بعض الهواجيس

السلام عليكم ورحمة الله وبركاته
كل عام وانت بخير
واسمحولي على القصور والغياب الطويل الاارادي , واتمنى ان تحوز مشاركتي على رضاكم وتشفع هذا الغياب الطويل

[poet font="Andalus,5,white,normal,normal" bkcolor="transparent" bkimage="backgrounds/21.gif" border="inset,4,limegreen" type=0 line=200% align=center use=ex length=0 char="" num="0,black" filter=""]

بعض الهواجيس تشرح صدر راعيها = خصٍ لاهوجست لك في واحدٍ غالي

تقلّب الذاكره وتعيش ماضيها = وتعيش دنياك مع طيف الفكر سالي

وبعض الهواجيس ودّك بس تخفيها = ترتاح طول العمر من همها خالي

لكن علّة فؤادي كيف اداويها = لاصار فكري مع هذا برى حالي

عزّمت في يوم في بالي ماطريّها = والمشكله شفت صورتها بفنجالي

وشلون ابنسى وانا بحيان احاكيها = اشوفها قدم عيني كنها قبالي

ويوم انتبهت اثرني مغير اطريّها = واني الحالي اهوجس قاعد لحالي

الفكر والقلب صاروا من عوانيها = لاصار قلبك خصيمك كيف تحتالي

الفكر كنه يناديها يناديها = والقلب كنه هتف بالاسم عزالي

وانا اعتقدت الفكر والقلب ناسيها = ومن يوم حاولت ابنسى الفكر شغالي

لوكان هي طالبه فرقاي مارجيها = مايتبع اللي هجرة وراح رجالي

ماتطمن الروس دام الله معلّيها = محني جبيني ياغير لربي الوالي

لكن هذي سواةٍ للقدر فيها = وهذا قدرنا لو ان ان الزمن طالي

معتب عليها ولا فكرت اخطيّها = اعتب على الخوف صار ابعض الابطالي

والمسأله لوبغيناها انعريها = لكن مع البدو ماني ناقض احبالي

احشم بيوت الشعر بأسمه ماغنيها = وكلٍ على مايقال يروح في فالي

واليله اللي تذكرني مساريها = مدري لمحت القمر ولا يورالي

قلت الحفه غترتي والنور كاسيها = وداعب سهيل واهدي النجمه عقالي

وحضّر بيوت شعري مع قوافيها = واضرب دروبٍ صعابٍ سدّها عالي

واضيّع السالفه واخفي معانيها = والحّف البيت الاول بيته التالي

ولو قالوا الناس جبنالك حراويها = شلعت انا الشجره اللي غصنها مالي

وان حيّرن العقول وتاه مقديها = المعطي الله عظيم الشان مايبالي

حتى العجيري فلوكه لو يسميها = يقول انا الله واعلم هذي اقوالي

والناس نيّاتها تخلف مواطيها = امّانقض اوتسرّع نقض الامثالي


عبدالرحمن البراك (ابومشعان)
[/poet]

اخوي عبد الرحمن البراك


صح لسانك


قصيده رائعه


الفكر والقلب صـاروا مـن عوانيهـا لاصار قلبك خصيمك كيـف تحتالـي


ياسلام

وان حيّـرن العقـول وتـاه مقديهـا &&& المعطـي الله عظيـم الشـان مايبالـي



الأخ الشاعر : عبدالرحمن البراك


صح الله لسانك ,,,, ولاهنت علي ذا القصيده


وتشرفت أخي الكريم بالمرور عليها



وعسى الله يوفقك ,,, ووفقك من يسمع





تحياتي

صح ابدنك

اخوي محمد ولا هنت


اشكرك على الاطلاع ويشرفني مرورك

الاخ الشاعر

عبد الرحمن البراك

صح لسانك على هذه الرائعه

ولاهنت

لك التحيه

خالد المجازف

الاخ عبد الرحمن البراك


صح لسانك على هالقصيده الجزله

ودمت وسلمت يالغالي


اقبل التحيه من اخوك لو انك والله اتعبتني

قعدت البس النظاره وانزلها من كتابة القصيده بخط اندلسي

قرأته متعبه


لك الف تحيه وسلام

اخي عبد الرحمن


صح الله السانك

على هالقصيده

وتقبل تحياتي

الاخ عبد الرحمن


صح الساااااااانك الف


قصيده وافيه من وافي


تحياتي

الاخ العزيز/ عبدالرحمن البراك


صح لسانك مبدع ووافي


جزله من راس جزل


بيض الله وجهك



تقبل تحياتي


فهد بن دلباح

الاخ العزيز والشاعر الفذ

كل عام وانت بصحه وسلامه

وصحيح من طول الغيبات جاب الغنايم


صح السانك ولاهنت


قصيده رائعه من رائع

لك تحياتي

كل عام وانت بخير وصحه يامرحبا شرفت ولاكلفت طال عمرك

ماجيت بقصور وبيض الله وجهك لكن لاتبخل علينامن جديدك صح الساانك لاهنت




ولاعاد تعودهاا


استلم واسلم وسلم


راشد النصافي

صح ابدنك اخوي طلال


ويسعدني مرورك


لا هنت

السلام عليكم ورحمة الله وبركاته



اخي الشاعر عبدالرحمن البراك



صح الله السانك على هذه القصيده الرائعه والجزله




والله لايهينك ووفقك الله لما يحبه ويرضاه

ياهلا يابو مشعان




لاهنت على هذه القصيده الجزله



لن لو ان فكيتني من الخط الاندلسي كان مسوي فيني خير



على العمووووم الله يحيييك ياعبدالرحمن


وصح الله السانك


ولاهنت



اخوك

يامرحبا يا خالد صح ابد نك

ولا هنت اسعدني حضورك وتواجدك