يوم الحصاد

[poet font="Simplified Arabic,14,darkblue,normal,normal" bkcolor="" bkimage="http://ahlaa.net/vb//backgrounds/42.gif" border="double,2,tomato" type=2 line=200% align=center use=ex char="" num="0,black"]
متى نصحى من الغفلة ؟! متى نرسى على مرسى؟!!= متى نحذر من الدنيا وهي بالحيل غدّارة؟!!

يموت الميت.... ونفزع ليالي بعدها ننسى !!=ونرجع مثل ماكنّا بعد ماتنتهي الغارة!!

غريبه مابَعد خذنا من اللي قبلنا درسا=كأنّ الله خالقنا لكل الناس قبّارة!!

فكم من واحدٍ يصبح بخيرٍ مع هله ماامسى=واذا اْمسى قبل مايصبح طواه الموت باقداره

يلين الجامد القاسي.. وحنّا قْلوبنا تقسى !!=أجل وشلون لو كانت من اصل جْبال وْحجَارة؟!!

عِبر في الكون..في معنى كلام النظرة الخرسا=وفي البسمة..وفي الدمعة..خفايا الكون واسراره

بلادٍ ظامية حتى بها العود الخضر يبسا=وبلاد الغيث يسقيها.. ثراها تورق أشجاره

أشوف الحظ فـ الدنيا يجي عقب السَعَد نحسا=وموال الفرح لابد يومٍ تبكي أوتاره!!

نعم آمنت لو كانت لابِن آدم مية نفسا=مصير الموت يرحل به عن الخلان ودياره

مزارع كلها الدنيا لنا وأعمالنا غرسا=وفي يوم الحصاد الكل منّا يجني أثماره

[/poet]

عايض بن مساعد

صح لسانك .


قصيده



وافيه من وافى

تحياتى

عايض بن مساعد

يسعدني اكون اول من صافح

القصيده

التي اعجبتني بجزالتها

قصيده لاتحتاج الى تعليق

بل تحتاج الى تصفيق ماله نهايه

يلين الجامد القاسي وحنا قلوبنا تقسى

اجل وشلون لو كانت من اصل اجبال وحجاره


تسلم يمينك ياجزل

متى نصحى من الغفلة ؟! متى نرسى على مرسى؟!!
متى نحذر من الدنيـا وهـي بالحيـل غـدّارة؟!!


يموت الميت.... ونفزع ليالي بعدهـا ننسـى !!
ونرجع مثل ماكنّـا بعـد ماتنتهـي الغـارة!!

الرائع عايض بن مساعد,



لله درك ما اروع ما سطرته لنا من حكمه وموعظه
اعتبرك من افضل من يكتب شعر الزهد هذه الايام وتعجبني نبرة الحزن الصادقه في نصوصك..

صح الله لسانك ولاهنت ايها الشاعر الصادق






ملاحظه في هذا الشطر:
واذا أمسى قبل مايصبـح طـواه المـوت باقـداره

اعتقد بان هناك خطا مطبعي سبب زياده في هذا الشطر ولو كان هكذا:
واذا أمسى قبل يصبـح طـواه المـوت باقـداره

لاستقام الوزن والله اعلم

تحياتي القلبيه لك اخي عايض



اخوك,

يا مرحبا فيك اخوي عااايض..

حياك وحي هالقصيد الي في طياته مسك وريحاان

قصيده فعلا من واقعنا .. وهذا حال الدنيااا ياعايض..

صح الله لسانك

وتسلم على شفافيه الاحساس

تحياتي لك

أمسية

فكم من واحدٍ يصبح بخيرٍ مـع هلـه ماامسـى
واذا أمسى قبل يصبح طواه المـوت باقـداره


مـزارع كلهـا الدنيـا لـنـا وأعمالـنـا غـرسـا
وفـي يـوم الحصـاد الكـل منّـا يجنـي أثمـاره


الاخ عايض بن مساعد

صح السانك على هذه القصيده الرائعه


تقبل فائق الاحترام

اخي عاايض


صح الله السانك على هاقصيده


اعجبتني كثير

لا هنت

وتقبل تحياتي

الله الله عليك


ياعايض



قصيده رائعه من شاعر


رائع بمعنى الكلمه

وليس الابداع


امر جديد عليك




فهذا ماتعودناه منك

لاهنت

وتقبل تحياتي

الشاعر عايض



صح لسانك ولاهنت




تحياتي

أخي\خالد العصيمي

شرفتني بحضورك ونورك


لك الورد

ملاحظة/

الهمزة في كلمة (امسى) في الشطر التالي:

واذا اْمسى قبل مايصبـح طـواه المـوت باقـداره

تقرأ كهمزة وصل كما هو دارج في لهجتنا العامية وبذلك لاوجود لخلل في وزن البيت..


تحياتي

تركي الديحاني

أنا من يسّره وجودك وردك الكريم



لك أعذب التحايا

الأخ الكريم/سعيد الحمالي

يشرفني أن يتواجد اسمك هنا ويسعدني ردك وتعليقك الجميل


بالنسبة للشطر المذكور (واذا اْمسى قبل مايصبـح طـواه المـوت باقـداره)

فليس هناك أي كسر فيه لكن ربما قرأت كلمة (امسى) بالهمزة مع أنها تُقرأ

كهمزة وصل كما هو دارج في اللهجة العامية وبذلك يزول اللبس..

تحياتي لشخصك الكريم

الأخت/أمسية

يشرفني حضورك وردكِ الجميل

لكِ التحية

غريبـه مابَعـد خذنـا مـن اللـي قبلنـا درســا
....................................كــأنّ الله خالقـنـا لـكـل الـنـاس قـبّـارة!!


ورب العالمين توني افكر في حالنا وحال هالدنيا الفانيه...
وليمتى وحنا غافلين والموت يقرب اكثر واكثر...
والتوبه بعيد...

عايض بن مساعد...
صورت حال الكثير بهالقصيده وجسدتها باحرف من ذهب...
شرفني كثير والله مروري عليها...
من جد كنت احتاجها..

الف الف الف شكر لوجودك معنا...
وصح الله لسانك مليون يا السنافي...
الله لايهينك...