صار الرجل حسبي عليكم بنيه.......

السلام عليكم

يالنداويه والزوار

اتمنى تحوز على رضاكم

[poet font="Simplified Arabic,4,black,normal,normal

" bkcolor="transparent" bkimage="backgrounds/4.gif" border="none,4,gray" type=0 line=200% align=center use=ex length=0 char="" num="0,black" filter=""]
فرق السما والقاع بينك وبيني=انا ابدوي يابنت وانتي حضريه
السلم عكس السلم وينك وويني= انا اعتبر عرفي لمثلك خطيه
الحظ جابك لي غلط صدقيني=يالعنبو هالحظ جابك عليه
ان جيت اعبر قلتي ما تفهميني=وان جيت اسولف قلتي لهجه بدويه
انا كذا يا بنت كانك تبيني=ما بدل اللهجه بلهجه حضريه
اقري وش آخر اسم لي تعرفيني=ماهو مجرد اسم وسط الهويه
انا لي اصل(ن) راسخ وينتخيني=علمني احفظ عزوتي الاوليه
صعبه نكون اثنين متوالفيني= الفرق واضح بيننا ياجوديه
انتي لبستي (الجنز) ابو كسرتيني=وانا لبست (شماغ)و(مساجديه)
وانتي ربيتي بالرخى تحلميني=وانا شقيت وعشت روحي شقيه
ويش الحضاره بنظرتك جاوبيني= (قصت شنب ولا طباع اجنبيه)
(ولا مرينز وناس متمايعيني=صار الرجل حسبي عليكم بنيه)
اقولها لك صدق ماتعجبيني=ولا يحرك ساكن(ن) منك فيه
انا عذابي مخضبات اليديني=سود العيون الناعسات الغشيه
الحين شفتي الفرق بينك وبيني=خلاص روحي وافهمي ياحضريه
[/poet]

محجـــــــــــــــوز

حياك الله ياخالد




يامرحبا فيك


اسعدني مرورك






اخوك/ حمد بن عيد