عندما يفقد الفارس فرسة

[زايد القلادي]

هذة القصة جرت للشيخ الفارس محمد بن بداي من القلادان
وقد انشد بفرسة عندما اصابها مرض وماتت هذة الابيات

يالله يامخضر نبات لنواوير
...... من نوعجلات المزون الرواحي
تفرج لقلبا فية كثر التفاكير
...... ياعل من بعد الهموم انشراحي
ياعمر شب النار جونا مسايير
...... الله يامرنا لدرب الفلاحي
البدو شالو منتوين المحادير
...... وانا هوى بالي قعد بالمراحي
راحت عشاء لمعكفات الدناقير
....... امسى عليها الطير يثني الجناحي
وسابقي يابو ثمانن مغاتير
....... ان طالوا شذانهن مع بياحي
يازين شعت ذيلها مع مصادير
....... شهلول مزنن دونه البرق لاحي
ان اقبلت خيلا وخيلا مدابير
...... وصار المضارب بينا بالرماحي
ياما عدلنا فوقها من طوابير
....... وياما كسبنا كل وضحا شناحي
من فضل رب العرش وال المقادير
...... نبهج كبود القاصرين الشحاحي

وسلامتكم يالربع وعساة تنال اعجابكم

[محتار]

وأنت سالم وغانم

بيض الله وجهك على هذي القصة والأبيات

تحياتي لك

هلالا بالاخ القلادي



الا نالت اعجابنا وزود ,,, الطيب ما يجيب الا الطيب

الله لا يهينك , ولا تحرمنا من المزيد

تقبل تحيات اخوك // الساهر

والله وستين نعم بك وبه ... والله لايهينك علي القصيده الطيبه
يابو فواز ....وهذا حسب الامل فيك بالعلوم الطيبه لانك تحري بها
اسلم وسلم ..... ياذيبان

أخوك / بحـــــــــر

[زايد القلادي]

اشكر الجميع

محتار
------
انت تستاهل الخير يالغالي وشكرا على الوردة وشبت الضو ماهي بغريبة عليك الله يديمك
تقبل تحيات القلادي

الســــاهر
-----------
الله يسلملي هالكلمات الطيبة اللي ماتصدر الا من طيب والحقيقة انا سعيد كثيرا بانها نالت على استحسانكم والله يديمك
تقبل تحيات القلادي

بحــــــــر
-------------
ماعليك زود والله ان ربي مادحك بلياء بعلومك الطيبة وخصالك الحميدة الله يردك لنا بسلامة وتقر عيونا بشوفتك ساحرني واسرني طيبك وهاذي ابرك الساعات اللي نالت القصيدة اعجابك
تقبل تحياتي
القلادي

[مهاجر]

عساك سالم وغانم
أبيات جميله من ذوق جميل
لا عدمناك .
تحياتي .
(((((((((مهاجر)))))))))

ونعم والله فيك وفيه والله يرحم الميت من ربعكم ويعز الباقي منهم والله يعطيك العافيه علي هالسالفه الحلوه والطيبه وياليت لو تسمعنا غيرها ,,,,,, ومشكور

اخوك الهلالي
والسلام ختام

بسم الله الرحمن الرحيم

جميله هالقصه وحزينه القصيده