[poet font="Simplified Arabic,14,white,normal,normal" bkcolor="darkblue" bkimage="" border="double,4,gray" type=2 line=200% align=center use=sp char="" num="0,black"]
الدروب طوال والنيه مطيه "=" قول ما عندك وفيني لا تبالي
لا توصيني وانا مبغى وصيه "=" إتكل بالله وبالله إتكالي
وإعرف الذمه من الذمه بريه "=" جيتني غالي وعني رحت غالي
والعذر خله على فال الخطيه "=" ينفعك لا خانتك سود الليالي
دام مالك بالمحبه مقدريه "=" وش تبي اطلب من كفوفك وصالي !؟
ما غصبتك بالليال الاوليه "=" كيف ابرجي الوصل منك بالتوالي
يوم كلك جيت ذوق وشاعريه "=" جيتني عاشق وسكنتك خيالي
قلت لي تكفى إذا بقلبك حميه "=" لا تخليني بعد تكفى لحالي
روحي .. لاعمري .. لا..لا.. كل شي فيه "=" كل ما اسهى عنك جاطيفك قبالي
بالغلا حبك تعدى والديه "=" لا.. وازيدك فوقهم عمي وخالي
لو تفارقني توردني المنيه "=" خلك اقرب من ظلالي لا ظلالي
وإلا انا جيتك وقلبي في يديه "=" عقب هذا قلت محبوبي صفالي
لو يبي عمري حشا سقته هديه "=" كل شي يهون لعيون الغوالي
كنت اهجيه الوفا كالابجديه "=" كنت راس المال واصبح راس مالي
كنت في باله وللعينين ضيه "=" وصار مشغل كل تفكيري وبالي
ليه حسناتي تجازيها بسيه "=" مابي منك شي ..؟ بس جاوب سؤالي
صدمتك ماهي عللا قلبي شويه "=" ما هقيت اللي جرى منك جرالي
واجد اللي خان بالعشره خويه "=" منت بأول واحد ٍ ولا انت تالي
وإتعذر .. والله إن عينك قويه "=" انت شايف للغدر فيها مجالي ..!
رح فمان الله والذمه بريه "=" مابقالك شي .. وعندك مابقالي
بس لامن رحت لا ترجع عليه "=" وإن رجعت اعرضك ظهر الليالي
إحمد الله شامت النفس الشقيه "=" من هو الترفات .. وإرتاحت جمالي
والله ادرا كنت ناوي لك بنيه "=" لو مبيتها على سمر الجبالي
هدت الضلعان في نجد العذيه "=" ذا مثل .. وإضرب على غيظي مثالي
تشتحن روحي وتصلاها لظيه "=" لا طرالي شي باسبابك طرالي
كل ما ثار الخفوق إردعه كيه "=" والصدر لا ضاق يا عزي لحالي
يرشح الدخان شرب الشاذليه "=" ليت لي صدرٍ على الظيقه شمالي
والبلا من بنت فكرٍ غشمريه "=" زينة قافٍ على المسحوب جالي
بالضماير شب له نيران حيه "=" والمعنى هاض لوهو كان سالي
حايل بيوته كما بنت اجوديه "=" تقتنع بشويش وبنية حلالي
يا شبيه الريم مدري يا سميه "=" جيتني نادم ومشيك بالعدالي
والاسف ترجيه من قلبي عطيه "=" تحسبني ذاخره يا الهملالي
دوك شرح اللي جرالي بالقضيه "=" في بيوتٍ صرفها صرف الريالي
انت لو تدري وش اللي صار ليه"=" كان تبكي دم ياخشف الغزالي
ذقت كاس من القهر لارحم حيه "=" وانت عارف وش ورا قهر الرجالي
عن يدينك قلت لك تكرم يديه "=" وعن فناجيلك بعد تكرم دلالي
ناصحك لا رحت لا ترجع عليه "=" وجابك الله لاجل اعزر بك ليالي
محمد العيباني
[/poet]
الدروب طوال والنيه مطيه "=" قول ما عندك وفيني لا تبالي
لا توصيني وانا مبغى وصيه "=" إتكل بالله وبالله إتكالي
وإعرف الذمه من الذمه بريه "=" جيتني غالي وعني رحت غالي
والعذر خله على فال الخطيه "=" ينفعك لا خانتك سود الليالي
دام مالك بالمحبه مقدريه "=" وش تبي اطلب من كفوفك وصالي !؟
ما غصبتك بالليال الاوليه "=" كيف ابرجي الوصل منك بالتوالي
يوم كلك جيت ذوق وشاعريه "=" جيتني عاشق وسكنتك خيالي
قلت لي تكفى إذا بقلبك حميه "=" لا تخليني بعد تكفى لحالي
روحي .. لاعمري .. لا..لا.. كل شي فيه "=" كل ما اسهى عنك جاطيفك قبالي
بالغلا حبك تعدى والديه "=" لا.. وازيدك فوقهم عمي وخالي
لو تفارقني توردني المنيه "=" خلك اقرب من ظلالي لا ظلالي
وإلا انا جيتك وقلبي في يديه "=" عقب هذا قلت محبوبي صفالي
لو يبي عمري حشا سقته هديه "=" كل شي يهون لعيون الغوالي
كنت اهجيه الوفا كالابجديه "=" كنت راس المال واصبح راس مالي
كنت في باله وللعينين ضيه "=" وصار مشغل كل تفكيري وبالي
ليه حسناتي تجازيها بسيه "=" مابي منك شي ..؟ بس جاوب سؤالي
صدمتك ماهي عللا قلبي شويه "=" ما هقيت اللي جرى منك جرالي
واجد اللي خان بالعشره خويه "=" منت بأول واحد ٍ ولا انت تالي
وإتعذر .. والله إن عينك قويه "=" انت شايف للغدر فيها مجالي ..!
رح فمان الله والذمه بريه "=" مابقالك شي .. وعندك مابقالي
بس لامن رحت لا ترجع عليه "=" وإن رجعت اعرضك ظهر الليالي
إحمد الله شامت النفس الشقيه "=" من هو الترفات .. وإرتاحت جمالي
والله ادرا كنت ناوي لك بنيه "=" لو مبيتها على سمر الجبالي
هدت الضلعان في نجد العذيه "=" ذا مثل .. وإضرب على غيظي مثالي
تشتحن روحي وتصلاها لظيه "=" لا طرالي شي باسبابك طرالي
كل ما ثار الخفوق إردعه كيه "=" والصدر لا ضاق يا عزي لحالي
يرشح الدخان شرب الشاذليه "=" ليت لي صدرٍ على الظيقه شمالي
والبلا من بنت فكرٍ غشمريه "=" زينة قافٍ على المسحوب جالي
بالضماير شب له نيران حيه "=" والمعنى هاض لوهو كان سالي
حايل بيوته كما بنت اجوديه "=" تقتنع بشويش وبنية حلالي
يا شبيه الريم مدري يا سميه "=" جيتني نادم ومشيك بالعدالي
والاسف ترجيه من قلبي عطيه "=" تحسبني ذاخره يا الهملالي
دوك شرح اللي جرالي بالقضيه "=" في بيوتٍ صرفها صرف الريالي
انت لو تدري وش اللي صار ليه"=" كان تبكي دم ياخشف الغزالي
ذقت كاس من القهر لارحم حيه "=" وانت عارف وش ورا قهر الرجالي
عن يدينك قلت لك تكرم يديه "=" وعن فناجيلك بعد تكرم دلالي
ناصحك لا رحت لا ترجع عليه "=" وجابك الله لاجل اعزر بك ليالي
محمد العيباني
[/poet]
تعليق