[poet font="Simplified Arabic,4,royalblue,normal,normal" bkcolor="transparent" bkimage="backgrounds/1.gif" border="none,4,gray" type=1 line=200% align=center use=ex length=0 char="" num="0,black" filter=""]
البارحه عيني جزت مرقد الليل =وميل عليها الهاجس و لاعتقها
ليّم عليها غلّقن تتعب الحيل = ومما يثير النفس قام وطرقها
اهجوس ليل مقفيات مقابيل =تضفي على قلوب الاوادم غلقها
من هازها يبلش مع الحط والشيل =واليا كتبها فالورق ما نطقها
يبغي يمشيها مع كل تحليل =والعارفه ما تستعي في حمقها
ماهوب داري وش تجيب الاقاويل= هروج خلق الله مايومن وهقها
ومن دش في بحر بليا دواليل = لا يامن الدنيا ويامن غرقها
بعض الليالي ملقحه وبعضها حيل = واحيان عقرٍ من تمره درقها
والميز فالرجال ميزه وتفضيل = والحنظله مره وشين ورقها
والناس فيهم راس وايضا بهم ذيل = واذيالها جعرٍ تنهش شنقها
تعتاش من هقوة هذولا على اهذيل = ابواق تطلق فالمحافل نفقها
نهاشة الحيين نقاصة الكيل = علمٍ جمعها فالاوادم فرقها
عاشت على حظ الرجال الحلاحيل = يوم ان رسنها في يد اذنين صقها
في يدين من لا يفرق العدل والميل = والهينه لو شافها ما فهقها
لا رافع جيل ولا خافظ جيل = انكف بنادقها وطلق سلقها
والله يلو هو في زمن حافر الخيل = يصبح ذهيبه كل من جا صفقها
انا اشهدن دور الليالي محابيل = والمرجله سلعه صعيبٍ عذقها
ماهيب تصلح مع هل القال والقيل = اللي غمس في عرض غيره مرقها
بعيد عنه مبعد الجدي وسهيل = ماقيل له خذها ولا قيل ذقها
والرجل لولا سمعته فالرجاجيل= ماكل لذة نفس قام ومحقها
والنفس ومّاره بسو البهاذيل = والعقل خطم للنفوس وفقها
والهيّنه من رامها خاب وذليل = ومن ينقل الهرجه تنوشه فشقها
وانا شفت فالناس عيّال ومعيل =وناس تناقط للمعالي عرقها
لاشك ماكل حيلٍ يجر حيل = دام الاوادم تختلف في طرقها
[/poet]
البارحه عيني جزت مرقد الليل =وميل عليها الهاجس و لاعتقها
ليّم عليها غلّقن تتعب الحيل = ومما يثير النفس قام وطرقها
اهجوس ليل مقفيات مقابيل =تضفي على قلوب الاوادم غلقها
من هازها يبلش مع الحط والشيل =واليا كتبها فالورق ما نطقها
يبغي يمشيها مع كل تحليل =والعارفه ما تستعي في حمقها
ماهوب داري وش تجيب الاقاويل= هروج خلق الله مايومن وهقها
ومن دش في بحر بليا دواليل = لا يامن الدنيا ويامن غرقها
بعض الليالي ملقحه وبعضها حيل = واحيان عقرٍ من تمره درقها
والميز فالرجال ميزه وتفضيل = والحنظله مره وشين ورقها
والناس فيهم راس وايضا بهم ذيل = واذيالها جعرٍ تنهش شنقها
تعتاش من هقوة هذولا على اهذيل = ابواق تطلق فالمحافل نفقها
نهاشة الحيين نقاصة الكيل = علمٍ جمعها فالاوادم فرقها
عاشت على حظ الرجال الحلاحيل = يوم ان رسنها في يد اذنين صقها
في يدين من لا يفرق العدل والميل = والهينه لو شافها ما فهقها
لا رافع جيل ولا خافظ جيل = انكف بنادقها وطلق سلقها
والله يلو هو في زمن حافر الخيل = يصبح ذهيبه كل من جا صفقها
انا اشهدن دور الليالي محابيل = والمرجله سلعه صعيبٍ عذقها
ماهيب تصلح مع هل القال والقيل = اللي غمس في عرض غيره مرقها
بعيد عنه مبعد الجدي وسهيل = ماقيل له خذها ولا قيل ذقها
والرجل لولا سمعته فالرجاجيل= ماكل لذة نفس قام ومحقها
والنفس ومّاره بسو البهاذيل = والعقل خطم للنفوس وفقها
والهيّنه من رامها خاب وذليل = ومن ينقل الهرجه تنوشه فشقها
وانا شفت فالناس عيّال ومعيل =وناس تناقط للمعالي عرقها
لاشك ماكل حيلٍ يجر حيل = دام الاوادم تختلف في طرقها
[/poet]
[/align]
تعليق