Tweet
اعتقد انكم تعرفون منهو ماجد الحثربي اللذي يرجع نسبه
واصله الي قبيلة شمر ,, المهم انه في وقت من الاوقات
نزح الي ابن عريعر واقام عنده فتره من الوقت لكرم ابن عريعر
وحسن ضيافته لماجد الحثربي ,, وماجد انسان محبوب ومرغوب
عند الامراء لما يتمتع به من صفات طيبه فهو انسان خلوق وفارس
وشاعر المراد انه سنافي ,, فليله من الليالي كان عنده
ابن عريعر يسولف ويتعلل معاه قال له ابن عريعر ,, ياماجد
انت سنافي وطيب واصيل والله مرهي عليك .. ليه ؟ ماتعرس وتاخذ
لك مره ,, والا مالقيت المره اللي تجوز لك لهالحين ..
رد ماجد علي الامير بهالابيات
امس الضحى والناس يسعون بالكيل ×× هذاك بياع وهذاك شاري
والله لولا خوفتي بالدهر ميل ×× لاصيح باعلى الصوت وانخا مشاري
اصيح انا لوكان مافي يدي حيل ×× يقول لي يالحثربي ويش جاري
انا بلاي مدعج العين بالميل ×× اللي يدلك بالزباد الخزاري
عيون طفقات هدبهن مضاليل ×× كنه عيون مصخرات الحباري
له قذلة سودا كما داجي الليل ×× من مقدم القذله عليها مواري
وعقب ماقال هالابيات قاله ابن عريعر ابشر بها ياماجد
ان كانت من دون زوج .. بس انت تعرفها ؟ رد عليه ماجد قال
لاء بس اوصافها كذا وكذا ومعها مملوكه احد اصابع كف
المملوكه مقطوع .. ويوم خلص من توصيفها الا وجه الامير
يوم تغير وبدا عليه الزعل والغضب ; في هاللحظه همس أحد
الجالسين بهالكلام (( طيركم طلع علي دجاج اهله )) عرف ماجد
ان المراه اللي وصفها من حريم ابن عريعر ... وكبرت عليه
المصيبه قام يتعذر ويتمتم بالكلام والمعاذير للامير ::
وقال هالقصيده يتعذر بها من الحرج اللي طاح فيه وهي كالتالي
ياشيخ يامروي شبا كل عباس ×× لا حل ضرب مذلقات الحرابي
يالعي يابن العي ياقاسي الباس ×× اسمح لمسكين تبلش وتابي
شواربه مادنقن يم الادناس ×× لا بأول الشيبه ولا بالشبابي
لادنقن لاتقل يشربن من كاس ×× ولا عرضن كنه جناح العقابي
ياشيخ هذي كلمة مابها باس ×× بأمر منك ياشوق جالي العذابي
ارخص لنا ياشيخ من فوق عرماس ×× عقب الزميعي تعقبه ب******ي
مع سهلة لاروحت ترمس امراس ×× خد خلا طافح مطرها سرابي
وعقب هالابيات قاله الامير الله عطاك المهربات الثلاث وعقبهن
يصير اللي يصير ,, الحثربي عقب هالسالفه طوى بيته ولاطلع
النور الا وهو شديد راحل من ابن عريعر متجه لديار شمر ..
وسلامتكم وارجو اني مااكون طولتها عليكم ......
أخوكم الهــلالـي
واصله الي قبيلة شمر ,, المهم انه في وقت من الاوقات
نزح الي ابن عريعر واقام عنده فتره من الوقت لكرم ابن عريعر
وحسن ضيافته لماجد الحثربي ,, وماجد انسان محبوب ومرغوب
عند الامراء لما يتمتع به من صفات طيبه فهو انسان خلوق وفارس
وشاعر المراد انه سنافي ,, فليله من الليالي كان عنده
ابن عريعر يسولف ويتعلل معاه قال له ابن عريعر ,, ياماجد
انت سنافي وطيب واصيل والله مرهي عليك .. ليه ؟ ماتعرس وتاخذ
لك مره ,, والا مالقيت المره اللي تجوز لك لهالحين ..
رد ماجد علي الامير بهالابيات
امس الضحى والناس يسعون بالكيل ×× هذاك بياع وهذاك شاري
والله لولا خوفتي بالدهر ميل ×× لاصيح باعلى الصوت وانخا مشاري
اصيح انا لوكان مافي يدي حيل ×× يقول لي يالحثربي ويش جاري
انا بلاي مدعج العين بالميل ×× اللي يدلك بالزباد الخزاري
عيون طفقات هدبهن مضاليل ×× كنه عيون مصخرات الحباري
له قذلة سودا كما داجي الليل ×× من مقدم القذله عليها مواري
وعقب ماقال هالابيات قاله ابن عريعر ابشر بها ياماجد
ان كانت من دون زوج .. بس انت تعرفها ؟ رد عليه ماجد قال
لاء بس اوصافها كذا وكذا ومعها مملوكه احد اصابع كف
المملوكه مقطوع .. ويوم خلص من توصيفها الا وجه الامير
يوم تغير وبدا عليه الزعل والغضب ; في هاللحظه همس أحد
الجالسين بهالكلام (( طيركم طلع علي دجاج اهله )) عرف ماجد
ان المراه اللي وصفها من حريم ابن عريعر ... وكبرت عليه
المصيبه قام يتعذر ويتمتم بالكلام والمعاذير للامير ::
وقال هالقصيده يتعذر بها من الحرج اللي طاح فيه وهي كالتالي
ياشيخ يامروي شبا كل عباس ×× لا حل ضرب مذلقات الحرابي
يالعي يابن العي ياقاسي الباس ×× اسمح لمسكين تبلش وتابي
شواربه مادنقن يم الادناس ×× لا بأول الشيبه ولا بالشبابي
لادنقن لاتقل يشربن من كاس ×× ولا عرضن كنه جناح العقابي
ياشيخ هذي كلمة مابها باس ×× بأمر منك ياشوق جالي العذابي
ارخص لنا ياشيخ من فوق عرماس ×× عقب الزميعي تعقبه ب******ي
مع سهلة لاروحت ترمس امراس ×× خد خلا طافح مطرها سرابي
وعقب هالابيات قاله الامير الله عطاك المهربات الثلاث وعقبهن
يصير اللي يصير ,, الحثربي عقب هالسالفه طوى بيته ولاطلع
النور الا وهو شديد راحل من ابن عريعر متجه لديار شمر ..
وسلامتكم وارجو اني مااكون طولتها عليكم ......
أخوكم الهــلالـي
تعليق