Tweet
[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياراس هات اللي بقى به من ابيات = الصدر ضاق وسلوتي في القصيده
عجّل ولاتبطي ليا قلت لك هات = خابرك ماتذخر علي الفريده
وخابرك رهن اشارتي كل الاوقات = من جود ربي كل طرق تجيده
نظم القصايد من عظيم الملذات = لاصار لك غايه بنظم النشيده
وانا طلبتك لي مقاصد وغايات = ولادعيت من اجل غايه وحيده
فالناس ياراسي صنوف ومقامات = والله يدبرهم على مايريده
منهم بعيد شبوح زبن الونيات = تشوم نفسه عن دروب النقيده
سفير ربعه في نهار المهمات = منعم عليه الله باراه السديده
كريم سبلا والعطايا جزيلات = يبين لاصكت حديده حديده
هذاك تشرى خوته بالجنيهات = لاصار راعي المال همه رصيده
ويعطى على شوفه كبار العطيات = لانه على ماقيل نعم الوليده
وتفرح اذا وثّقت معه العلاقات = وش مثلها يصبح حفيدك حفيده
ومنهم قصير شبوح كساب سيات = الله يهب له علة في وريده
ماهمه الا نقل هرجه وشمات = لاقرب قريب له يسوي مكيده
ماينعرف له مضمر عشر نيات = يالله عسى سود المنايا تبيده
هذاك عرفه من كبار الخسارات = بع خوته بدريهمات زهيده
وش فايدة عرف وراه المضرات = ذا الصنف مامن معرفتهم حصيده
وش لك بدرب فيه ميله ولفات = مادام به درب يوصلك سيده
درب النقا لوبه طوال المسافات = امشه وتلقى به نهايه مفيده
ولاتطرد اللي فات مافات لك مات = الفايته للكفو ماهي طريده
يارب لطفك مبتدين النهايات = الله يثبتنا بدرب العقيده
تفتحت من كل وجهه مجالات = وفي كل يوم نشوف موضه جديده
بين الرجال الفرق صار الريالات = كل يساوي قدر ماملكت ايده
والناس تمشي حسب حجم الدعايات = غفله نهايتها لحوض الوقيده
واهل الصحافه همهم في المقالات = يامكثر العمدان وسط الجريده!
فيامل طرف يسهر الليل مابات = عاف الكرى لجل الحظوظ العنيده
ماامداني افرح قالو اللي تبي فات = ادع الله ان اللي غدابه يعيده
ورضيت بالمكتوب لو فيه ميلات = والصبر زين في الظروف الشديده
مير النفوس الها طبايع وعادات = مثل الطمع حزات عاده حميده
وبغيت مطلوبي يجي بالحيالات = والا يصادف معترض لي واصيده
ودرب الحيل مظلم وكله مطبات = واللي مشى درب الحيل مايفيده
ولابقى غير الطلب والوجاهات = وقت الشدايد والخوي بان جيده
افزع ترى ماعاد فيها احتمالات = افزع بوجهك والعضيد لعضيده
يالله ترى الاحيا على درب الاموات = قال انتظر وايام ربي عديده
يبغى انتظر لاعادك الله فزعات = طال انتظاري والعدا مستفيده
اما احسم الموضوع وانه القرارات = ونقول تسلم يامضوّي الشريده
والا اعتذر والعذر مابه ملامات = النصر والا الروح تقبض شهيده
ياللي تلوى خل عنك التفاهات = مثل البخيل اللي نوى ذبح عيده
انا سبق وان قلت للناس نظرات = ونظرتك قصرتك ليه ماجت بعيده
مستفزع بك واتحسبها اختبارات = حسبتك ذي طبع النفوس البليده
اللي يجاوب صوت الاحرار بسكات = اوضح صفات العبد لاشاف سيده
والا تطبّع من طبوع الخوندات = ناعم من اسباب الحياة الرغيده
ياليتني غرقت وسط المحيطات = ولانصيت اهل الطبوع النكيده
دنقت له راس يحس السماوات = قلنا يداوي الجرح زود صديده
يالعنبوها حاجة ترخص الذات = تفكرو ياهل العقول الرشيده
لكن صروف الدهر شنت بغارات = وهدتك ياقصر تعبنا نشيده
بدعي جزاها الله خير وخيرات = باسبابها شفت الحقايق الاكيده
تعطي الحقايق في صريح العبارات = الصدق له معها علاقه وطيده
واعطتني المضمون بعد النقاشات = قالت خويك راح ماهو فقيده
وانا اعتبرته في نظام الاشارات = ساعي بريد مادرى عن بريده
مسموح ماله غير قولة سلامات = واللي من ايده ادعو الله يزيده
والراس جاب اللي بقى به من ابيات = تواردت حتى كتبت القصيده
واكرم كرمتو يالوجيه الرضيات = قولة كرمتو مثل فرصه سعيده
[/poet]
ياراس هات اللي بقى به من ابيات = الصدر ضاق وسلوتي في القصيده
عجّل ولاتبطي ليا قلت لك هات = خابرك ماتذخر علي الفريده
وخابرك رهن اشارتي كل الاوقات = من جود ربي كل طرق تجيده
نظم القصايد من عظيم الملذات = لاصار لك غايه بنظم النشيده
وانا طلبتك لي مقاصد وغايات = ولادعيت من اجل غايه وحيده
فالناس ياراسي صنوف ومقامات = والله يدبرهم على مايريده
منهم بعيد شبوح زبن الونيات = تشوم نفسه عن دروب النقيده
سفير ربعه في نهار المهمات = منعم عليه الله باراه السديده
كريم سبلا والعطايا جزيلات = يبين لاصكت حديده حديده
هذاك تشرى خوته بالجنيهات = لاصار راعي المال همه رصيده
ويعطى على شوفه كبار العطيات = لانه على ماقيل نعم الوليده
وتفرح اذا وثّقت معه العلاقات = وش مثلها يصبح حفيدك حفيده
ومنهم قصير شبوح كساب سيات = الله يهب له علة في وريده
ماهمه الا نقل هرجه وشمات = لاقرب قريب له يسوي مكيده
ماينعرف له مضمر عشر نيات = يالله عسى سود المنايا تبيده
هذاك عرفه من كبار الخسارات = بع خوته بدريهمات زهيده
وش فايدة عرف وراه المضرات = ذا الصنف مامن معرفتهم حصيده
وش لك بدرب فيه ميله ولفات = مادام به درب يوصلك سيده
درب النقا لوبه طوال المسافات = امشه وتلقى به نهايه مفيده
ولاتطرد اللي فات مافات لك مات = الفايته للكفو ماهي طريده
يارب لطفك مبتدين النهايات = الله يثبتنا بدرب العقيده
تفتحت من كل وجهه مجالات = وفي كل يوم نشوف موضه جديده
بين الرجال الفرق صار الريالات = كل يساوي قدر ماملكت ايده
والناس تمشي حسب حجم الدعايات = غفله نهايتها لحوض الوقيده
واهل الصحافه همهم في المقالات = يامكثر العمدان وسط الجريده!
فيامل طرف يسهر الليل مابات = عاف الكرى لجل الحظوظ العنيده
ماامداني افرح قالو اللي تبي فات = ادع الله ان اللي غدابه يعيده
ورضيت بالمكتوب لو فيه ميلات = والصبر زين في الظروف الشديده
مير النفوس الها طبايع وعادات = مثل الطمع حزات عاده حميده
وبغيت مطلوبي يجي بالحيالات = والا يصادف معترض لي واصيده
ودرب الحيل مظلم وكله مطبات = واللي مشى درب الحيل مايفيده
ولابقى غير الطلب والوجاهات = وقت الشدايد والخوي بان جيده
افزع ترى ماعاد فيها احتمالات = افزع بوجهك والعضيد لعضيده
يالله ترى الاحيا على درب الاموات = قال انتظر وايام ربي عديده
يبغى انتظر لاعادك الله فزعات = طال انتظاري والعدا مستفيده
اما احسم الموضوع وانه القرارات = ونقول تسلم يامضوّي الشريده
والا اعتذر والعذر مابه ملامات = النصر والا الروح تقبض شهيده
ياللي تلوى خل عنك التفاهات = مثل البخيل اللي نوى ذبح عيده
انا سبق وان قلت للناس نظرات = ونظرتك قصرتك ليه ماجت بعيده
مستفزع بك واتحسبها اختبارات = حسبتك ذي طبع النفوس البليده
اللي يجاوب صوت الاحرار بسكات = اوضح صفات العبد لاشاف سيده
والا تطبّع من طبوع الخوندات = ناعم من اسباب الحياة الرغيده
ياليتني غرقت وسط المحيطات = ولانصيت اهل الطبوع النكيده
دنقت له راس يحس السماوات = قلنا يداوي الجرح زود صديده
يالعنبوها حاجة ترخص الذات = تفكرو ياهل العقول الرشيده
لكن صروف الدهر شنت بغارات = وهدتك ياقصر تعبنا نشيده
بدعي جزاها الله خير وخيرات = باسبابها شفت الحقايق الاكيده
تعطي الحقايق في صريح العبارات = الصدق له معها علاقه وطيده
واعطتني المضمون بعد النقاشات = قالت خويك راح ماهو فقيده
وانا اعتبرته في نظام الاشارات = ساعي بريد مادرى عن بريده
مسموح ماله غير قولة سلامات = واللي من ايده ادعو الله يزيده
والراس جاب اللي بقى به من ابيات = تواردت حتى كتبت القصيده
واكرم كرمتو يالوجيه الرضيات = قولة كرمتو مثل فرصه سعيده
[/poet]
تعليق