Tweet
مساحات العتب واللـوم ماتروي ضما الضيقــه
وانا لو قلت لك "مسموح " صدقني وكذبنــي
جراحات الألم مكتوب نترنـــم بها ضيقــه
مع هجر الشعـور البـاب صكيتــه ! واتعبنـي
اسامي وانمحت من ذاكـرة قلــب ومعاليقـه
واسامي مابعد قالت..وخافت قول ماتعنــي !
هموم الحرف وكتوف المعاني والحمل ويقــه
تشوف الروح وشفـاه المشاعر وانت تطربنـي
انا لاقلتلـك " مسموح " نبنـي الحلـم وانفيقـه
جنى حلم العمر فينا ..كذب ! لامنك ومنــي !
تصـدّق لارحل زولك ! جلست اعبـث بتشويقـه
اخاف الوقت بي يمحي ملامح وجهـك ! وتدنـي !
كفاني منك لو بشـرب غـرور احزان ياريقـه
بيهجـر واقع الكلمـه سرابك ! واكتمـل حزنـي
تخليني على بعض الطريق اشبــه طواريقـــه
واعيش اللي يحسه وان حكى بالحيـل يجذبنــي
مساحات العتب واللوم اقسى من ضمى الضيقــه
وجراحات الالم مكتوب نثمرهـاااااا ولا نجنـي
انا لاقلتها " ارحـــل " اكيـد البعـد ماطيقــه
واذا ماقلتلـك مسموح ! كذبني وصدقنــي
[/align]
تعليق