين دنيـاه والديـن "="ياللي حياته كلبـوهـا سلامـه
تشهد لـه الدنيا بكل الميـاديـن "="ويشهد له افطاره ويشهد صيامه
قد له سنين اشكل عن اربع وعشرين "="عمره وحجه شاهدً له حرامه
تلقـاه بالمسجـد وبيـن المصلين "="قبـل الاذان وقبـل وقت الاقامـه
ويشفع له القرآن برجح الموازين "="يمشي تحت ظلـه بتـاج الكرامـه
فيه النقا والصدق وسط البلادين "="تلقى النقا والصدق داخل كلامه
ويالله ياخلاق طه وياسين "="ترحم شهيد الطيب راع العمامه
ادخله يامعبود خضر البساتين "="في جنة الفردوس وارفع مقامه
وبرد عليه الطين ياوالي الطين "="وبرد عليه القبر وابرد عضامه
وافرش له المسكن بمسك ورياحين "="ونور عليه القبر وانزح ظلامه
وارسل عليه امن الملائك مسلين "="يسلى بهم حتى تقوم القيامه
وياعين هلي وافر الدمع ياعين "="وكبي لذيذ النوم عيفي منامه
راح الذي يجلب لك العز ياعين "="واليوم همي كبر ضلع التهامه
ويابوي عقبك ويش حنا مسوين "="من عقبكم والقلب زادت الآمه
من عقبكم والقلب فيه السكاكين "="وشعيل حمله مايشيله سنامه
ومن عقبكم مهموم والناس سالين "="واقول يادنيا عليك السلامه
وامشي مدينة حزن بين الملايين "="واسبح ببحر الحزن والقلب عامه
وماعاد به زينً ولا عاد به شين "="والعامره في نظرتي كالهدامه


وسلامتكم

جازع الخنفري

[/poet]

[ALIGN=CENTER]أخوي الشاعر جازع الخنفري

صح لسانك ولاهنت على هالقصيدة


تحياتي[/ALIGN]

[ALIGN=CENTER]الشاعر جازع الخنفري


عيدك مبارك وصح لسانك


تحياتي


راشد[/ALIGN]

ارحب يا جازع

كل عام وانت بصحه وسلامه


صح السانك ولاهنت


هذي اعتبرها عيديه منك للنداويه


لك تحياتي

الأخ الشاعر : جازع الخنفري


صح الله لسانك ,,,, ولاهنت علي ذا القصيده


وتشرفت أخي الكريم بالمرور عليها



وعسى الله يوفقك ,,, ووفقك من يسمع





تحياتي

سلمت يا جازع


ولا هنت


وصح الله السانك

وافيه من وافي


تقبل تحياتي

الاخ / محمد السحوب

صح بدنك ولاهنت

اشكرك على حضورك واهتمامك

ولك تحياتي

السلام عليكم ورحمة الله وبركاته


اخي الشاعر جازع الخنفري



صح الله السانك على هذه القصيده الجزله



والله لايهينك يالقرم على هذا الابداع

جازع


لا هنت


وصح الله السانك

وافيه من وافي


تقبل تحياتي

السلام عليكم ورحمة الله وبركاته

الشاعر القدير جازع الخنفري

أرحب يالقرم

وعظم الله أجركم في راحلكم

قصيدتك وافيه من وفى راعيها

وأنت معودنا على القصيد الجزل

ونرفع أيدينا مع يديك بالدعاء لله سبحانه وتعالى بأن يتغمد والدك بالجنة

وأن يلهمكم الصبر والسلوان

صح الله السانك ملايين ولايكفون

والموت سنة وحق وهذا طبع الدنيا كفان الله وأياكم من غثاويها وشرورها

( كل نفس ذائقة الموت )

اللهم أسكنه فسيح جناتك وأعفو عنه فأنك على ذلك قدير

تقبل جميل التحايا

دغش الدوسري

الغالي جازع الخنفري





الله يطول بعمرك



ويرحم ابيك اللي جابك برحمته الواااسعه




جعل البقا في رااسك وراس اخوانك



وصح الله السانك



ماتوفي ذالقصايد الحميميه حقها



ودعتك الله

الغالي






الاستاذ الشاعر






جازع الخنفري








كل عام وانت بخير









صح لسانك وسلم بنانك يالغالي








قصيده جميله ، لاهنت








عاطر التحايا

[ALIGN=CENTER]جازع الخنفري




صح السانك يا جازع .. وبيـض الله وجهـك على هالـجـزله يالجـزل

قصيده وافـيـه من شاعر رائع .. .. ولا هنت يالقـرم

تـحياتــــى لـــك

البندر[/ALIGN]

الاخ جازع الخنفري

صح الساااانك على هذه الرائعه والتي اخذت مأخذ الحزن في قلوبنا

الله لايهينك


لك مني اجمل التحايا

جازع الخنفري

صح السانك

والله يرحم ابوك ويرحم اموات المسلمين


تقبل فائق الاحترام