** كـوفـي عـنـان **

اضع بين ايديكم جديدي .. عسى ان ينال استحسانكم .. واذكّر بأن القصيده ليست سياسيه ..
تنويه : ورد في البيت الاخير اسم "لينا " وهي ابنتي الصغيره .. كفيفة بصر .. اسأل الله ان يمدّها بنعمة البصر وجميع المكفوفين .

[poet font="Tahoma,4,darkblue,bold,normal" bkcolor="transparent" bkimage="backgrounds/2.gif" border="none,4,gray" type=2 line=350% align=center use=sp length=0 char="" num="0,black" filter=""]
العدل والصدق والحشمه من اطباع الكرام = والمدوّر فالخفا هرج القفا ما هو نظيف !!
والمحايد لا سكت عـالحقّ له يوم القيام = ومن تحيّز لاعتبارات الدنا يبقى .. سخيف !!
المصيبه حين صار ابمجلس الامن انقسام = اعتمد كوفي عنان ايضيّع احقوق الضعيف !!
خايف امريكا تعدّه عثره ابوجه السلام = او تقول انه مؤيد حادثة يوم(ن) مخيف !!
والعجيبه كيف يلقى صانع الشر اهتمام = وكيف عكفان الشوارب للردي تصبح حليف!!
ودّي ابكي من قهر لا افتقد جنبي حزام = وودّي اضحك من عجب ما شفت .. فالموقف طريف !!
ضيّع الفلاّح زرعه .. في رجا مزن الغمام = صار يبذر بالربيع وصار يجني بالخريف !!
فان رجع للحق يخشى يلحقه بعض الملام = وان تمادا في ظلاله .. ما رجح كفّ(ن) خفيف !!
والله ان " لينا " تشوف ابقلبها ماحي الظلام = وان ذاك المدّعي للشوف .. فالواقع .. كفيف !!

وسلامتكم
[/poet]

الاخ سعد الحمدان ...




والله ان " لينا " تشوف ابقلبها ماحي الظلام
وان ذاك المدّعي للشوف .. فالواقع .. كفيف


الله يخليهالك وتربابعزك.



اسأل الله ان يمدّها بنعمة البصر وجميع المكفوفين .امين امين



تقبل تحياتي

سعد الحمدان


لاهنت


صح لسانك



وان شاء الله يرجع البصر الى لينا




تقبل تحياتي



بشير العوام

الا خ سعد الحمدان


صح السانك ولاهنت



قصيده رائعه ومعبره


اسال الله ان يمدها بنعمة البصر


لك تحياتي

[النور]

الأخ الفاضل سعد الحمدان

صح لسانك

القصيده بحق رائعه
اما لينا

اتمنى من الله عز وجل ان يبقيك لها
لتتفيا تحت ظلالك
وادعو لها ولأحواننا المسلمين ان يرفع الله
عنهم ويمدهم بنوره الذي لايظلم ابداً

اختك


النور

صح لسانك يا سعد على هالقصيدة الضاربة في أعماق الجزالة بملامستها الجرح








ولا عدمناك

ضيّع الفلاّح زرعه .. في رجا مزن الغمام
صار يبذر بالربيع وصار يجني بالخريف



الشاعر ... سعد الحمدان




والله انك رائع



والله يخلي لينا لك ويستر عليها




صح لسانك ولاهنت







تحياتي

مجعد بن متعب ..

مرورك شرف يا بو متعب ..

وتقبّل الله دعاك ..


لا هنت ..

وتقبل تحياتي ..

اخوك سعد

صح الله لسانك




وبيض الله وجهك



قصيده معبره لامست الجرح





الله لايهينك

سعد الحمدان

صح لسانك

وتسلم يمينك على هالجزله

جزله لاعدمتك

سجل الاعجاب والتقدير

تحياتي

ابو عرب

الشاعر سعد


ارحب صح لسانك


قصيده رائعه


تحياتي

الاخ سعد الحمدان
صح لسانك
ولاهنت قصيده جميله
بيض الله وجهك
تحياتي

سعد الحمدان





صح لســــانك على هذه الرائعه







لاهنت

الاخ سعد الحمدان








صح السانك والله لايهينك ويبيض وجهك على الرائعه التي استمتعنا بقرائتها





وامد الله لينا بنعمه البصر








تقبل تحياتي

[علي بن مشرف]

والله ان " لينا " تشوف ابقلبها ماحي الظلام
وان ذاك المدّعي للشوف .. فالواقع .. كفيف !!



صح الله لسانك ياسعد قصيده رائعه وجميله





لاهنت والله يستر اش ورى كوفي عنان