هديتي للنداوي والنداوية

[زايد القلادي]

قصيدة جميلة ورائعة للشيخ/ مشعان بن هذال
اهديها للجميع وعساة تعجبكم
-------------------------------

ياشاعمين النار جوكم مسايير
.......... يجذب ضواها يومكم تشعمونه
الله يطسب فالكم يامناعير
.......... بسلاما أحلى من روايح مزونه
أنا وخلي فرقتنا المقادير
............. يامن خبر بيدية يطرف عيونه
وجدي عليها وجد من طاح بالبير
............. اخطى الرشا وحال ازرق الجم دونه
ابو ثمانا كنهن الفنانير
................ غروا يغذي بالشمطري قرونه
ماكولها تمرة شثاثا وأبي الجير
............... وشربه حليب مبردا في صحونه
ماوقفت تمشي بسوق الحواظير
............... وملبوسها زريا طوالا ردونه
أمسى الضحى عندى بو سط المقاصير
.............. واليوم عنى مبعداتا ضعونه
على اشقحا خلف السلف والمظاهير
............. يتلي قطيعا مغترا مثل لونه
غدو بها ورد الشميلي وابي الجير
............. اقفى مع الفدعان تطرخ ضعونه

----------
الاخوة الاعزاء ترى انا احب القصايد القديمة واهتويها بجميع انواعها ولعل مايحببني فيها هي جمالها ولااخفيكم انها تهتوني هذة القصايد والحقيقة اني الايام هاذي راح اظم للمنتدى الاخ ابو عبدالله العنزي وهو موسوعة بحد ذاتها ويعرف جميع مايتعلق بالموروث الشعبي ويحفظ جميع قصائد الاولين وهو يمتاز بالمصداقية وعدم التحيز
وانشاء الله راح يكون معنا عن قريب :
ونتمنى ان نكون عند حسن ضن الجميع والله يوفقنا لخدمة الموروث الشعبي
تقبلوا تحيات اخوكم القلادي
من الكويت

عوايد وعهود يابو فواز ما يجي من الطيّب الا طيّب عزالله انها ذربه ذا القصيده ما تشوف الشايب امبسط منها والشايب ما كل شي يعجبه
الله لا يهينك وصح لسان شاعرها.


تقبل تحيات اخوك /حكيم الجامعه

وجدي عليها وجد من طاح بالبير
............. اخطى الرشا وحال ازرق الجم دونه


تسلم اخوي زايد على هذا الاختيار
والقصائد القديمه تجد فيها المعاني الجزله
ويضفي عليها رونق الابداع
وللك جزيل الشكر على هذه القصيده....

ولا تفوتك القصيده التاليه ..
اضغط هنا


http://www.alnadawi.net/vb/showthrea...?threadid=1935

[زايد القلادي]

هلا وغلا فيكم

الشايب
----------
الله يسلملي شيباتك والله لونك عندي حبيت خشمك لان شيبانا هم اساس نهجنا وتربيتنا ولانستنزف افكارنا الا من بير الموروث الادبي اللي ورثناة منهم على العموم ياشايب الرحمن ابشر بالقصيد اللي يطرب الروح بجيبلكم قصايد الاولين وانت تمون على ولدك القلادي يايبة

حكيم الجامعة
---------------
مرحبا والله مليون وغلا فيك ياطير شلوى والله انها الساعة المباركة اللي قريت ردك اللي اعتبرة دافع للابداع عندي انت مهما تكلمت عنك فستظل كلماتي اسيرة لطيب اخلاك وسمو ها سلمي على الولد وقلة فواز يسلم عليك الله يديمك تقبل تحيات اخوك الصغير القلادي

العاشق المحروم
--------------
هلا والله بشاعرنا الغالي العاشق المحروم انا الحقيقة اجهز الايام هاذي قصايد قديمة اخذها من الوالد ومن صديق الوالد ابو عبدالله العنزي فهما خبيران بجميع القصايد القديمة وفي الطريق انشاء الله
مع تحياتي للجميع
اخوكم القلادي
ابو فواز

بسم الله الرحمن الرحيم

شكرا على الأهداء ..

احنا بعد نحبها ياقلادي

تسلم والله يابو فواز...

أختيارك ماأ جمل منه ألا أنت....

ونبيك تكثر من هاالنوعية...

والله يحيي عبدالله العنزي....

وانت راعي الأوله يالقلادي..

تحياتي لك..

ولدعبس

[زايد القلادي]

هلا والله فيكم وغلا

الاخت هيفاء الله يسعد مساك ويسعد مساء البــــدر بكل خير وتسلمين ياطويلة العمر :

ولد عبس
----------
حياك الله يالغالي يالبنسلين على ماقال ابو فلاح
انشاء الله راح اجمع لكم العديد من القصائد انت تمون يابو فرحان الله يديمك ويديم ردودك الجوهرية
تقبل تحيات اخوك
القلادي


[تم تعديل الموضوع من قبل القلادي بتاريخ 02-14-2001 الساعة 11:19 PM]