دنيا دنيه!!!؟؟؟؟؟؟

[ALIGN=CENTER]مساكم الله بالخير جميع...

هذه قصيده..أهديها لكم..وياليت أنها تحوز على رضاكم..

صلوا على النبي..[/ALIGN]
[poet font="Tahoma,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ضاقـت الـدنـيا وضـاقت من بـلاويـها عـليٌه=
والعـقـل ضيع صـوابه والقـمـر ضيـع جـمالـه
والـدروب الـواسعة ضاقـت وهي دايم خـليٌه=
وصرت أحـس بضيقةٍ تطغى على قـلبي وباله
والـبشر بيـن الــنذالـه والخيـانـة والـخـطيـٌه=
عـاشـوا بـدنـيا الـخطـايا لين ما صاروا حـثالـه
الكـريـم اللي يـميـنه لـلـيـتــامـى هـي ســخـيٌه =
صار يـبخل لين ربك ما أنتقص جاهـه ومالـه
والـشجاع اللي تعود يـمتطي ظهـرالمـطيـٌه=
صارخايف..صار هايب.. يهاب حتى من ظلاله
والـفـقـيـر اللي بـعـيـنـه دايـم الدمـعـه نـديـٌه=
مـا لـقـى منـهــو يــوده لا ولا أحـدٍ رثــى لـه
والخوي ما عاد ينـشد في المصايب عن خويٌه=
ويصد عن دربه ويبعد لوحصل يوم وشكى لـه
والقـنوع الراضي الصابـر أبو نفـس ٍ رضيـٌه=
صـار يسـخـط فـي حـياتـه ويـلعن الدنـيـا وحـالـه
والـرجل راعـي الفـعايـل والـعلوم الأجـوديـٌه=
ضـيع الـجود بحـياتـه وصـار عـايـش فـي نـذالـه
والـشـبـاب اللـي وراهـم أمـتي ترجـي رجـيـٌه=
مـا الـرجـولـه فيـهــم إلا غــتـرةٍ تـركـي عـقـالــه
والـبـنات مـن الـتطور أصـبحن صورة غبيـٌه=
صورةٍ تـمـحـي وتـلـغــي كــل عــادات الأصالــه
ليـت يـا دنــيــا نـعيــشـك بــالـحـياة الـمبـدئـيـٌه=
لا مــواتـر..لا هــواتف..لا أســالـيـب الـعــيـالــه
بيض الله وجـه أبـوي اللي عـطا عـمري هـديٌه=
وبيض الله وجه رجـل ٍ صـرت أنـا أكـبـر عيـالــه
قــال يـا هــزاع يـا ولـدي ويـا أغـلــى عـطـيٌه=
وقـال كلــمه فـي وســط قـلـبي لـها أكــبــر دلالــه
قـال أنا بقـول كلمه لك وهــي مـثـل الــوصيٌـه=
كلـمـةٍ تبـقـى دلـيلـك في فـضـا الـكون وجـبـالـه
أفـعـل الـخيـر بـحيــاتـك ولا تـــدور للـجــزيــٌه=
ولا تـكـون الـعـاطـي الـلي يعـطي ويـكـثـر جدالــه
لا تــكــون القاسـي اللي ينـكسـر عـوده بـكــيٌه=
ولا تــكون الـلين اللـي يـهــزم بــهــون وسـهـالـه
أفـعل اللـي يـرضـي اللـه والـذي يـرضـي نبـيـٌه=
تـعـيش في دنـيـاك سـالم مـن غـبا الـنذل وخــبـاله
والـصديـق اللـي تشـوفـه يـمتـلك نفـس ٍ غـنــيـٌه=
خـلـك بجـنـبه وفـي ٍ لـو حصـل شيء وجـرا لــه
قـال أبـى رجــل ٍ تــحـلى بـالصـفـات الـهـاشـمـيـٌه=
يـبــهـر الـناس بـحضــوره وبـحـلا طـيـبة مـقـالـه
قـلـت لـه أبـشـر بـرجـل ٍ صـاحــب عــزوم ٍ قـويـٌه=
من يـميـن الـجـسـم حـطـه ولا حـتـى مـن شــمـالـه
أوعــدك لأكـون ظهــرك فـي وسـط دنــيـا شـقــيـٌه=
وأسـنـدك وأحـمي شـموخك وأدفـع بعـمري فـدالــه
أعـتـبـرنـي خـادم ٍ لــك وأعــتــبـر نـفـسـي رعــيـٌه=
ولـو بغـيـت تحـط رجـلـك يـسـتوي راسـي نـعـالـه (عزكم الله جميع)
هــو عــطـانـي لـلــرجــولـه مـن عـلـوم ٍ أبـجـديـــٌه=
وأكـتـسب عـقـلي و شـوفـي مـن عــطاياه وحـلالـه
يـا عــسـاه يـعـيـش فــي دنــيــاه ســالــم م الأذيـــٌه=
ويـظـل سالم في حـياته مـن قـضى الـشـر وحـبـالـه
مـن بـعد نصـحـه وأنــا عيـنـي غدت عـيـن ٍ جـريـٌه=
مــا تــوطــي رمـــشــهــا إلا إذا صـارت قـــبــالــه
صـرت أحـس الـكون كـلـه واقـفٍ فـي وسط ايـديـٌه=
لا رضـى عـنـي ودعــا ربـي يـوفـقـنـي ودعــالــه
وأن هــالأرض الــوســيــعـه وبـهـبـايـبـها الـعـتـيـٌه=
مــاتــسـاوي يــوم واحــد بـجــنـة اللـه وجــلالــه
والــحـيـاة أدنـــى وأدنــى مــن دنــا أدنـــى دنـــيـــٌه=
دانـيـه تــبـقـى دنـيـه لـو عـطـت قـلـبي مــنـالــه
والــسفــيـه الــفـاجـــر الـلي غــايــته غــايــه رديــٌه=
مـا أبـي شــوفـه ولاني راضـي ٍ حــتى وصـالــه
ما كـتب هـذهِ الـــقــصـيـدة شـاعـــر ٍ ذو ســوء نـيٌـه=
مـثـل ما بعـض القصايد قصدها قـصد الجهـالــه
صـغـتهـا عـلـيٌ أعــالـج فـي معـانيـها قـضيـٌه=
مشـكـلة منـهـا قـمرنــا أنـطـفـى وأطـفـى هـلالــه
لــيــه ننـسى أنــنـا أفـضـل ديــانـه فـي الـبريـٌه=
ولــيـه ننـسـى أنــنـا بـيـن الـمـلا أعــرق سـلالــه
الرجولـه مـاتـت وســارت عـلى درب المـنيـٌه=
والــرجـل صـرنـا نـعــزه مـن دراهــمـه وريـالــه
والـفـجـور الــفـاحـش اللي يـلحق السيه بسيـٌه=
فـعـل غــارق بـالخــطيـه مِـنَـهـا راســي نــدالــه
والـبـشر فيــهــم تـخـالف.. بـين ذاك وبين ذيـٌه=
ناس ٍ قــروم ٍ وناس ٍ عـا يـشـه وسـط الـسفـالـه
كـم رجـل فــيـنا تــوفـى وأبــتقـت روحـه سميٌـه=
والـرجل يــفنى وتـبقـى مـن بـعـد مـوتـه فـعالــه
لا وفــا لا بـه كـرامــه... لا ولا حــتـى حــمـــيــه=
لا ولا بـه مـن رجـال ٍ تـفـعــل الـجـود بـبـسالـه
للأســف صــرنـا نـسـافــر فـي زمان الجاهلـيـٌه=
للأسـف يا نـاس والـله...للأسـف صرنـا حــثـالــه


[/poet]


[ALIGN=CENTER]
وسلامتكم...وياليت أنها تكون عند حسن الظن...[/ALIGN]

ياسلام يا سلام عليك يا هزاع


صح السانك ولاهنت


قصيده رائعه من رائع


ليش ماتحوز على اعجابنا وانت شاعرها


شكرا لك على امتاعنا بهذي الفاتنه


لك تحياتي

هزاع عبدالله



صــح لســـانك ياهـــزاع


قصـــيدة اكــــثر من رائعــــة



تقبل خالص تحياتي

الاخ هزاع بن عبدالله


بيض الله وجهك ووجه شايبك ومن يسمع ومن يقرا


عزالله انها قصيده وافيه شافيه كافيه


نالت اعجابي بشكل كبييييير جدا



تقبل تحياتي وتقديري

الاخ هزاع

صح لسانك
نصيحه غاليه
بيض الله وجهك ووجه من جابك

ما اقوا اكثر سبقني حكيم الجامعه

قال اللي ودي اقوله

لك التحيه

ارحب يا محلفي


وش تبغاني اقول الا الله يجعل شيبانك فى الجنه




وانا ياهزاع قد عرفت انك منتب بسيط وانشد جدووووووووو






موفق

الاخ الشاعر / هزاع


قصيده رائعة ووافيه



استوقفتني كثير




تقبل تحياتي

السلام عليكم ورحمة الله وبركاته


صح الله السانك على هذه القصيده الجزله

[ALIGN=CENTER]الشاعر هزاع بن عبدالله


صح لسانك قصيده جزله


تقبل تحياتي


راشد[/ALIGN]

[ALIGN=CENTER][/ALIGN]

الشاعر هزاع عبدالله,


قراءة أوليه للنص

ماشاء الله عليك
ولكن يحتاج اكثر من وقفه واكثر من قراءه

لي عوده انشاء الله

وصح الله لسانك ايها الرائع



أخوك,

الله الله عليك ياهزاع

صح لسانك اخوي وبيض الله وجهك

قصيده جزله وافيه

لاهنت اخوي وكل عام وانت بخير

الله الله الله الله
الشاعر هزاع بن عبدالله
قصيده جزله ومعبره من شاعر يستحق الاشاده والتصفيق
صح السانك ولاهنت
وتقبل تحياتي

الاخ العزيز/ هزاع بن عبدالله


صح لسانك مبدع ووافي


جزله من راس جزل


بيض الله وجهك



تقبل تحياتي


فهد بن دلباح

الاخ هزاع عبدالله



صح السااااااانك

جزله من راس جزل

تقبل اجمل التحايا