(تبت يدين العابثين)

السلام عليكم ورحمة الله وبركاته

اخواني واخواتي اعضاء وزوار منتدانا الكبير بأهله النداويّ

قصيدة آمال انّ تنال الجزء اليسير من اعجابكم والسموحه على القصور.

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=350% align=center use=sp length=0 char="" num="0,black" filter=""]
هذي قصيده واسمها (تبت يدين العابثين)=الاّ وتب الله يدين اللي بعد تبرالها
قوم ٍ تشجع للفتن ، والبغض ، والشيّ المشين=ماتستحق الاّ غضب ربيّ بسوّ اعمالها
تلبس ثياب العابدين ، الساجدين ، المتقين=في قصدّ تمويه العرب لاتشتبه في حالها
تسللّت في مجتمعنا بسم حق وبسم دين=والدين عنها مبتعد والحق غير بفالها
ايّ والله انّ الحق عنها بعد نجم الفرقدين=تأملوا في قولها واستبصروا بفعالها
على سبيل من المثال،الصح يالقلب الفطين=المسلمين الله محللّ دمها واموالها؟!
هل هذه هيّ ماسنّها محمد نبيُ العالمين=اما الذي قد سنّها الشيطان مع جهالها؟
رسولنّا محمد عليه افضل صلاة المؤمنين=قدوه لمنّ نفسه تحب الخير والله قالها
في سيرته لنا حكم ودروس مع كنز ٍ ثمين=تشريع يبقى للدهر بيامها والّيالها
رغم ماقاسى من اذى وش قال مّلّك الأخشبين=ماطاوعه يطبق على الكفار سمر جبالها
من اصلابهم لعل يطلع للرساله تابعين=شف حكمته يصعب على الدنيا تجيب امثالها
مع قصة الجار اليهودي تذكره للغافلين=ماشال سيفه لو يبي ذبحتّه كان احتالها
بلعكس زاره في مرض وافضى الى الهديّ المبين=لو عامله بالعنف مااسلمّ لو يطول جدالها
هذا دليل انّ الله ابقى حق للمستأمنين=مادام ماشالت بيارقها وحلّ اقتالها
أرض ٍ بها محمد وابوبكرّ وعمر والصالحين=ماهيب ساحه للجهاد بوّعرها واسهالها
ياللي تحيّزم بالقنابل من يسارك واليمين=لحفرة جهنّم لاتدّفك بالكلام ارذالها
عاين لمنّ حطيته بعقلك زعيم الفاتحين=(ورعه) بجنّبه ماعطاه القنبله يشتالها!
يعني اداه لجرم في يدين العصاه المعتدين=ماحسبّوا لك واحسبوا (لمك) ولاسلالها
لأن الهدف اكبر من اللي يذكرونه خابرين=الله كشف وجه القبيحه لو تلف اجلالها
الناس ماتجهل تمّيز في كلام الصادقين=اذاعتك (يابن السفيه) الوشوشه برسالها
تبي تسويّ مثل ما سوّا (الخميني) من سنين=لعب على الشعب الايراني بالصلاح وغالها
بدايته هذا محرم واعدلوا يامايلين=ونهايته حللّ ماحرّم دقها واجلالها
حنا هنا في دارنا مستانسين وامنين=في ظل شجرة قانعين بطلعها وظلالها
يبقى وطنّا قبلة الاسلام دار المسلمين=اقوى من احلام العدى بالله وعزم ارجالها
تمت قصيده واسمها(تبت يدين العابثين)=الا وتب الله يدين اللي بعد تبرالها
وسلامتكم
فالح
الرياض

[/poet]

اررررررررررررررررررررررررررررررررررحب







يامرحبا والله ومسهلا يابو راشد





رااائع جدا ماكتبته يافالح



صح الله قلبك وعقلك الواعي وفكرك النير



قلت وكفيت ووفيت



لاهنت يالقرم ايو الله لاهنت




وتقبل محبتي وتقديري



وحفظك الله

أرحب

مانيب قايل الا ( جعل يمناك ماتشل وخاطرك مايضيق )

وصح لسانك مليووون × مليووون

يتوقف الكلام امام هذه الفاتنه

لله درك

تحياتي لك

اخي العزيز الشاعر






فالح راشد ال حثلان




ارحب يالسنافي






صح الله لسانك يالغالي






قصيد رائعه يالقرم





لاهنت لك تحياتي

الاخ العزيز الشاعر : فالح بن راشد ال حثلان

صح لسانك قصيده جزله وشعور نبيل 0

تقبل التقدير

صح الله لسانك


يا فالح وعز الله



قصيده كملت وجملت



من جزالة شاعرها والحضور



للاستمتاع وليس للتعليق وتقبل




التحيه اخوك محمد شديد

اخي فالح


مرحبا ومسهلا
أرحب

مانيب قايل الا ( جعل يمناك ماتشل وخاطرك مايضيق )

وصح لسانك مليووون × مليووون

يتوقف الكلام امام هذه الفاتنه

لله درك

ودعتك الله

الشاعر القدير فالح بن حثلان



صح لساااااااااااااااااااااااااانك


قصيده وافيه ومعبره



في وقتها



لاهنت لك شكري وتقديري



بشير العوام

الشاعر / فالح آل حثلان






صح الله لسانك وقلبك





قصيدة جميلة جاءت في وقتها





تقبل كل التقدير





أخوك / خلف ضحوي

تلبس ثياب العابدين ، الساجدين ، المتقين في قصدّ تمويه العرب لاتشتبه في حالها

شاعرنا الراائع فااالح

صح الله لسااانك ولاهنت دائما مبدع يابو رااااشد

تحياتى لك

ياسلام عليك يا بو راشد


صح السانك ولاهنت


وبيض الله وجهك

كتبت واجدت


قصيده رائعه ومعبره

لك تحياتي

فالح بن راشد آل حثلان

رائعه من رائع

صح لسانك على هذا النص الرائع

قصيده تشرفت بقرائتها

دمت بخير ودام ابداعك

ابو عرب

يا سلام عليك يا فالح

عز الله انها قصيده


لا هنت يالقرم

وصح الله الساانك


لك كل الود والتقدير

لاهنت يا فالح


صح لسانك مبدع ووافي


جزله من جزل


بيض الله وجهك



تقبل تحياتي


فهد بن دلباح

فالح


يسعد الله ايامك



الله الله


انا اشهد قلت وطلت



لاهنت يالغااالي