شف قمة الوصف القديم

[زايد القلادي]

الشاعر /عبد المحسن بن حمود الهذيلي
والحقيقة انها اعجبتني قصيدتة لانها تحمل وصف جميل ورائع ارجوا انها تنال استحسانكم وتراة شاعر قديم من الشيبان ياحبي لهم ولقصيدهم

ياعلي واقلبي بة الغش غاشى
...... عد أزرق الديبان للقلب ناش
من واحد حرق ضميري وجاشى
...... عده على جمر الغضا يوحش أوحاشي
وش عاد لو جابوا طبيب البواشي
...... لوهو ظريف لي مداواه من لاش
ياعلى كان صويحبك لك يماشي
...... خلي ليا شافن مع الناس ينحاش
الردف شط محيل دون حاشي
...... والوسط هافي غير الانهاد ماهناش
والراس لياحد المزابير ناشي
...... ذيل أشقر يوم الملابيس تهتاش
والخشم سله هندي مع نواشي
...... لاطق بالطابور من ناش ماعاش
ماينفع الوجعان كثر المعاشي
....... ولاينفعن ياصويحبي قولة ماش
مار أسقني من لاسقاه الغشاشي
....... غر سقاهن ملح ضارى لهن ناش
ابو ثمان مثل وضح نشاشي
....... أو قحويان ماتلاه حشاش

وصح السان شاعرنا

وعساها تعجب الربع

[تم تعديل الموضوع من قبل القلادي بتاريخ 02-20-2001 الساعة 10:38 PM]

تسلم يالقلادي

كلك ذوق في اختياراتك

وصف الشاعر عجيب




خوي المطاليق

[زايد القلادي]

الله يسلمك ياخوي المطاليق

تسلم والله ياخوي المطاليق
وابشرو بقصايد جديدة وقديمة لاول مرة تعرض
في الايام القادمة

[مهاجر]

شكرا أخ القلادي
أبيات جميلة مليئة بالصور البلاغية وتتضمن وصفا رائعامستوحى من البيئة البدوية الجميلة .
تقبل تحياتي .
مهاجر؛؛؛؛

تحيه وتقدير ابو فواز.......؟

اخوي ابو فواز ( حامل المسك ).
اقول ما يجي من حامل المسك الا كل طيب اما ريحة طيبه والا شريت منه طيب.
وهذا انت يابو فواز علومك كلها غانمه الله لا يخلينا منك ولا من سوالفك اللي تسر الخاطر.


اخوك الصغير / حكيم الجامعه

[زايد القلادي]

الله يسلم الجميع

الحقيقة اني اسف على التاخير
----------------------------
مهاجر
-------------
الله يسلمك ياطويل العمر على ذوقك الراقي والحقيقة كلماتك تدل على انك من الشعراء المتذوقين للشعر الشعر تبقى وتدوم يالغالي

حكيم الجامعة
---------
مشكلتي مقدر على مجارات كلماتك ياخي انت تاسرني بكلماتك الطيبة الله يديم الاخوة
على فكرة !
ياحكيم وشن نقول لك الا ان كلماتك هي البلسم الشافي والله اني اقراء ردك في القلب قبل الكمبيوتر القلوب شواهد وبعدين انت فيك سحر بكلامك وطيبك
الله ياحكيم الجامعة وسلم على العيال