ارحب

[مسعود الغليسي]

[poet font="MS Sans Serif,5,red,normal,normal" bkcolor="transparent" bkimage="backgrounds/20.gif" border="none,4,gray" type=2 line=200% align=center use=ex length=0 char="" num="0,black" filter=""]


هلا ياطيف من يسكن شرايين الخفوق ارحــــــــب=تراحيب البدو بضيوفها لي بان واجــــــــــــــــــبها
ما جوبك من كبر قدرك تمشى في فتوق الـــــــقلب=تمخطر في شرايين سبب فرقاك عذبــــــــــــــــــها
على شانك باذل القاف واكتب كل حرف صعـــــــــب=بادور للمعاني في وصوفك واكتب اصعبــــــــــهــا
يشجعني غلاك اداعب حروف الشعر والعـــــــــب=وبنات الفكر لاجل تغازلك تظهر مواهبهــــــــــــــا
صحيح ان القلم يعجز وان باعجز ولو نكــــــــتـب=عن وصوفك بنعجز ياحياتي مانحســـــــــــــــــبهـا
ان جينا للوله فانت الوله وانت المرض والطــــــب=وان جينا للنعومة والتكانه فانت صاحبـــــــــــــهــا
من رقتك الانوثية مفاتين الغــلا تنصــــــــــــــــب=وشفافي المشاعر نغمة الورقـا تداعـــــــــــــــبــها
وفياقٍ حنون صاخب منك الدفـــا يـــــــــــــــــلهـب=جمود العاطفة لو عــاندت قربك يــذوبـــــــــــــــهـا
ولبيب وعاطفيٍ في التعـامل بالــــــــغرام وذرب=وفتانٍ وبسلوبك قلوب النــاس تســـــــــــــــــلبـها
واهم الوصف بانك تعتبر لي غــاية المطــــــلــب=واهم من الاهم انك هوى نفسي ومطـــــــــــــــلبـها
احبك حب عذري طاهرٍ من مدنسات الكـــــــذب=ويكرم عن مقام اهل الخيانة مــايصاحـــــــــــبـها
احبك كلمة يعرف ثمنها من يعــرف الــــــــــحب=احبك كلمة صوبك صدى الحرمــان يلهــــــــبــها
احبك يالبعيد ويالعنيد ويالرقيق الصــــــــــــــلـب=احبك يالطبيب مبعد العلة ومــــــــقـربــــــــــــها

[/poet]

الله الله عليك يامسعود

قصيده جزله ووافيه بلا شك

صح الله لسانك

كل الود والتقدير

مسعود الغليسي

صح لسانك

وتسلم يمينك

قصيده جزله لاعدمتك

تحياتي

ابو عرب

[مسعود الغليسي]

الاخوان محمد الميع
سعود العازمي

صحة ابدانكم

مروركم يسعدني
ويشرفني

الله يعطيكم الف عافيه

ارحـــــــــــــــــــب يابو جابر

الاخ العزيز / مسعود الغليسي

مرحبا بك تراحيب المطر


والله يحييك في منتدى النداوي


وصح السانك مليوووووووون


قصيدةِ جزله


ووافيه والله لا يهينك


تقبل تحياتي



اخوك / جابر بن مسفر ال مخلص

الشاعر مسعود الغليسي





صح الله لسانك مليوون ولا تهون





جزله من جزل





تقبل خالص تحياتي

الاخ العزيز الشاعر مسعود الغليسي(عاشق الجزل)
ا
سعدني واثلج صدري انضمامك الى هذا الصرح

واشكر الاخ عبيد ال ذيبان على جهوده في دعوتك

وصح لسانك على هذه الجزله وليس بغريب
على نجل الشاعر الكبير جابر الغليسي اطال الله في عمره

وياليت تتحفنا ببعظ نوادره ونصايحه

وارحب ارحب مره ثانيه

الاخ الشاعر مسعود الغليسي










الله الله عليك









رائعه والله هالقصيدة




ومعبره وجميلة جدا








صح الله لسانك ولا هنت









تقبل تحياتي





ابو اصاله

اذا كان هناك


ابداع
يسكن الناس




فقد خيم هذا الابداع

في ما تكتب يالغي


صح لسانك ولاهنت

ارحب ارحب يامسعود مرحبا والله ومسهلا

صح لسانك جزل كعادتك وليس بغريب عليك الشعر الجزل وانت عاشق الجزل

جيت للسلام ولا الشعر انت دكتوره ،،،،

اسلم وسلم ،،

ودعتك اللي ماتنام عينه،،،،،،

ارحب

بك انت

الله لا يهينك

جزل

(( صح لسانك اخي ))