أرخبيا من ورود الخمايل.....لكم

أرخبيل الخمايل.........
أعتذر عن التأخير وذلك بسبب دواعي السفر....ولا أحد يقول (وين الغنايم)..ماعندي الا هالبويتات.......






أرخبيلٍ من ورود الخمايل خلد
.......................................... وأنتبه في خدودٍ غارقه في الندا

يوم شعشع عليك الصبح نيمه قعد
.........................................وفتح أكمام مختومه ووجهه بدا

واختلط من نداك ومن عبيره شهد
..........................................والنحل يجذبه فوح الشذا وأعتدا

والشروق إبتسم لك بالصباح وشهد
...........................................في محياك صبح وضاع نوره سدا

والنواعس تضم من الفوارس عدد
...........................................من يصيبه سهمها عجلت له ردا

وباسم الثغر كنه ضم لول وبرد
.............................................والشفاة إستعارت لون توت الهدا

وهمس صوتك لوجدان الجميع إستبد
............................................كن وقعه على السامع رجوع الصدا

يحتوي من يتابع من كلامك صدد
.............................................كل موضوع بالروعه وحسن الأدا

لارحل عبر موجات الأثير وصعد
.............................................تنتشي من ترانيمه حدود المدا

ومايس القد ياسبحان ربٍ فرد
.............................................خلقته في الوقوف ولن مشى وإن عدا

والمجاديل شلالٍ عموده رجد
..........................................فوق ردفين كلٍ قال عندك فدا

وفوق هذا رجاحة عقل توزن بلد
..............................................والحيا لأنتهى في الناس فيك إبتدا

والشرف معك بين أمك وأبوك أنولد
................................................توأمٍ ما يخونك في حياتك بدا

تلفت أنظار والحساد ذابوا كمد
..............................................وتملك قلوب بالبيعه تلبي الندا

الجمال الك تاجه وأمره الك إنعقد
.......................................ومن ينافسك في ما نلت غادي جدا

بايعوك الغواني بيعةٍ ماترد
........................................يامليك الجمال الكامل الأوحدا




وسلامة الجميع..عبدالله العتيبي (البـــــــــــــادي)

[راشد العجمي]

صح الله لسانك ياعبدالله....

قصيده جميله....



لاهنت بارك الله فيك...



وابياتك غنيمه نفداك....





أسلم وسلم....

عبدالله العتيبي


صح لسانك

قصيده

وافيه

وجزله من

جزل

تحياتى

الاخ العزيز

عبد الله العتيبي

مرحبا مدد ماهيب عدد

مرحبا من طبخة القهوه لسنام القعود

صح الله لسانك

وافي

جزل


ودعتك الله

اخي الشاعر / عبدالله العتيبي


حيه وحي ما جاب


وهذي درر ما هيب بويتات

صح لسااانك


قصيده رائعه


عانقت جبال الطائف الشامخه


وعانقنا بها الجمال المفرط


لاهنت


ولك اصدق واجزل التحايا

صح لسانك مليووووون



ياعبدالله العتيبي




جميله وجزله




لاهنت

اخي عبدالله


صح الله السانك على هالقصيده


ولا هنت


وتقبل تحياتي

الاخ العزيز/ عبدالله العتيبي


صح لسانك مبدع ووافي


جزله من جزل


بيض الله وجهك



تقبل تحياتي


فهد بن دلباح

يا سلام عليك يا عبدالله


صح السانك ولاهنت


قصيده رائعه من رائع

لك تحياتي

الاخ راشد العجمي


الله يعطيك العافيه ....والف شكر على المرور

خالد العصيمي


الف شكر على مرورك وعلى إطرائك

سالم العرجاني


لاهنت يالغالي


والف شكر على مرورك وعلى كلامك الطيب ياطيب

الله ياسلام عليك

صح الله لسانك ياعبدالله

وهالقصيده تكفينا هي غنيمه وسلامتك غنيمه


والحمدلله على السلامه


اجمل تحياتي


فالح

,,,,,,,,,,,

ياسلام عليك يالعتــــيـبي

لله درك

جزله جزله جزله


اخوك/ابوسلطان

عبدالله غازي


الف شكر على مرورك وعلى كلامك الطيب ياطيب


وبعض ماعندكم