§§§يامنيف شب النار§§§

[زايد القلادي]

الشاعر / معلث المقوعي ينصح ابنة منيف بعد ان تقدم بة السن ويحثة على علوم المرجلة والطيب وانتم يالنداوية تستاهلون هالقصيدة لانكم رمز للطيب والخوة والنخوة الله يديمك :

يامنيف شب النار وقضب مكاني
________تراي حامٍ ماقفي قبل يامنيف
واليوم اشوفه صاري عشري ثماني
________وقتي تغير والقوايم مهاديف
لياصكت البيبان دون المعاني
________يامنيف رحب بالمسايير والضيف
وقلط دلال فيهن الزعفراني
________ونجرا يصوت وسط بيضٍ مهاديف
واذبح لهم كبشٍ كبير المثاني
________وأكرم لحاهم عقب مايكمل الكيف
ليلشح بالواجب خطات الهداني
________عند العذاري قاعد لة تصانيف
خلة يولي وآخر العمر فاني
________لابد مانهج علوم وسواليف
شفنا وعفنا يوم شفنا الزماني
________فيها الحصاني يلعبن الغطاريف
شفنا الزمان تغير فية الحصاني
________والبوم يضرب بالمساويط والسيف
الله يستر من ضني هالزماني
________مثل الفروخ اللي تجي بآخر الصيف





[تم تعديل الموضوع من قبل القلادي بتاريخ 02-19-2001 الساعة 03:42 AM]

تسلم ويسلم الشايب وولدة..

ياليت اهل الغرام بعد يقرونها ... قصيدة ودرس من دروس المعرفة

اخوك القرناس

[زايد القلادي]

الله يحييك

القرناس
--------
حياك ربي والله وشكرا على هذة المداخلة التي تحمل عبق الهيل والبن العربي الاصيل وكرم الضيافة الله يديمك ويعزك ياطويل العمر ولاعليك زود يالغالي :
بالنسبة للقصيد الغرام طيب وحلو ومانقدر نقول عنة شي خصوصا الايام هاذي القصيدة تجي وكنها الوردة الجميلة لاكن قصيد الاولين تاتي وكانها الغيمة التي يخيلها البدوي وتتمناها الارض

ولك تحياتي

الاخ القلادي المحترم

تحيه طيبه ياغالي

ونعم والله بك وبراع القصيده عز الله انها علوم الرجال اللي تنومس


ولكن حنا في وقت اقشر كل شي فيه تغير وعلى قول راع السالفه ام

اما طاعك الزمان والا طيعه

لاوصيك بمثل هذي السواليف وتراني انا خاصه احتفظ بها من مثلك وشرواك

آــــــــــــــــــــــــــ

( د ع و ج ي )

عزيزى القلادى

الغرام مالنا منة فكة.. بس حبيت اسمع رد الربع

تسلم يالغالى.

[زايد القلادي]

الله يسلمكم

الدعوجي
-------
الله يسلمك ويسلم علومك الطيبة الي تحمل كل معاني وتعابير الطيب والمرجلة والله يديمك انت والاخوان وبالنسبة للنوعية هاذي من القصائد راح نكثر منها ونحطها في المنتدى ويمكن نحط لها منتدى
اسمة ((عبق الماضي)) او (الرعيل الاول) نبغى نحط كل القصايد القديمة في منتدى خاص للقصائد القديمة وهذا يربع ترى هو اساس الموروث الشعب لانا بهذة الطريقة راح نجمع قصائد طيبة تغنى بها اجدادنا ورردها جيل بعد جيل انا والله ماني بشاعر لاكن متذوق ومتعطش للشعر القديم لان اجد بة الماضي بخيلة وابلة ومظاهيرة وبيوت الشعر والمعاميل وصوت النجر اللي يترجم قولة حياكم الله يالربع قصايد الوقت هذا ماهي باسيئة بالعكس جميلة ورائعة وشعرائنا اليوم فيهم البركة ولاكن ولاكن الظاهر انا اصبحنا نتذوق الماضي اكثر مثل الاوربيين رغم كثرة الكتاب والمؤلفين الا انهم يحبون قراءة قصص شكسبير ومسرحياتة ورغم كثرة فنانيهم وعازفيهم الا انهم مولعون في بتهوفن ؟
وانتم اصحاب الراءى والله يوفقنا لخدمة الموروث الشعبي تقبل تحياتي يا اخ الدعوجي


القرناس
---------
الغرام نوعين نوع يرفع الراس // ونوع ينداس
-----------------------------------------
النوع اللي يرفع الراس غرام العفة والطهارة اللي يحمل كل المقومات والضوابط الادبية والبنت اللي تنعشق هي اللي تحفظ كرامت نظرتها قبل كلمتها وبسمتها قبل دعمتها هذا الحب اللي تغنى به الاولين وللعلم انا الاولين يفكرون بعقلهم ومشاعرهم ولايفكرون بغرائزهم وهذا الذي جعل الحب الاول هو اساس الشعر وزاد من روعتة
--------
والحب الثاني اعفوني
من التعليق علية ولاكن هذا لايعني ان في هذا الوقت عشق جوهرة اصيل ويحمل مقومات الحب الي يرفع الراس
تقبلوا تحياتي
اخوكم القلادي
وعلى فكرة يالربع ترى هاذي وجهة نظري الخاصة واختلاف الراءى لايفسد للود قضية على ماقالت الجزيرة

مرحبتين .كبار يابو فواز
اعرفك زين ..طيب ولاتجيب الا الطيب .... وليس بغريب عليك العلوم الطيبه
ولايهتم بها الا راعيها ... الله يسلمك
حب لي علي خشم الشايب ومسه بالخير .. والربع كلهم يالذيب

اخوك اللي انت اخوه / ابو بنـــــــــ بحرــــــــــــــدر

جعلك والله تسلم يا جالب الدره

القلادي من كثر ماسمعت عنه تمنيت اقابله

عندي ملاحضه بسيطه

هل نسيت كلمه في البيت الاول الشطر الثاني؟

مثلا

تراي حامي ماقفي اليوم يمنيف

لاني عجزت اقراه بالصوره السليمه


خوي المطاليق

[زايد القلادي]

ياهلا وغلا والله

بحر
.......
--------
هلا بالبحر يامليار هلا والله يالله حية
وبعدين ترى انا تكلمنا عن الطيب والله انك من الطيبين يالغالي
الله يديمك ويعزك ويرجعك بسلامة
الربع كلهم يسلمون عليك سلملي على نفسك واسلم
__________________________________________________

خوي المطاليق
-----------
والله ان كان هناك درة فهي ردودكم الطيبة الي هي بمثابة التشجيع وضخ الروح المعنوية في كل اللي اكتبة
وانشاء الله اني بكون عند حسن ضنك ياطويل العمر انت والاخوان
وعلى فكرة انا اتشرف بمعرفت الطيبين امثالك لان معرفة الرجال تجارة سهمها يرتفع في كل المواجيب والمواقف والله يديمك ياخوي المطاليق

تصحيح البيت اللي ذكرتة
********* يامنيف شب النار واقضب مكاني
تراي حامٍ ماقفي قبل يامنيف

صحيح ترى عدلة البيت البيت رجعت للديوان ولقيت اني كاتبة غلط
الله يسلمك واشكرك على حسك الشاعري وهذا يدل على انك شاعر كبير الله يديمك ونبي نسمع من قصايدك

[تم تعديل الموضوع من قبل القلادي بتاريخ 02-19-2001 الساعة 03:44 AM]

اخي العزيز

صح لسان شاعرها وتسلم على النصيحه

اخوك شقران

[زايد القلادي]

هلاو الله بشقران

يالله حي شقران وش الساعة المباركة
صح بدنك يالغالي

بسم الله الرحمن الرحيم

شاكرين لك يالطيب ..

شكرا جزيلا ..